منتديات تيرا الحب - عرض مشاركة واحدة

05-21-2011, 12:18 AM

السلام عليكم ورحمة الله وبركاته

حابب خبركن هالقصة الي صارت معي ومع نضال

نحنا دائما على تواصل بالي عم يصير

ونضال شهم ووطني ورجل ولا كل الرجال

وبحب بلدو وتراب بلدو لابعد الحدود

في مرة كنا عم نحكي فقلتلو انو اليوم

شفت مقطع طالعين في الثوار بحارتنا بالشام

قريب كتير من بيتنا

وهنيك في برج كل الشام بتعرفو وهو مجمع 8 آذار

على الطرف المقابل لسوق الهال

ومقابيلو على الجنب التاني مطعم الطيارة الي خلفو باب توما

وتحت المنو على الشارع العام الي بودي على ساحة العباسيين

بصير موقف سرافيس سقبا وحمورية وبيت سوى والمليحة

وبيعتبر من اجمل الابراج واكترا تنظيم واعلاها بالمنطقة

وهي معلومات حتى الي بيعرف هنيك

ما يراوغ متل ادعائات التلفزيون السوري

انو كل هالمقاطع مصورة برة سوريا

المهم يا اصدقائي

عطيت المقطع للحجي نضال

وبعدا ما شافو قلي
( يا زلمة سمعت شلون عم يصرخ ومو هامو
...الناس ماعاد تخاف خلص شريك)

اذا كمان غير هيك ذكرني نضول هههه

وضل هالمقطع معلئ ببالي لانو بتعرفو انو قريب بيتنا

وحارتنا فلازم انشد الو انو اهل حارتي هيك عم يعملو

وانن رجال وابطال

بعد فترة من الزمن يمكن شي 15 يوم

عم اخد مقاطع من اخي بسوريا

حتى ننشرا بالمواقع المتعارف عليه

ونوصلا لاكبر عدد ممكن من الناس ليشوفو الحقيقة

بدون اي خداع او غش

وبعد ماخلص اخي المقاطع

قلي بدي اهديك مقطعين خاصيين الك

قلتلو هات لشوف

فعطاني مقطعين وقلي هدول

صورتن بجوالك الي هديتني الياه

وئت كنا بمظاهرة عند برج الزبلطاني

وهاد انا الي عم صور

وبعدا راح وانا حملت المقاطع ووزعتا

وباخر السهرة قلت لشوف هالمقطعين

واول ماشغلت المقطع الي هداني الياه اخي

طلع نفس المقطع الي حكينا عنو انا ونضال

والي عم يصرخ بقوة وبلا خوف هو أخي الصغير

بالله مابعرف شو صرلي وقتها

اكيد اني حسيت بفخر كبير

ومابنكر اني تثارت كتير ودمعت وغصيت بنفس الوقت

مع شوية خوف طبعا على اخي ورفقاتو واهلي

بس شعور الفخر اكبر واقوى

ووقت شغلت المقطع التاني

تحمدت ربي على هيك ابطال ورجال عم تجابه الموت

وحتى لو ماكنت جنبن هنن ابطال

وبعرف انو وراي مين ينشد الضهر في

الله يحمي كل الثوار والأحرار

ويحمي شباب العرب الثائرين بكل الاقطار

والحمد لله دائما وأبداا

ورح خليكن مع المقطعين

المقطع الأول الي حكينا عنو انا ونضال

المقطع التاني وكمان نفس الارنة تاني يوم

ياقلبي والله كتر مو مبحوح صوتك فلا عرفتك يا خيي

لن نستسلم....ننتصر او نستشهد