منتديات تيرا الحب - عرض مشاركة واحدة

08-19-2012, 10:01 AM

الله لايجيب بكى

انا برة الموضوع شيت انو هي قصة البكى مابعرفا

بس انا اندوخ مخي من هدول محليين النفس الي كل يوم طالعين بقصة

اعرف شخصيتك من لون عيونك واعرف شخصيتك من من بحة صوتك

واعرف شخصيتك من لونك المفضل وطريقة لبسك وطريقة اكلك ووو

واعرف شخصيتك من اخر تلطيشة لبنت الجيران
وانتي عرفي شخصيتك من آخر غمزة لازعر شب بالحارة

والله داخ مخي منين بينكشو هالمواضيع هي

وانتو يا اعضائنا الحلوين بتجيبو الموضوع منن وخود على تحليل شخصيات

اي والله ماعدت عرفت حالي

بس بكرة مايجي حدا من الاعضاء وينزل موضوع

اعرف شخصيتك من ريحة جراباتك

اذا كانت خفيفة ..فانت شخص خجول وبتلبس صباطك كحش

واذا كانت ريحة جراباتك بتطفح اول ماتشلح الصباط

فانت شخص متواضع وخليك عالشحاطة

واذا كانت ريحة جرابتك نتنة
فانت شخص غير مرغوب فيه الله يفضح كبرتك

واذا كانت ريحة جراباتك تقضي على كل الموجودين
فانت الرجل البيف باف

واذا كانت ريحة جراباتك متل الكيماوي
فاكيد انت رجل مكافح وخصوصا للحشرات

اما اذا كنت عم تقول مالي ريحة جرابات فانت مو من عنا وكذاااب

حلييييييئ تضرب بهالراس شو حالة شاذة

لعمى فعيون عيونك قال مالو ريحة جرابات على مين عم تضحك

واخيرا عزيزتي الفتاة
بلا لبس هالقصير والكعب العالي
ريتو الله يبعتلك حلحلة مفاصلك

لانو كل ريحة هالجرابات من وراكي
كتر الشباب ماحفيو وطايرن من هون لهون

واخر شي وعلى ضو القمر
وحبيبين سهرانين عم يتغزلو ببعض

بتقول البنت شايف القمر شو بعيد

بقلا اي حبيبتي

بتقلو ياااي ريحة جراباتك واصلة لعندو

بقلا تضربي فنيعك
مو انتي هديتيني صباط قبة خنئ بدون فتحات تنفس

بتقلو يؤبرني الحمش اي حتى اعرفك
من راس الحارة اول مابتطف ريحة هالجرابات الرومنسية

وينتهي الفلم باختناق العاشقين من الريحة

وانا بدي انهي هالمشاركة شو كتبت مابعرف

دمتم بلا ريحة جرابات