منتديات تيرا الحب - عرض مشاركة واحدة

06-26-2014, 03:51 AM

اخي سلمت لاجاباتك الواقعية
بس انا ماحكيت من فراغ او تحيز للمرأة بالعكس
حكيت من شي شايفتو وقدامي ومن خلالها استنتجت ان الدنيا لسا بخير متل مابيقولو
وبعرف انو في نساء الله يكفينا من شرهم ومن لسانهم كمان ههه

رح قلك قصة كمان
في اتنين متجوزين الن تسع سنوات
المراة جامعية بس كان باقيلا سنة وماكفت لانها تجوزت وزوجها شو عندو ياحزرك ؟؟ عندو اعدادية فقط
وعندن ولد ماشاءالله عنو ومربى احسن تربايي
حبو بعض وتجوزو الله يسعدهم
هالمرأة ولا مرة غلطت بحئو من الناحية التعليمية مع انو اوقات بتصير مشاكل بين الزوجين
بس ولا مرة اهانتو بفارق المستوى التعليمي
وماشاءالله دعمها لتاخد اخر سنة الها بالجامعة وخلصت واخدت شهادتا
وليكن ماشاءالله عايشين احلى عيشة ,, ماشاءالله ماشاءالله هلئ لاتصيبن العين بسببنا هههه

فـ يا اخي الفاضل اصابعك الخمس مانن سوى
في الناس الطيبة وفي العكس بس دايما الخير بيخص والشر بيعم للاسف

و النساء يلي متل هالمرأة موجودات بس قلة
فـ يلي بدها تصون نفسا وولادا وبيتا وتتقي رب العالمين بزوجا مارح تعمل هالحركات الفاضية
وهي انت قلت بالقصة انو هي تئلعت من شغلا وهوي لساتو متل ماهوي
فالرجل لايعيبه شيء من هالناحية
وهاي وجهة نظري