منتديات تيرا الحب - عرض مشاركة واحدة

06-25-2014, 06:16 PM

اخ لورد
اجاباتك رائعة وصريحة جدا .. ورح اتناقش معك ببعض الامور فيها
ولكن قبل مايبلش شد الشعر

رح بعزمك ع كاسة متة بهالمكان
ومنا منكفي النقاش

واحلى كاسة متة لشواربك هههه

بسم الله نبلش

وراء كل رجل عظيم امرأة تقتدي به
باقي المثل لصالح المرأة وليس ضدها
مثلا لو الرجل طبيب مارح تجي المرأة وتنئ فوق راسو وتقلو صير مهندس
وبعدها يصير عظيم بالهندسة على تنئاية المرة

لا اطلاقا.. رح يضل بنفس مجال عملو مهما كان
والمرأة وقتها رح تدعمو بقوة بنفس مجال عملو حتى يابدع في
فبتحاول تكون معو بكل لحظة وتقوي من عزيمتو
وفعلا المثل بوافقو تماما

وباعتقادي الشخصي انو وراء كل رجل عظيم مرأتين مو وحدة
الأولى الأم الي بتضل مع ابنها من يوم يخلق ليحقق حلمو وبتضل لنهاية عمرها
وبتكفي دورها الزوجة والي رح تصير ام بيوم من الأيام
............................

مزبوط كلامك والمثل ليس معناه ان المرأة تغير مسار عمل الرجل لعمل اخر
وانما تسانده وتدعمه بنفس مجال عمله وتقف بجانبه دوما
بوافقك الرأي مئة بالمئة
.................................................. ....

اما عن سؤالك اختي انين
هي بئا بدها رجال متصالح مع نفسو
ومع واقعو وحياتو ويكون فعلا رجل حقيقي مو وهمي
ويدعم المرأة ولنفترض الزوجة بكل قوة

ولكن هي نسبة ذكور قليلة
الأغلب هيك مو بس شرقي
هي نظرة ذكورية انو مايتقبل زوجتو تتفوق علي
لذلك من اسس الحياة اختيار الزوج والزوجة المناسبة
فمن غير المعقول انو عامل عادي يتزوج من مهندسة

لازم المستوى التعليمي يكون متقارب او الزوج اعلى بمرتبة
تداركا لنتائج مستقبلية

...............................................

بختلف معك هون اغلبية الرجال الشرقيون هم الذين لايتقبلون فكرة ان الزوجة تكون اكثر تفوقا
من الزوج ,, مع العلم ان هذا التفوق لصالحه ولصالح اولاده , وانت اخي قلت هالشي ان وجود امرأة واعية وذكية بتعرف تمشي امور بيتا وولادا

وصح من الضروري اختيار الزوج والزوجة المناسبة
وماقلنا انو فارق المستوى التعليمي يكون لدرجة ان عامل يتزوج من مهندسة .. لا ..
بل نقصد بالفارق التعليمي مثلا يكون هوي معو البكالوريا وهيي جامعية
بتفق معك بأن المستوى التعليمي يجب اما ان يكون متقارب او يكون الرجل اعلى مرتبة
وبالنسبة الي احبذ ان يكون هو اعلى مرتبة ليكون اكثر وعيا وتفهما لامور حياتهما

صدقا المرأة رح تحسس بيوم من الايام الزوج بهي النظرة
والرجال اطلاااقا ماعندو هي النظرة
مودفاع ذكوري عن الرجل ضد المرأة
ولكن هي تركيبة الرجل والمرأة

من واقع عايشينو كلنا

معك ومو معك بهاي العبارة ورح وضح هالشي
ليش لتحسسو بالضعف بما انها اختارت من البداية هذا الرجل
فإذا هيي فعلا بتحترمو وتقدرو وتعتبرو شريك حياتها قولا وفعلا
سيكون العكس صحيح , لان كلمة شريك حياة من وجهة نظري هي تزاوج روحين بكل شي
والاهم بالسراء والضراء
لهيك رح ترفع من معنوياتو بل وتسعى لتستمد العلم منه اي بمعنى أن تسأله وتأخذ رأيه
في بعض الامور كي لايشعر بالخجل والنقص امامها وطبعا حرصا منها على مشاعره

ومعك بأن هنالك نساء هداهن الله من يفعل متل ماقلتو انت اخي
فهنا سأقول بانو مهما كانت هذه المرأة ذات علم ودراية الا انها من وجهة نظري
اعتبرها هي من ينقصها العلم لعدم مقدرتها بالتعامل سواء بالسلوك او الحوار مع الرجل

وبفرض انو الرجل والمرأة بنفس درجة الثقافة والمرأة ابدعت بمجالها وكانت متفوقة

فليش الزعل من طرف الرجل؟؟

مو الأفضل ئلو ولاولادو وجود مراة متفوقة وفهمانة وبتعرف تقدر الحياة
ورح تعرف تربي الأولاد بافضل طريقة
ورح تعتني ببيتا بافضل مايمكن
رأيي الشخصي انو لازم يضحك بعبو الرجال بمرة متفوقة وذكية

للاسف في رجال بيزعلو ولكن هؤلاء الذين لايدركون بأنه
كلما ازدادت المرأة علما وعقلا وذكاءا صارت ذات فعالية اكبر في مجتمعها الصغير والكبير
وكانت اقدر على تحمل اعباء الحياة ومسؤولياتها

بغض النظر عن مجال التفوق وين وكيف اهم ركن يكون كل شي بمجال يرضي الله
برجع لراي الشخصي انا ماعندي مرة تشتغل بمكان فيو اختلاط والله واجي ادعمها

هاد كلام غير صحيح وقتها بدعمها عالمطبخ وزيادة

لو كانت على سبيل المثال
الزوجة طبيبة نسائية او اطفال فتاخد مجدها بالدعم

اما مكان فيو اختلاط وطلعة وفوتة لااا عمي لااا يلا عالبيت وابدعي جواتو

بالنسبة الي بوافقك هون الرأي لاني لا احبذ شغل المرأة بمكان مختلط
لكن قد يكون هناك ظروف تجبرها على العمل بهيك مكان
لذلك لابد ان تكون هناك الثقة بينهن
وطبعا بأي مجال عمل,, مراعاة رضى الله وشرعه فوق كل شي