يسعد اوقاتكم جميعا

تشيز كيك اللوتس ... اللوتس هوي بسكويت وفي منو كريمة بتشبه زبدة الفول السوداني

المقادير :

واحد باكيت بسكويت الشاي مطحون
15 حبة بسكويت اللوتس مطحون
اصبع زبدة
2 ملعقة كبيرة حليب سائل

الحشوة :

2 علبة جبنة كريمة متل جبنة فيلادلفيا
3 ملاعق كبيرة لبنة
2 ظرف بودرة خفق ( دريم ويب )
1 كوب كريمة خفق
1/3 كوب حليب مكثف محلى
1 مغلف جيلاتين بودرة
1/4 كوب ماء نذوب فيها الجيلاتين

التغطية :

5 ملاعق كبيرة كريمة اللوتس
بسكويت اللوتس
شوكولاه



الطريقة :

رح نمزج بسكويت الشاي وبسكويت اللوتس مع بعض ونضيف الها الزبدة بعد مانذوبها
نخلطهم بالملعقة ثم نضيف الحليب ونمزجهم ونضعهم في صينية ثم الفريزر
نخلط الجيلاتين مع الماء المغلي ونتأكد من ذوبانها ونتركا ع جنب لحتى تبرد
نخلط مقادير الحشوة الجبنة واللبنة وكريمة الخفق وبودرة الخفق بالخلاط لمدة 8 او 9 دقايق لحتى يصير متماسك ثم نضيف الجيلاتين والحليب المكثف المحلى ونستمر بالخلط
بعد هيك نفردو ع البسكويت يلي عملناه قبل ونضعه بالبراد لمدة 4 ساعات او بالفريزر لمدة ساعة وبالبراد ساعة في حال ماكان عنا وقت ننطر
نذوب 5 ملاعق كريمة اللوتس ( منسخنها ) ونوزعها ع التشيز بعد مانطالعو من البراد
ونزينو ببسكويت اللوتس والشوكولاه

ملاحظة : التزيين اختياري ممكن نزينو ببسكويت اللوتس مع اصابع شوكولاه وفريز او متل مابدكم

و صحة وهنا

quiet rose