06-08-2012, 11:06 PM
|
#10
|
|
رد: رسائل اشتياق ونداء للعودة لصديقاتي الغاليات ياسمين الشام & Ł Ā Ŷ Ā Ŋ ʚϊɞ
امير الإحساس .. نوورت بتوآجدك اكيد نحنا عم نفكر فيكن متل ما انتو عم تفكرو فينا وازا الله راد بنرجع وع الحالتين بنضل أخوه اكيد
خيي لورد .. هاد من زوئك والله ونحنا اكيد وجودنا معكن بيسعد ئلوبنا وانت بتعرف هالشي ومتل ما ئلت هيي ضروف ان شاء الله بتنتهي وبنرجع متل ما كنا ويسعدك ويحميك ياارب
عبق الأمنيات .. المنتدى منور بوجودكن اكيد بتشكر مشاعرك الطيبه مزوئه يا عبق
ريما نورتي بتواجدك وبتشكرك ع الدعوه ازا الله راد وئدرت ارجع ع طول رح انبسط بمعرفتك ومعرفه عبق واكيد كتير اعضاء ما صار وئدرت اتعرف علين
سوزي يا ألبي الحكي ما بيوفيكي أول شي بدي ئلك انو انا ما تفاجأت لأنو انا معودي انو تكوني سبائه لكل شي حلو متل هيك
ولأنو بعرف مكانتي ومكانه ياسو بئلبك متل انتي بتعرفي مكانتك عنا
حبيبتي بدي إلك انا انو شتئتلك كتير وشتئت للمنتدى كتير ولجمعتنا الحلوي كتير
انو هاد المسطيل صرلي شهور ما كتبت فيو شي حتى هوي شتئتلو هههه بيعنيلي انو انتو بتقرأو كلماتي كمان إلو زكريات
انا بشكرك لأنو خليتني عبر هون وانو احكي انو انا غيابي لضروف بهمني كتير ينعرف هالشي ليلي بيهمو الأمر
كلماتك كتير بتفوت ع الئلب وبيكبر فيا .. انا بوعدك بس تتغير ضروفي رح ارجع اكيد لحديت هيداك الوئت رح يضل المنتدى منور فيكن
منور فيكي يائمر .. وضلي هيك متل ما بنعرفك ع طول مميزه بمواضيعك ونشاطك وبئلبك لكبير
ئد ما شكرتك يا عسل ئليل
ضلي بخير وضلو بخير جميعا .. والله يكتبلنا لقاء قريب
|
|
|
التعديل الأخير تم بواسطة Ł Ā Ŷ Ā Ŋ ʚϊɞ ; 06-09-2012 الساعة 12:23 AM
|