جولان كيفك كيف عزماتك
كيف البطولة كيف اوقاتك
ياسبع جوات القفص مأسور
عم ترعب الدنيا بزئراتك
كل عام مرة ربوعنا بتزور
بتفضل علينا على ما ماتك
بتطل منشوف الوطن مسرور
ومننطركل عام طلاتك
وبتفل وبتترك الوطن مئهور
عم يندهك لاتطول غيباتك
والعام عم يمرء علينا دهور
ومن كتر لهفتنا لشوفاتك
بيناتنا ان ضلو عصور
منحسها ساعات وحياتك
جولان يابيت التقى المعمور
يلي الطهر عمر اساساتك
يسعد صباحك كل بزغة نور
ويسعد مسا كل شخص جواتك
مشتئلك ومن خاطري المكسور
غني ترجع ليك بسماتك
مشتاء اكتبلك بدمي سطور
ماتنئرا الى بنظراتك
مشتاء للخبزات لتنور
خبز الكرم والجود خبزاتك
مشتاء اشرب من صفى النهور
الي عم ينبعوا من تحت تلجاتك
مشتاء للياسمين للمنتور
يلي معطرة بنسماتك
مشتاء للنبع الي عم يفور
تغرف وتسئيني بدياتك
مشتاء ارجع طفل عمري شهور
اغفى واوعى على تراباتك
واحرق شبابي بمدبحك بخور
وضوي بحنيني فوق صخراتك
مشتاء ارجع للارض عصفور
تتطير كل ليلة على تلاتك
مشتاء اندرلك سنين النور
شمعات دوبها بلهفاتك
كل يوم جمعة حول خلوة دور
واحرق شموعي باب خلواتك
جولان يامهما اليالي تجور
بتضل فوق الكون رايتك
الجولان يابركان رح بيفور
رح تحرق المحتل جمراتك
يوم الي فدا رجالك قمم ونسور
وكل الدني شافت بطولاتك
وبمرجلة باقي سيفنا المشهور
سجلت بدمات صفحاتك
ومهما تعاني من غرب مغرور
وجابوا مدافع تايهدونا مدافعهم بتخرس
بلفاتــــــــــــك