منتديات تيرا الحب - عرض مشاركة واحدة - أصْبح العمُر ، كبرآءةِ طفلٍ لا يتعدّى الثّامِنة !

09-16-2014, 04:09 PM

عبير انا ماحبيت وضح لا تقولي عم تعمل فيا شيخ هههه

بس رح قول شغلات وياريت اذا وجهة نظري غلط تردي علي لاعرف

الشي اللي ماعجبني من الكاتب طبعا مو من كوايت الي هية نقلت بس

انو الكاتب تجرأ بشدة عالقدر ولحتى يبرر لنفسو اخد اسلوب مراوغة عالقدر بجملة

" أؤمِنُ بالقدر ، ولكنّه يؤْلمنِي " !

................

شوفي هي الجملة مثلا

الأقدار سيدة الأوجاع تنزع كل الأشياء الجميلة

هي جملة فيها كفر علني استغفر الله

الاقدار مرتبطة بالله فقط هل نقول عن الله بانه سبب نزع كل الاشياء الجميلة؟؟؟

الاقدار محتمة وفيها الحلو اكتر بكتيييييير من الاحزان فليش لحتى نوصل بالوصف لهي الدرجة

اجمل الاقدار انك موجود وعم تاكل وتشرب وعايش بنعمة هاد فقط شي بخليك تشكر طول النهار مو ندخل بباب

رمي الاحزان على الاقدار

.................................

اسلوب هالكتابة بعرفو منيح وهدفو شد القارئ للسطور وتكون الجمل غريبة ومبهمة ليزيد الفضول

فبيوقع الكاتب بخطأ الخروج عن المألوف او الكذب او حتى الكفر او اللامبالاة بالقيم

المهم فقط استجلاب القراء واغلب اللي بيكتبو بهيك اسلوب للاسف هنن اشهر كتاب الوطن العربي

واخدين مبدا خالف تعرف حتى بالكتابة

واسهل طريق لحتى الكاتب يصير عندو شهرة سريعة هي التعدي على حدود الله والكفر

مثلا نزار قباني ما انشهر بقوة الا عندما كفر وامعن في وصف النساء

نزار قباني كتب عن الحرية والوطن والحب البريئ سنين كتير وما انشهر بالرغم انو من عائلة القباني الشهيرة

وكان يقول قصائدو على مسرح جده مسرح القباني بالشام

بس لمن عدل الاسلوب واتجه للكفر ووصف النساء

ياااالطيف اكتسح الحدود وبفضل هي الطريقة رجعت الناس لقصائدو القديمة وحبتها

.................

لذلك واجبي نبهكن انو ما تنعجبو بكلمات قد تكون حلوة لكنها بدينا ممنوعة ومابصير تنقال

بقدر اكتبلك اسلوب غموض متل هاد واجمل بكتير بدون انو القلم يتخطى حدود الادب والاخلاق والدين

واتحدى تحدي انو الاسلوب الرصين الملتزم بيهزم بقوة الاسلوب المتمرد بالكتابة

................

طبعا مرء جمل كتيير عليها ملاحظات فاكتفيت بالشرح العام فقط

هي وجهة نظري عبير فياريت اسمع جوابك

اي اختي كوايت نجي الك يا مشكلجي الحارة ههه

بعرف انك زعلتي من كلامي وردي وهاد حقك

بس بدي طلب منك من اخ لاختو

انك تاخدي ردي من زاوية صغيرة ضيقة وهي الزاوية هي الخوف عليكي

وزاوية تانية اني نبهتك على شي يحميكي بالمستقبل من هيك جمل ملغومة

طبعا ممكن انتي تفضلي هيك كتابات وما توافقيني على كلامي وهاد حقك الطبيعي

وممكن كون فعلا نبهتك عشي انا وقعت في سابقا كتيييييييييييير وكنت حب هيك كتابات

لحتى اجى شخص ونبهني بنفس الطريقة والحمد لله صرت انتبه اكتر

ومن فترة لفترة بوقع بنفس الغلط ولكن بشكل اخف

وكمان بانتظار ردك