منتديات تيرا الحب - عرض مشاركة واحدة

10-25-2016, 09:13 AM

بتعرفوا شو الوجع

الوجع انو يرحل اشخاص من حياتنا ومانعرف كيف رحلوا ولا شلون

الوجع انو نبقى سنين وسنين ونحنا لان رحلوا عنا وما قدرنا نودعهن

نبقى مو مسدئين انن هيك بعد ما كانو مليين ايامنا عطف فجأة اختفوا ..

رحلوا يمكن لمكان احسن من الي عايشين نحنا فيه

كل الرحمة لروحك بابا

اشتئتلك

كتير احيان بحس بحاجة لوجودك جنبي بحس لو انتي موجود كانت قصص كتير تغيرت

بابا انتي بقلبي وانتي معي

بحب خبرك انو انا مبسوطة والحمد لله

بحب خبرك ماما صانت العهد وقفت معنا وكبرتنا وبعدا لهلاء الام والاب

بحب خبرك اخي عم يدرس وبعدو شطور متل مابتعرفوا

وبعدا ماما متل ماكانت نحنا اهم شي بحياتا

تعبنا كتير بعدك بس كنا على قد الحمل الحمد لله

تشتتنا .. بعدنا عن بيوتنا ... بس ماضعفنا ولا شمتنا الناس فينا

كل لحظة وكل ثانية كانت ماما بكل قوتا معنا وحاميتنا

بابا كتير قصص حابي خبرك اياها

رح خبيا كلا ان شالله منجتمع معك بالجنة واكيلك اياها

الف رحمة ونور عليك بابا

اليوم شفتك بالحلم وكنت انتي متل ما انتي وانا شموس الصغيرة بحضنك