منتديات تيرا الحب - عرض مشاركة واحدة - ©^™(مارأيك بهذا العضو <موضوع متجدد اسبوعيا>)™^©

11-11-2012, 12:13 AM

اقتباس

[عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة ملاك الحريه السوريه

اهليييين بملاك وقعتي يامن ورطي كل الاعضاء

1- ما رأيك بهذا العضو ؟
أختي الصغيرة
عضوة نشيطة جدا ماشاء الله عليها
والها بصمة واضحة بالمنتدى
وصارت ركن اساسي في بجدارة

2-مارأيك بالمواضيع التي يكتبها هذا العضو ؟
بمعظمها منوعة وجيدة

3-ما هي أكثر المواضيع التي أثارت إعجابك من كتاباته ؟
الها كتير مواضيع ممتازة
وهالموضوع هاد الي نحنا في من اقوى مواضيع المنتدى

4- ماهي مميزات هذا العضو ؟
نشيطة جدا
وبتعطي جهد ووقت كبير للمنتدى
بترد على الجميع وبتحب الكل والكل بحبها
قلبها ابيض طفولي الله يديمو عليها
روحها مرحة وبتحب الضحك والفرح
وهالشي كتير حلو فيها
بتحب تتعلم وتشارك بمواضيع حتى لو كان الرد صعب عليها
بس بصمتها موجودة
دائما تسعى للافضل واكيد رح تنول الي ببالها
لانو مجتهدة وصادقة

5- ما هي سلبيات هذا العضو ؟
اهااااااا وبما انو حضرتك نزلتي الموضوع
فتحملي النقد
اول شي الاخت صغيرة لسة وبتحب الحزن بدل ماتدور عالفرح
تاني شي حسب ما انتبهت انو قلبها دق
روحي يئلل اكلك بلا قلة عقل لسة ادامك مشوار طوييل وهي مشاعر مؤقتة اختي مو دقات حقيقية...صفي عالدور
تالت شي نشاطك بآخر فترة خف كتير
رابع شي..قلتلك ولفتت نظرك انو تحاولي تاخدي اسلوب بردك من ناحية الخط واللون والتنسيق بيعطي جمالية للموضوع اكتر اما اذا كلو من المحمول فلا حول ولاقوة
خامسا واهم شي مواضيعك حلوة كتير بس خلي فية طابع خاص فيكي انتي
لاتاخدي الموضوع نسخ لصق ابدا
خدي الفكرة وكتبيا بطريقتك حتى تتفردي بشي خاص فيكي وقتها بصير الموضوع احلى بكتير
سادسا بلالك هالشات والي في
سابعا مممم يلا حاجتك هيك

6- ماهي النصائح التي تود اهدائها لهذا العضو ؟
اختي انتي عمرك 14 يعني وردة باول تفتيحتها
من حقها تشوف الدنية بسعادتا وفرحها
لاتحطي للحزن مكان بحياتك وتقوقعي نفسك بزاوية معتمة وتكتبي عن الحزن اكتر من الفرح
دائما الامل موجود والرب واهبنا نعم يستحق الشكر والثناء في كل وقت فانسيييي اي شي بيزعلك
وشكري الله على نعمو ونعمة النسيان
وعيشي لحظتك بكل سعادة لانو بكيييير كتير عليكي تحزني
لاتخافي جايكي ايام تلعني ابو الساعة الي خلئتي فية
خدي وقتك وفرحيلك شوي قبل ماتشكي عراسك شك
واهم نصيحة الك:: سمعي كلمتي دائما

7- هل يقوم هذا العضو بالرد على المواضيع التي تكتبها ؟
بترد على الجميع وبنشاط
صحي من هون ورايح خلي ردودك اطول
وناقشي العضو بموضوعو وخدي افكار منو
وبعدا افحمي وجاوبي
واحيانا في ردود اقوى من الموضوع نفسو

8- اذا كان هناك استفتاء من 1-10 فكم يكون مركز هذا العضو؟(على مستوى المنتدى)
7
9- كم تقدر اهتمامه للمنتدى بالنسبة المئوية % ... ؟؟
80%

10- مجال للمحاورة بأمكانك طرح سؤال أليه ان احببت؟؟؟. (من 1_3 ) فقط

سؤال عادي :: شو حابة تطلعي بمستقبلك وحابة تكفي الدراسة بمكان اقامتك ولا ببلدك الام

سؤال ثورجي :: اذا فجئة اختفى ابن البهايم بشارون ولقيتي بين اديكي
شو رح تعملي فية

الله يعطيكي العافية على هالموضوع الحلو ملاك
وشكرا لانك اتحتيلنا الفرصة ننتف ريش الاعضاء متل هالعضو هاد الي عم نحكي عنو
لانو ورط الناس وفكر انو مارح نحطو بالقلاية

بس ربك كبيييييير

وخلي يجاوب ومنيح ويتقبل النقد لانو اخوي وللمصلحة العامة والشخصية

واذا ماعجبو الحكي سكتي من عندك وخلي يعجبو لانو مو بكيفو
تشبيح يعني

:agent:وشبيحة عالدوام ولجل عيونك يا وسام:agent: