منتديات تيرا الحب - عرض مشاركة واحدة

12-14-2015, 03:58 PM

شو رائيك باللي بيقول يجب ابعاد الجوال عن البنات قدر المستطاع ؟

لو بئيدي ببعد الجوال عن اكثر الاشخاص يلي بيستخدموه بإدمان شديد لدرجة انهم بيكونو بنفس البيت وبيحكو مع بعض عن طريق الجوال ,, و الاشخاص يلي مابيستغنو عنو ابدا لدرجة كمان مابينزل الموبايل من ايدهم ,, بسمي استخدامهم هون ( قمة الغبـــاء ) .

نجي لسؤالك ... هالجيل صعب انو يتفهم ابعاد الموبايل عنهم مو بس الموبايل كمان اللابتوب والايباد وغيرو كل هدول فيهن نفس الاستخدامات والبرامج وابعاد الالكترونيات عنهم بالقوة رح يكون فيها نتائج متضررة لان كل ممنوع مرغوب

ولكن يجب على الوالدين اولا تذكيرهم دائما بالخوف من الله تعالى وانه يراهم في كل حال وفي كل وقت .. ثانيا على الوالدين رقابة بناتهم بكيفية استخداماتهم للجوال خصوصا ازا كانو صغار اومراهقين
لانهم رح يستكشفو بنفسهم شغلات كتيرة بالجوال متل برامج التعارف , مواقع غير لائقة وغيرو
وممكن حتى رح يعرفو هالشغلات من رفئاتهن وبهيك رح يجيهن فضول ليجربو اي شي مما يؤدي لاسمح الله الى انجرافهم لطريق الفساد

المشكلة والغلط الاكبر على الاباء والامهات لان الاغلبية بعيدين كل البعد عن احتواء بناتهم او ولادهم بصفة عامة مما قد يسبب ذلك فراغ عاطفي لدى ولادهن وهنن بيصيرو يدورو ع هالحنان عند حدا اخر . مثلا بعض البنات مابيلاقو الاهتمام من الوالدين فـ لما بيستخدمو الجوال اول حدا يطلعلهم بيصيرو يحكو معو وينجذبو لهالشخص وخصوصا ازا كان هالشخص ذئب بشري (شب)
رح يستغلها ويتحرش بيها وبالتالي رح تكون عواقب هالشي وخيمة جدا
وحتى الالعاب يجب المراقبة فيها لان هنالك برامج ترفيهية والعاب غربية لاتمت بديننا الاسلامي وعقيدتنا بصلة ,,,
اما ازا كانت الفتاة كبيرة وواعية فهذا لايعني ان الوالدين مايكونو حولها بل بالعكس عليهم احتوائها
ويفرجوها انهم حاطين كل ثقتهم فيها ومراقبتها بس بدون ماتحس بهالشي
وبما انها كبيرة وواعية برأيي هيي فيها تحافظ ع حالها وتكون اد الثقة يلي اعطوها ياه اهلها
لان البنت ازا ماحافظت ع نفسها ماحدا رح يحافظ عليها من المجتمع يلي برا

لذلك على الوالدين التواصل دايما مع بناتهم ومايتركوهم لحالهن كل الوقت ومشاركتهم بالحوارات
وتوعيتهم انو في ناس ماتخاف الله وتسرد الهن قصص صارت في حال ازا البنت استخدمت الجوال بالطريقة الغير صحيحة وان ديننا الاسلامي حثنا على العفة وصون الفتاة لنفسها وشرفها

سؤال جدا مهم ورائع
اختيار موفق كوايت