ما عاد بدنا سلميّة ................. بدنا بارود

هات رصاص و عبّيها .................. تتملّيها
جود عليها و خلّيها ........... بالرصاص تجود

سمّ ِ و سدّد ْ و اطلقها ............. تا تعتقها
فجّر ْ راس الحارقها ............. كرمال يسود

حاصرهن صيد رجالون ......... صيد شبالون
زعران و عملوا حالون ........... بالبلد أسود

و ال بي قلّك سلميّة ............... قلّو مِيّة
مِية ْ رصاصة حبّيّة ............ بقلب النمرود

خلّي هالقاتل يعرِف ............ دمّي مِكلِف
مو وقت البدّو بيغرِف ............. و بقلّو خود

بغصن الزيتون الأخضر ............. ما بتتحرّر
الحريّة لونا أحمر .................. للأحمر عود

علّي الرايات الحرّة ............ بيضا و خضرة
الأسود عجبينا غرّة .......... و خدودا ورود

هَي رايتنا الممهورة .............. بدمّ مهورا
انشالله بإذنو منصورة ..... و ما إلها حدود