وأوقاتك بكل خير
بعد اختيار الانسة كوايت روز للمتحاورين وانا احد هؤلاء المتحاورين
قررنا مانخجلها هههه,,, المهم اجت تساؤلات بالمخيخ فمشان مايضيعو من راسي
حبيت اكتبهم اليوم لاني لو نطرت للسبت رح يتبخر كل شي 
ههه اي تفضلي اختي والشكر موصول لكوايت روز
محاورتي رح تكون مع ادارة المنتدى 
هههه
مع شخص أنار تيرا الحب بجهوده الجبارة والرائعة والذي دوما يسعى لرقي منتدانا الغالي
تيرا منور فيكن وراقي بوجودكن انتو
برحب فيك Lord والي الشرف بالمحاورة معك
شكرا لترحيبك والشرف الي وبيسعدني محاورتك
وقبل مابلش الموضوع رح بتركك تجاوب ع هالاسئلة
عرف عن نفسك في بضع كلمات ؟؟
لورد من تيرا الحب منيح هيك هه
ياستي لورد شب سوري منفي من بلدو من عشر سنين
خريج جامعي
العمل :حاليا عم ابني شغلي الخاص (دعواتكن)
مممم رياضي لكن بآخر فترة أهملت للأسف
بحب الهدوء مابطيئ الضوجة والصريعة والجمعات
مولع بالمطالعة والقراءة ويوميا لازم اقرا
وأهم من اهم شي بحب الرز ببزاليا
ما رايك في العضو المستضيف ..؟؟
فتاة مرحة ومحترمة وطيوبة وعفوية
وعاملة شلة هون وماحدى قدها
طبعا بكنلها كل الود والاحترام
واطيب التمنيات بالتوفيق بكل مجالات الحياة
وبيسعدني جدا المحاورة معك
هل قبلت الدعوه بقناعه تامه وبدون تردد ام انك ترددت في ذلك ولماذا ؟؟
طبعا بكل قناعة تامة وبالأخص انو طلب من الآنسة كوايت روز
ماذا يمثل لك المنتدى؟
بيت حقيقي
مو مجرد وهم او خيال
لا ابدا كل اسم موجود هون وراه شخص
الو كيان والو حضور وهالشي بيفرض علينا نحترم
الأسماء الموجودة ونكون علاقة حقيقية
ونكون اخوة فعلا مو مجرد كلام
والحمد لله كونت اروع الأصدقاء من تيرا
نضال وحسام وحمودة من اروع الشباب
الي ممكن يقابلن الشخص بحياتو
تيرا بيتنا جميعا
ما رأيك في نفسك كعضو في المنتدى ؟
والله ماشي الحال 
شلون بتلاقوا انتو؟؟
هل انت راض عما تقدمه هنا ؟؟
لا
تيرا لازم يكون أفضل من هيك بكتير
وبيستاهل يكون أفضل لانو في نخبة رائعة
وانا قصرت بكتير جوانب اتجاه تيرا بتخلي يكون افضل
لاي الأقسام والأطروحات تميل ؟؟
القسم الأدبي
وبميل لمواضيع النقاش والمحاورة
هل استفدت مما يطرح هنا ؟؟
طبعا كتير كسبت معلومات
وبقضي وقت منيح وانا اقرا مواضيع
هل انت ممن يحبذ القراءه ؟؟
اي الحمد لله
هل تحبذ الدخول في نقاشات جاده بشكل عام سواء في الشبكه العنكبوتيه او في عالمك الخارجي ..؟؟
اذا موضوع بفهم في اي بحب ناقش
واذا لاء بفضل اكسب معلومات
وهل تجد نفسك بارعا في الحوار والنقاش ؟؟
الحمد لله جيد بس مابوصل لدرجة البراعة
شكرا الك اختي أنين
وانا جاهز للمحاورة
دمتي بخير وعافية
تفضلي