منتديات تيرا الحب - عرض مشاركة واحدة

03-14-2017, 12:12 PM

تعوا تعوا لاحكيلكن فشة هالخلئ علسان وحدة

قال بتقول هالوحدة

بعيد ميلاد جوزي عملت كيك وجبت ورد وشعلت شموع وحطيتهم بالغرفة

عشان يفوت يتفاجئ

وقت شاف الشموع ماشفتو غير وكانو متل هاد التنين الي بيفتح تمو وبينفخ نار

بس جوزي مانفخ نار نفخ هوى

وهو عم يقول طفي طفي ليش هاد

الصراحة انا الي تفاجات مو هو يئطع شرو

والله بلا طول سيرة طفينا وانا قعدت متل القردة وهو تعشا العشا الي انا تعباني

فيه طول النهار وبعدا اتسلى

ومانسي قبل مايتلئح عالتخت يسال شبو بوزك ممطوط

صحي قولكن ليش ممطوط

المهم تاني مرة بعيد ميلادو التاني مازقت على حالي قلت لجرب

بس هالمرة خسرت اكتر خسرت انو اشتريت هدية والكيك توصاي

ونيمت بنتي وحطيت عالطاولة كل المشهيات الا العشا هالمرة لان كنت مخبرتو

وقايلي متعشي جاهز من السوق وكنت ملمحتلوا طول النهار انو في سيروبرايز

اليوم مو متل هديك المرة مفاجاة وملنسيت بالنهار انو سمعو كلمتين حلوين

المهم دخل متل الدب وقعد عالطاولة وقال شيلي كل هاد وحطي عشا ههههه

والله قمت متل الحبابي والدمعة بعيوني

وقلبي وعقلي مع بعض عم يحلفوا مارح عيدا ولو موت

لا عيد ميلاد ولا عيد زواج ولا حتى عيد راس السنة الهجرية

لك مو هون النهفة النهفة انو نفس السؤال الي سالني اياه هديك السنة بمتل

هاليوم رجع سالوا

ليش ماطة بوزك

صحي قولكن ليش مطت بوزا هههه نكدية لانها

نسيت خبركن شغلة انو هاد الدب نفسه بعد كام سنة قاعد بيشوف

تلفزيون وطلع بالتلفزيون وحدة عم تغنج جوزا هيك وتحتفل فيه

اجا بيطلع بمرته وهو قرفان وبيقلا هيك النسوان بتحتفل بجوازا مو متلك عمرك

ماعملتيلي شي

الدب دب انتو معي ولا لاء