محاوره شعريه بين شايب وعجوز (ختيار .وختيارة للتوضيح *_^ /
بسم الله الرحمن الرحيم
هذه محاورة شعرية بين شايب وعجوزه يبدأ فيها بالكلام عن الزواج بأخرى ويعاير زوجته بكبر سنها فكانت بينهما هذه المحاورة:
الشــــــايب :
قلبي شباب ولزوم اني اعرس *** ما ابي العجوز الي تتوسد البـــــــاب
الخير واجد وانا ماني مفــلس *** عندي فلوس تدعم البنك في الحساب
العــــجوز:
ما باقي غير خشمك وهالضرس *** تبغي تعرس وانت وجهك شبه الغراب
قابل صلاتك الله يشفيك من المس *** أو تـــرى بطب وجهــــك بهـــالـتراب
الشــــايب:
إنتي عجوز وأكلك الروب والخس *** اما انا ما باكل غير تكـــــــه و كباب
ما فيني سكر غير ضغطي نازل بس *** دام الهوى فيني ترى كل شي طاب
العجـــوز:
لا بارك الله فيك يا الشيبه يا النحس * ما تنفع معاك الرمسه ولا كلام العتاب
قصر لي صوتك ما ابي اسمع ولا حس * عطني طلاقي وانقلع واقبض الباب
الشــــايب:
دومك نحيسه وذا لسانك يبي قص *** ربي ترى حـلل لي اربـــع بالكـتــــــاب
خميس الاعمى جارنا كم وحده اعرس *** مرتاح في الدنيا بلى هم واعصاب
العجـــــوز:
بطران وراسك كالصخر يابس وعص *** مالوم طبعك يوم ربعك هالكلاب
صاير زي الاريل ودومك اتحيس *** استح على وجــهــك أصلع ولعـــــاب
الشــــايب:
فكيني من وجهك ترى مالي أي نفس * زهقان من شوفتك وابغي لي أحباب
وهذاطلاقك وطالقة بالاربع والخمس * شيلي طلاقك من ضميري بلا احساب
العجـــــوز:
مشكور يالشيبه ومن دون أي دس *** عندي حبيب ما ابتعد لحظه وغــــــاب
يشريك ويبيعك تراه ابثمن بخس *** ما تسوى ظفره وهو حلو اسمر وجذاب
الشــــايب:
يالله قبل لا موت منك واقتص *** طلعتي لي قـــــرن وراسي بعد شــــاب
يا شينه البرقع ترى قدرك اختس *** عجوز ولك في الدنيا خلان واحباب
العجــــــوز:
ترى مثلك وهذا لك في العمر درس *** لاني أميـــــز بين شيبه وشباب
او نسيت اني على الموضه ألبس *** ما علموك اني بلا شيله وحجاب
|