منتديات تيرا الحب - عرض مشاركة واحدة

11-11-2013, 03:32 AM

انطلقنا ندور ع الكوخ ونحنا ماشيين عم نسمع اصوات غريبة من بعيد
كملنا مشي والصوت عم يزيد اكتر وكل مانمشي عم بقرب الصوت اكتر (عوووووووووو)
خيوط الوهم (هاد صوت ذئب) نحنا البنات قربنا من بعض اكتر والشباب قدامنا
شامية(صبايا انا خايفة كتير

)
سحوبة(خلص خلونا نرجع مشان الله)
كوايت روز(لك شو نرجع صحيح بيخوف بس يلا لنشوف شو رح يصير :035

متحمسة هههه
دريموو(كوايت هلئ وقت حماسك بالله)
اي طولو بالكن يابنات معنا شباب لاتخافو بعدين الله الحامي( انا

) قال يعني مو خايفة
القلب الجريح(هاد هوي هاد هوي )
لورد(لاحدا يصدر صوت ولا رح ينتبه علينا)
امير الاحساس(احسن شي نغير الاتجاه)
وغيرنا اتجاهنا وسبحان الله كان لصالحنا

لقينا قدامنا كوخ خشبي بيمشي حالو
دخلناه حطينا اغراضنا ورتبنا كل شي
واثقة الخطى (اووووه الحمدلله عدا على خير ولا زماننا عظام من ورا هالذئب)
ابتسامة ( تطبطب ع راس واثقة الخطى

) هههه
طلعنا نتفتل بالغابة ..اقترحت عليكم شو رايكن بالصيد ياجماعة
ليان (يسسس بحب الصيد انا )
عاشق الياسمين (اي والله فكرة بتجنن ورح نستمتع اكتر)
الكل قال بصوت واحد (gooooooo )

اتقسمنا مجموعتين المجموعة الاولى بقيادة صدى الروح
والتانية بقيادة لورد ,عبق الامنيات (ييي هداك ارنب عم ينط ما احلاه)
صدى الروح(بدي قوصو )
(شكلو ارنوب لزوز بيقطع القلب اتركو خيو)انا بحكي

سحوبة(اي والله اتركو دخيلو انا شو حلو لونو)
عاشق الياسمين(قوص قوص صدى الروح)

واتقوص الارنوب واصطدنا كم حمامة كمان
عم نسمع صوت من بعيد
امير الاحساس(بركي حدا من شلتنا تعو نقرب)
الا ويطلع صوت دريموو(الحقونا الحقونا)
تبعنا الصوت لقينا القلب الجريح وخيوط الوهم ولورد واقفين مقابيل نمر

وبدو يهجم عليهم لان اولادو معو معلقين بالشجرة وعم يلعبو

والنمر ببالو بدنا ناخد اولادو (شو اجدب حدا يقرب من نمر)ههههه
شامية(خلينا نزتلهم شي من اللي اصطدناه بركي بيحل عنا هالنمر)
عاشق الياسمين(معك حئ)
زتلهم لورد الغزال اللي اصطادو
اطفال النمر دغري نزلو من الشجرة وقربو صوب الغزال
والنمر عينو ع الغزال بس عم يعمل حالو مو هامو مشان مايتفشل قدامنا هههه
كان عين ع الغزال وعين علينا عم يترقبنا
ونحنا عم نرجع لورا شوي شوي وعيننا ع النمر لايغدر فينا ويهجم
ماقدر يقاوم الغزال نسينا وبلش اكل مع ولادو

ونحنا بطريقنا للكوخ لقينا قرده وزوجها القرد, كان مبين عليهم زعلانيين كتير
سحوبة(منيح عملت احتياطاتي وجبت موز خد امير اعطيهم)
قرب منهم امير الا وصارو يصرخو وبدهم ينطو فوقنا
قمنا دغري هربنا منن ههههه
hope(اي شو عملنا يا نعطيهم موز وبيدلعو كمان)
دريمو(قرود اخر زمن) هههه

كملنا طريقنا بدنا نرجع ع الكوخ الا ونشوف قرد زغنتوت عم يبكي ومتسلق ع الشجرة
اتطلعنا ببعض ... خيوط الوهم(ليكون هاد ابنهم للقرود اللي صرخو بوجهنا)
كلنا قلنا(بالضبط ) ارجيناه موز لينزل مابدو معند راسو يابس هالفصعون هههه
نسمة الروح(انزل بئى زهئتنا)
عاشق الياسمين(تعا معي لورد نتسلق ع الشجرة وننزلو)
لورد (هههه اي ماشي لنشوف شو اخرتا)
القلب الجريح(بس استنو نحنا نلهيه وانتو روحو من الخلف وامسكوه)
وبالفعل مسكوه واخدناه لعند القردة وزوجها ههههه
وبس شافوه جن جنونهن
نزلو لورد ع الارض وركض لعندهم وصارو القرود يتطلعو فينا
وكانهم ندمانين ع معاملتهم السيئة معنا قبل هههه
واخدو الموزات وانبسطو... ونحنا رجعنا ع الكوخ

في مجموعة بتاكل اللي اصطدناه ومجموعة لااااا
وطبعا عاملة احتياطاتي لهالشي

(دريموو, سحوبة,كوايت روز,hope)تعو يابنات جبت معي بالونات وزينة
بدي نعلقهم برا الكوخ.. نفخنا البالونات وكل شي تماااااام
والشباب عم يجهزو عدة الشواء
وشعلو الحطب بنص الحديقة
امير الاحساس وصدى الروح استلمو الشوي لانهم بارعين بهالشي
ونحنا البنات عم نجهز الاكلات جوا الكوخ ونطالعو لبرا
اي شو كان جو بياخد العئلات
فرشنا السفرة اي شو مشاوي وسلطات ومقبلات وعصاير وكل مالذ وطاب
اكلنا وخلصنا العشا(ريتو صحتين وهنا)
قلتلكم دقيقة وراجعة ودخلت ع الكوخ كنت جايبة معي شغلة
غطيتها بقماش مشان ماتنتبهو عليها

اخدتها وطلعت (شو جبت ياحزركم)
واثقة الخطى(شو هاد كانو شي غريب مبين من منظرو)
الشاب(يلا انين شو هاد)
شفت علامات الاستغراب ع وجوهكم m11
شلت القماشة منها وطلع .....

جرامافوووون

طبعا لاننا بغابة ومافي كهربا,

الكل(وااااااااااااااااو اي احلى انين والله)

والصبايا من الفرحة صارو ينطو فوقي متل السعادين هههه

والشباب انبسطو كتير

حطيت اسطوانة وصرنا نرقص ونطنط وعم نلعب بالبالونات

سحوبة و دريموو(

)
كوايت روز(

)هههه
انين يلي هيي انا (

)هههه
حسينا ان الدنيا حلوي كتير وان احلامنا الميتة اتولدت من بعد موت

وكان في شاطئ صغير جنب الكوخ رحنا وعم نرش بعض بالمي

كنا عفويين بتصرفاتنا مع امتزاج احلامنا ومشاعرنا وارتباكاتنا وتهورنا الجنوني

امير(ياجماعة كأنها بدها تشتي عم شوف غيوم عم تتجمع)

اتطلعنا بالسما(اي والله صحيح)الكل

لمينا اغراضنا ودخلنا الكوخ

ماعدا عشر دقايق الا وبلشت تشتي

انبسطنا وطلعنا مرة تانية نلعب تحت المطر وضحك وهبال واحساس ولا اروع

واشتد المطر وصوت الرعد خفنا ورجعنا ع الكوخ

لورد(شو هاد يا الله سقف الكوخ عم يتحرك)

لسا ماخلص الحكي من تمو الا ووقع جزء من خشبة السقف

صرنا نصرخ وخفنا واجتمعنا كلياتنا بزاوية في الكوخ........

وللحديث بقييييييييييييية