كيف ؟ مابعرف كيف ضيعتو
ورجعت وحدي ومازدعتو
يمكن اجا لعنا وسأل عني
ويمكن زعل.. يمكن زعل مني
ويمكن نسي.. معقول ؟؟؟
ما ممكن نسي
من يوم قلبو ضاع عن دربي وقسي
معذبة بحالي
بروح وبجي وحدي ع درب المدرسة
وبخاف نظراتي تنبّه رفيقاتي
ويسألوني : ليش .. ليش ملبّكة

ووقت درسي بسرقو سرقة
برسم متل لمحات من رسمو
بكتب حروف من اسمو
بكتب على الورقة
وبخزّق الورقة
من كتر مالي ملبّكة

وساعات درسي يمرقوا
بفتح كتابي وبغلقو
ولمين بدي احكي واشتكي
وصورتو سحر وخيال ليلكي
وبتضل نظراتي
تنبّه رفيقاتي
وبيضلوا يسألوا: ليش ملبّكة
وتنزل شي دمعة ويختنق فيّ الحكي
وأبقى أنا .. كتير .. كتير

كتير ملبّكة