اي نعم

سمعوا لكن يا سدي هالقصة تاكيدا لكلام اخونا هادي


هاد يا اخوانا بالله بزمانو كان ماشي بالمدينة المنورة

شخص اسمو المعرور بن سويد

فاجى بطريقو الصحابي الجليل أبي ذر -رضي الله عنه وارضاه-


فشاف المعرور لأبي ذر ولابس حلة يعني شي حلو ومرتب

وجنبو ماشي الغلام تبعو وكمان لابس حلة كشخة متل سيدو أبي ذر


فتفاجئ المعرور بن سويد وقلو لأبي ذر ::

لك ليش هيك ملبس هالغلام متلك بكامل الأناقة
والسؤال كان استفسار من المعرور بن سويد مو تكبر فقط مستغرب


فجاوبو أبي ذر وقلو:



(إني ساببت رجلاً فعيرته بأمه،

فقال لي النبي - صلى الله عليه وسلم -: "يا أبا ذر أعيرته بأمه؟ إنك امرؤ فيك جاهلية،

إخوانكم خولكم، جعلهم الله تحت أيديكم،

فمن كان أخوه تحت يده، فليطعمه مما يأكل، وَلْيُلْبِسْهُ مما يلبس،

ولا تكلفوهم ما يغلبهم، فإن كلفتموهم فأعينوهم".)


...........


اي والله صدقت يا سيدي يارسول الله
فعل الجاهلية هوة التعاير والتفاخر بالانساب دون فضل الله

............



وفي قصة تانية كمان لو حسنانين تسمعوا

شنفوا ادانكن واسمعو واذا مليتو حلو من هون عم أحكي للي بدو يسمع


هاد ياسادة ياكرام كمان القصة حدثت بالمدينة المنورة اللهم اعدني اليها مرارا وتكرارا



كانو الصاحبة واقفين بباب الرسول صلى الله عليه وسلم

زيدو النبي صلاة يا قارئين


فكانو من الأنصار والمهاجرين فصار رجل من الانصار يتفاخر بالانصار والمهاجر يتفاخر بالمهاجرين


سمع الرسول فداه الروح كلام الصحابة


فطلع صلى الله عليه وسلم من الباب غاضبا وقال لهم
(مَابَالُ دَعْوَى جَاهِلِيَّةٍ )


فقال الصحابة يارسول الله كسع رجل من المهاجرين رجلا من الأنصار

.
فَقَالَ رضوان الله عليه


دَعُوهَا فَإِنَّهَا مُنْتِنَةٌ.
.....................

صدق الرسول فعلا انها منتنة اشد النتانة

....................


كفيلكن قصة تالتة ولا حاجة؟؟

لا رح اقعد على قلبكن وكفي قصة تالتة كمان

اسمعو ياقارئين وشوفوا يا سامعين


كمان في قول عظيم للرسول الكريم بهالشأن بقول التالي:

قال النبي محمد صلى الله عليه وسلم:
"يا أيها الناس ألا ‏إن ربكم واحد، وإن أباكم واحد،
ألا لا فضل لعربي على أعجمي، ولا ‏لعجمي على عربي،
ولا لأحمر على أسود، ولا لأسود على أحمر إلا بالتقوى، أبلّغت؟
قالوا: بلّغ رسول الله ‏‏صلى الله عليه وسلم".
..........................



كمان في قصتين تلاتة عن هالموضوع
اذا ما مليتو بحكيلكن الياهن بعدين

حاجتكن هلاء هدول اذا فهمن الواحد فينا
ان شاء الله مابعود يتبع هالأمر النتن كما وصفه الرسول


ويصير يقول انا ابي فلان وانا قبيلتي علتان
وانا دولتي كذا وانت بلدك كذا

شغلة البلدان اعوذ بالله العاقبة عليها اشد من القبيلة
لانو كلها قتال تحت رايات غير اسلامية

وفي قصة عن هالرايات بتحكي عن عاقبة التمسك فين

يعني كمان دعوة لكل شخص وحذااااااري ان تتفاخر بعلم بلدك

..............


اعجبني الموضوع جدا اخي هادي
جعلك الله داعيا للخير آمرا بالمعروف ناهيا عن المنكر

سلمت يداك