مابدي عيد وكرر بالكلام اللي انحكى قبلي ويمكن معظمنا متفق عليه.
الي رح احكي ممكن تشوفوا غريب شوي لأني بشوف كل الجرائم اللي ذكرتيها وغيرها كتير المذنب فيها هو الرجل.
قبل بالأسطورة لما كانت الانثى هي متحكمة كانت المجتمعات أنقى حسب الوصف التاريخي.
خلينا نلاحظ أنو جريمة اعتداء الرجل على المرأة هي أبشع جريمة في التاريخ البشري لوقتنا الحالي والولد لما بيكبر وبيرتكب أي جريمة من سرقة أو غيرها أكيد منشوف أنو أبوه أما كان مقصر أو سيئ بأكتر من اتجاه والأم لاحول ولاقوة.
والبنت كمان لما مابتكون منيحة منلاقي أبوها عم يعاملها متل السجينة وأخواتها الشباب بيعاملوها متل العبيد.
يعني بما اني شب أنا بشوف اذا رح كون حيادي نحنا الرجال مسؤولين عن كل الكوارث البشرية ويمكن تسونامي يكون النا يد فيها.
مافي حل الا بقوة بديلة تخلي الرجل والمرأة بنفس السوية حتى ينصلح الرجل ومن بعدو المجتمع.
لك مودتي .... سومر
|