منتديات تيرا الحب - عرض مشاركة واحدة

01-19-2012, 11:49 AM

بما انو مافي غيري عم يحكي هون اليوم رح تابع

*انتي بتوافقيني انو غزلــ موهبة وكنز كبير
اكيد بوافق وكنت رح ازعل كتير لو تركتنا متل ما حكت هداك اليوم

*شو رايك بثقافة غزلـــ
رائعة وحكيت بحسها بنت واعية كتير وفهمانة وعندها ثقافة عالية الله يحرسها

*شو رايك بمواضيع غزلـــ
كتير بيعجبني اسلوبها وبحب شوف مواضيعها لاني بحب طريقة طرحها للمواضيع كتير

*اديش مدى تشجيعك لغزلـــ
كتير كبير لاني حاسة انو عندها موهبة كبيرة وشي كتير بتقدملنا ياه واكيد كلكن بتعرفو هالشي من اول ما دخلت انا كنت معها

* ئولتك رح وافق على طلبك الي بخص غزلـــ
شو انا بقرى افكارك خيوو بس متفائلة وبتوقع اي بتوافق

*شلون بتلاقي حضورها
الها حضور مميز وطريقتها بالرد كتير بتجذبني وكمان طلتها حلوة والها بصمة خاصة فيها

* دماتا خفاف متلنا الشباب ولا تقيل ملتكن
ههههههههههه اكيد انت بدون ما تنتبه كتبت كلمة شباب بالبداية وحطيتنا بعدين لانو البنات الطف الكائنات ودماتن عسل وشربات اكيد دمها خفيف متلنا نحنا الصبايا العسولات

* شورايك بابداع غزلـــ بعكاظ
ممتازة وان شاء الله رح تكسحكن عن قريب

* شو ردة فعلك وقت شفتي موضوع الوداع لهالمنظومة
زعلت كتير لانو حسيت هاين عليها تتركنا وانو هالفترة الي ئضتها معنا ما بتعنيلها شي وسهل تتخلى عنا عصبت كتير منها وبعتلها رسالة عالخاص لاخد ميلها وهددها ونتفها براحتي

* لو ادامك شو كنتي عملتي فية:hlp:
كنت نتفتها تنتيف وعطيتها بوكس هريتلها سنانا

*هالبنت هي سعودية ؟؟بس كتابتها شامية قح ؟؟مستحيل مايكون في شرش()
اي والله تسلملي عينها كان عندي شك انها تكون سعودية الله يحميها ممكن اي وممكن لا لا تنسى انو من عاشر القوم صار منن وفين يعني ممكن تعلمت هاللهجة من اصدقائها بالشات كمان

*شو رايك باحساس غزلــ
عندها احساس عالي وراقي ممكن يوصل لاي شخص وبحس فيه لانها عفوية وبحسها تتصرف على طبيعتها وهاد السر باعتقادي

* شو بتتمنيلا بحياتها
بتمنالها متل ما بتمنى للكل انو تحئئ الي بتتمناه وانو ربي ييسر امورها ويعطيها على ئد نيتها وانو تتوفئ بحياتها العلمية والعملية واكيد العاطفية كمان

* قولتك رح يجي يوم وتعئل وتحط عقل الرحمن براسها وتترك الشات وتقعد بالمنتدى
بتمنى لانو هيه اكيد ملاحظة الفرق بين انو تحكي كلام فاضي وبين انو تقدم شي وتشارك وتناقش الناس بجدية اكتر فيها تستفاد منها

*شو اجمل شي كتبتو غزلــ برايك
بصراحة ما فيني حدد كل مواضيعها حلوة وكتير بيعجبني موضوع باختصار فكرة رائعة والاختصارات الي عم تقدمها اروع

*شو رايك بردود غزلــ على المواضيع
زكرت ئبل انو ممتازة كتير وبتوقع هلئ انت والكل ما بتلوموني لاني اخترتها لتكون صاحبة افضل ردود من بداية دخولها عالمنتدى

*انتي كمشرفة عامة للموقع شلون بتقيمي اداء غزلـــ
يعني بصراحة بحس انو بعد بدها تكون انشط من هيك هو ادائها منيح بس بحس انو فيها تقدم اكتر لهيك بتوقع انو ما بيكفي لشخصية عضوة متل غزولة

* كلمة وبوح منك لغزلـــ
ما بعرف شو بدي ئول بتمنى تبقي متل ماانتي وبتمنى اتعرف عليها اكتر واتعمق بعلاقتي معها لاني بحس فيها شي قريب مني بس شو هو بالتحديد ما بعرف

* تقاتلي معها والك مني مصروف 25 ليرة
بعيدة عن اسنانكن ياتماسيح نحنا الصبايا اسرة مترابطة متكاتفة متضامنة