مقبل عليك بحب وأشواق وشجون
وبداخلي كل الأحاسيس تختال

مجنونه فيني أو أنا فيك مجنون
ماعاد تفرق دامنا خبال فخبال

خل العذارى في هوانا يغنـّون
للصـّبح لين يجرنا الصبح موال





يابنت العطاوي ليتني كنت فرعون
وأغرق في حبك وأبقى للحب تمثال

ولا أكون إللي بغيتي لك يكون
مغرم متيم شاعر إلحب خيّال

مهووس حبك؟ لا .. أنا فيك مسكون
جنـّيتك دايم معي فكل الاحوال

لو خيـّروني بينك ومال قارون
لاختارك إنتي مابها شكّ وجدال




دامك تمونين .. إيعقب غيرك يمون
راسي لجل راسك من المتن ينشال

مانيب أحبك رمش وخدود وعيون
حبيتك أخلاق وأحاسيس وأفعال

فكري بناته من غلاتك يفزّون
ماهو بتواضع مير تقدير وإجلال

اهيم وأهديك بشعر حب موزون
وأسعى مابين الحب وإلشعر رحال