منتديات تيرا الحب - عرض مشاركة واحدة

11-06-2025, 06:52 PM

اقتباس

[عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة أمير الاحساس

اي كنت مع الفلول اساسا انا الفلول فلفول يفلفلك على قولة جارتي ام يارا

على سيرة الفلول وكيف بدك تنهيهن على اي اساس انتو صنفتو الفلول ؟

كلمة فلول كبيرة كتير وعاملة ازمة بالبلد

سؤالي الك الحكومة الجديدة سو بتفرق عن القديمة وهون سؤالي عن المعاملة مع المواطن
بالاول كانت التهمة ارهابيين وهلئ التهمة فلول انت مافيك تعترض ولا تناقش
حتى الي استلمو المناصب وهون قصدي المناصب الي الها خلطة مباشرة مع المواطن مانهن اهل الها وانا عم احكي عن تجربة
الرشوة الواسطة المحسوبية كلها موجودة شو تعليقك ؟

وبرأيك انضحك علينا ؟؟؟؟؟

اول شي سلملي على جارتك وخليها تفهمني شو قصدك بكلمة انتو ؟ مين انا مين نحن ؟

توضيح مهم جدا عن موقفي الشخصي انا مع الثورة بشكل عام واسقاط نظام البعث والتشبيح وهي خلصنا منها

نجي لمين استلم هلاء :

اولا بالامور الخارجية والعلاقات الدولية عشرة من عشرة وزيادة شغل جباار وعاش ابو عائشة الشيباني

تانيا تجي للوضع الداخلي تخبيص وتعفيس وقرارات غبية لاتنم عن فكر دولة

بالمشرمحي الهيئة الي مسكت سوريا مو كل الثوار وباقي الفصائل انضموا تحت جناح الهيئة بالاجبار

شعبنا بس كان بدو يخلص من النظام وترك كل شي بعدو

وللأسف حكومة صبيان وتصرفات رعناء طائشة

فشو عملت الحكومة يا تاج راسي

الحكومة (هيئة تحرير الشام) ماعندها اي ثقة غير بنفسها لا احرار الشام ولا الصقور ولا عندها اي ثقة باي فصيل تاني والعنجهية عندن عالية جدا

فعدم ثقتن بالغير من الثوار وظفوا الشبيحة مكانن

واعطو المناصب لغير أهلها من الثورا بالعكس عين الشبيحة القدام قويت وصارو شبيحة جداد للهيئة متمثلة بالشرع

الشرع كشخص عندو طموح وعندو فكر عالي بس ولى الأمور الداخلية لغير أهلها

وعفى عن الشبيحة (هي نقطة قاتلة وتستاهل ثورة جديدة)

حكينا كتير ومختصر الكلام : ماحدى من الثوار راضي أبدااااا عن الحكومة الحالية

ولكن ساكتين غصب عنا لأنو اذا قمنا ثورة عليهن وراح الشرع رح ينفجر البلد اغتيالات وقتل

وقد نعوووود لحكم مناطقي وميليشيا

العلوية مستحيل يرجعوا للحكم وهنن مستحيل يقبلو بحكم الامويين (السنة)

قسد دعم امريكي والدروز دعم اسرائيلي و احسن واوعى ناس المسيحية والشركس وجارتك ام يارا

يعني اذا بروح الشرع رح ياكلونا كلن بلا ملح لذلك حاطين ملح عالجرح وصابرين على هالتخبيص

وانتهى الموضوع الله يرضى عليك وسكر عليه لانو التعى ئلبي منك ومنو

رح نلاقي حوار جديد مختلف تشارك كل الأعضاء

بسلامة كل اعضائك ايام النظام القديم اخي المواطن