السلام عليكم ورحمة الله

كيفكم جميعاً ان شاء الله تكونوا بصحة وعافية
اخوتي واخواتي مابدي كتر مقدمات وكلام


اكيد كلكن ملاحظين انو بالفترة الاخيرة عم يصير غياب كتير من قبل الاعضاء والمشرفين والمجموعات الاخرى
نحنا هون اكيد اسرة وحدة ولما بغيب شخص منحاول نغطي مكانو لوئت ما يرجع طبعا ان شاء الله الكل يكون غيابو خير
بس هالمرة في تقصير كتير من الجميع ولا تنسوا ان ايد وحدة ما بتعمل شي لازم نتعاون مع بعض اكتر مافي عنا مكان للخلافات لانو كلنا ئلوبنا صافية وياريت الكل يرمي زعلو ورا ضهرو وخلونا نرجع متل اول
المجموعة الفضية والمجموعة الذهبية
اكيد نحنا شفنا تعبكن وجهدكن لهيك اعطيناكن هالثقة والي متاكدين انكن ئدها بس بالفترة الاخيرة ما بشوف اي مجهود منكن متل الي كان ئبل مع اني كنت متوقعة انو رح يزيد نشاطكن ومجهودكن وتقدمو اكتر من هيك
اخي ميرو انت كمان بمجموعة نجوم المنتدى واكيد انت بتستحق هاللقب بس كمان بحس مجهودك تراجع عن ئبل
وبتمنى ترجع متل اول
اخوتي نحنا مابكفي انو نحط موضوع النا ونركز فيه بس ونتجاهل مواضيع الاخرين لازم متل ما بناخد منعطي وبدي شي من اعضاء المجموعات الفضية والذهبية هو انو تحاولو تنشطو الاقسام الي مافيها مشاركات عن طريق الرد على مواضيع هالاقسام او ابتكار فكرة لتنشيطها وشو ماكانت الفكرة انا معكن وبساعدكن فيها
برجع ركز ع نئطة الخلافات اخوتي نحنا هون اسرة وحدة وبالاسرة بصير خلافات بس علاقة الترابط والمودة والاخوة الي بتجمعنا بتنسينا كل هالئصص الزغيرة
جميلة الاشراف اكيد مو جديد عليكي وزكرت هالشي من ئبل وناطرة شوفك متل العادة بذكائك ومجهودك الي الكل بيشهدلك فيه تنشيط واعادة احياء لاقسامك وطبعا مع عدم اهمال الاقسام التانية ولا تنسي انو عندك شغل كتير لانو في كتير خربطات باقسامك لازمها اصلاح
اسفة للاطالة
بس بتمنى من الجميع التعاون وئد ما كنتو مشغولين وعنكن مشاكل بتوقع ساعة او ساعتين باليوم مارح تضركن ولا رح تكون كتيرة على هالصرح الرائع الي جمعنا سوا مع بعض
وبعرف انو كلكن بتحبو المنتدى وبتعتبروه بيتكن التاني ونحنا هون كلنا اخوة ومافي فرئ بيناتنا ولا تفكرو انو الالوان ممكن تميز بينا او تفرئ حدا عن حدا
بتمنى التوفيق للجميع
ودمتم بالف خير



احترامي للجميع

LORD
🌷🌷🌷🌷