مابقى للحب قيمة في دساتير الغرام
والوفا نادر وجوده والا يمكن مستحيل
ولا بقى للصدق معنى في قواميس الكلام
والعهود اضحت سوالف تنحكى باطراف ليل
وآه ياعيونٍ غشاها ما غشاها ولا تنام
آه ياليل الأهانه آه ياالليل الطويل
وآه ياقلبٍ طعونه من حبيبه ياحرام
رد من موعد غرامه يكسر الخاطر ذليل
راح للموعد يشيل أبيات شوقه والهيام
ورد يكتب من نزيف الجرح موالٍ طويل
رد يكتب لا سلام ولا على الدنيا سلام
مابقى للحب قيمة والوفا أصلاّ قليل