جـــــــــــــروح الأمــــــــــــــس




جروح الأمس في قلبي تجدد
وحب اللي هويته ماتبدد


وزماني شح بالغالي ووصله
متى يالوقت نفرح به ونسعد


متى أشوف الغلا جالس قبالي
ينسيني البعاد ولوعة الصد


وأخبره بمصابي في فراقه
وكيف الحزن في صدري تمدد


وأذكره اب بدايات المحبة
وأحسب أيام لقيانا وأعدد


ولا أنسى يوم شفت عيون خلي
وصوّب سهمه القاتل وسدد


ومنها صرت في قيده مكبل
أسير الحب مسجونٍ مقيد


فسبحان الذي سخر فؤادي
وأنا اللي كنت في قومي مسيد


وخلاني متيم في هواها
وحكم الحب في قلبي مؤبد


فلا والله ماينقص غلاها
ومهما طال عمري ما تبدد