بالنسبة للموضوع الاول انا بعتقد انه رأي نضال هو الصراحة بين الشريكين يعني الشب لازم يخبر البنت كل شي بصير معه حتى ما تنصدم من أي تصرف أو موقف يصير فجأة
والموضع التاني اللي طرحه ابو ليلى
برأيي الرجل الشرقي ما بيتقبل فكرة انه صبية تكون أقوى منه بإبداء رأي أو نصيحة أو فكرة تتمحور حولها حياتهم يعني الشب دايما بحب البنت اللي تكون أقل منه ماديا وفكريا وحتى اجتماعيا يعني باختصار حب التملك والسيطرة موجودة بالفطرة والوراثة عند الرجل ببلادنا العربية وبصراحة شديدة حتى النساء بيئذوا بنات جنسهم بمعنى إنه اي أمرأة بس تزوج ابنها وتصير حماية (بلهجتنا ) فهي فورا بتتحضر لتخوض تجربة المعركة اللي بتكون متأكدة انه رح تربحها بمساعدة بناتها ( بنات الاحمى ) لتقضي على الكنة المسكينة حتى تحطم أحلامها النرجسية اللي بتكون كل عمرها عم تحلم فيها وبهيك بتكون حتى النساء ساعدوا بالتصدي لأي شخصية امرأة بدها تبدأ تتكون
ولهيك الرجل كل ما له عم تكبر سلطته على النساء وصار يكره شخصية وأفكار أي امرأة وطبعا هاد الشي رح يروح بالوراثة للاجيال اللي بعد 00000
بتمنى كون قدرت وصل فكرتي
وشكرا ابو ليلى على طرح الموضوع
كنا محتاجين لهالجرأة من شب
|