منتديات تيرا الحب - عرض مشاركة واحدة

06-18-2011, 08:33 PM

انا مابعرف كيف هلاء الجرح تحت اي بند تصنف
بالنسبة للعاطفي عندي لاصار ولارح يصير باذن الله
فلادقتو ولارح دوقو لاني عرفان انا شو والي معي شو

بس انا دائما بحكي عن تجربة شخصة
اول ما اسمع كلمة جرح او غدر او خيانة
بتذكر شغلتين

وحدة ظلم قريب الي انا تحديدا وغدر
ومافيني احكي بسبب قربو مني وانو بمون عليي

وكان الو ايد بتهجيري عن اهلي وناسي وبلدي
وباع اهلو ودينو عشان نظام تافه ويمسح جوخ للي فوق

وهو لساتو قوي اجاه مرض ومات
اول ما مرض وخبرت قلت ربنا كبير وموجود

ووقت مات قلت الله يرحمو ويغفرلو
بس لابكيت ولا سامحتو
وبكون خاين اهلي وديني وربي اذا سامحت هيك كفر وحقد

وتاني قصة بتذكرا غدر واحد تسبب بموت رفيق دربي وابن عمي
ودفنتو بايدي وماحسنت رجع منو شي لاهلو
وبعرف الي غدر وخان وجرح

واذا بمسكو مارح استنى اجلو
لاني رح اخد حقي بايدي
وقبل هيك يشوف الموت الف مرة ويتمنى وما يطولو
وبعدا رح ادعس فوقو مو ابكي
فشر هو كل خاين

هاد الي انا بحكي عنو

قسوة قلب او حقد ما بعرف

بس هي قاعدة عندي ومارح تتغير