منتديات تيرا الحب - عرض مشاركة واحدة

10-25-2013, 07:46 AM

نتابع ...

بعد ما انقطعو الاصدقاء بالصحراء وغرز المكرو ولاعادو يحسنو يتحركو ابدا

بلشت الشمس ترقع الشباب رقع

والصبايا خافو على بياضن وبشرتن ونطو على قلب المكرو

بس جوة نااار وعالقة

لورد :: ليك ليك الصبايا قال عم يتخبو من الشمس

عاشق الياسمين : اي شايف ...العين الي تطرق الهي

نضال :: تعو لهون يا بنات عندكن الدنيا حرائي تعو لنشوف شو نعمل

كوايت روز :: شو بدنا نعمل دخيلك نحنا شو فهمنا بهيك اجواء

سحابة صيف :: مو انتو الزلم والابضايات على اساس هاتو فرجونا شطارتكن

صدى الروح:: اهااا بلش جنس حوا اللت والعجن وشكلي بدي شغل المخمس ( الكف)

عبق الامنيات :: شبكن ضجتو بفرد ضوجة

شامية:: لاقولنا حل بلا هالحكي تبعكن هلاء والله الشمس دبحتنا

ايمن :: طيب شباب عندي فكرة

الشباب :: يستر عرضك انت وافكارك اجلها كنا رايحين عالغابة لقينا حالنا بصحرا
مشان الله نقطتنا بسكوتك

ايمن :: لك لك بدكن تسكتو ولا بلش خرط مواس فيكن وشرحكن

انين :: يا امي... شو هاد الحكي يشرحنا ال
ولك كوايت روز تعي خبيني وراكي توحش هاد

ضحكو الشباب شوي واخدو يفكرو بعد ماشافو انو المي قليلة ومالازم يضلو واقفين

وبالنهاية قررو يحملو الغراض ويتابعو مسير حتى يلائو اي حدى يرشدن عالطريق

وبلش الدرب سيرا على الاقدام ويمشو ويمشو ويمشو هيييييييك

لحتى لاحت مضارب عربان من بعيد وتنفس الاصدقاء الصعداء وبلشو مسابقة ومشي باتجاه الاعراب البدو

ونو هي قبيلة بدو رحل بتتنقل بهالمناطق

قرب هالاصدقاء من مضارب العربان
وقالو هات لنرتب حالنا ماحلوة نفوت مشرشحين عشيخ القبيلة
وقررو انو يحكي نضال وايمن ولورد عن الكل

وهنن عم يرتبو حالن وينفضو الغبرة
قرب عاشق الياسمين ولورد ونضال وامير الاحساس شوي شوي عالمضارب

نضال :: لك لك لك يحرء شوووووو هااااااد

ايمن :: شبك شبك نضال خير كانك شفت جني

نضال :: ولك عاشق شوف منيح هداك الزلمة مو هاد الشيخ الي سرقتولو الغنمتين انت وايمن وحسام ووسام هديك المرة

عاشق الياسمين:: تف من تمك يا زلمة شو سرقة ما سرقة اخدناهن استعارة

ايمن :: اي وعلى قولة جودة ابو خميس كلو مايد ....كلو مايد عالدفتر

نضال :: الله لايوفقكن مالقيتو تسرقو غيرد هاد الي رح يانقذنا اليوم

عاشق الياسمين :: لك قلنالك استعارة مو سرقة بس دبحناهن وعملنا مشاوي علين للصبايا

ايمن :: اي لكن شو مفكرين منين عم نشويلن هدول النسوان شو معنا كنز

لورد :: اي والحل هلاء..مافي غير نخبر الصبايا وهنن يفوتو عالمضارب نحنا مافينا نفوت

عاشق الياسمين :: اخصصصصص اخصصصص النسوان تفوت بدالنا يا باطل

نضال :: اجل هالحكي عاشق لبعد ما نعيش

رجع الشباب العونطجية وخبرو الصبايا

وبلشت الابسامات والسهسكة من الصبايا :: اي لكن وكل فكرنا من جهدكن هالمشاوي اتاري ممممم

وبعد جهد جهيد وتمحيص وتفكير

خبطت براس سحابة و دريم روز وانين خطة جهنمية

انن هنن يتنكرو بتياب عربان ويعلمو زلم وتايهين بالصحاري

ويفوتو ينخوه للشيخ حتى يساعدن

والشباب توقف وراهن وملتمين
على انن حمالين الشناتي حتى مايعرفن الشيخ المغدور

..........
............

يحرء عرض هالقصة تبهدلنا بهالحكاية

يلا يتبع .....