منتديات تيرا الحب - عرض مشاركة واحدة

01-19-2012, 03:52 AM

هيّ اختك من انو طريق رايحة لنعرف

رايحة جوّ ولا بر عن طريق سوريا

اذا عن طريق سوريا خلص امنيتك تمت

والشبيحة رح يعملوها مرهم نيفيا

******

انتي بس ادعي وتمني كالآتي ::

اذا صدف وعدت ووصلت لمناطق البرد والتلج

تضيع عن الي معا حتى هنن يضلو بامان

وهي تصير تدور علين وتنادين وماتلاقي اي انسان

وتهب عليها رياح واعاصير هوجاء

وثلوج وامطار سوداء

ووين ما تطلعت ماتلاقي حدا غير خيالات واشباح

واصوات غريبة من كل اتجاه

تمشي وتمشي وتوه بدروبا اكتر واكتر ومايضل دليل

وتوصل لمفرء درب مو مبين ملامحو

وطريق يمين وطريق يسار

ولوحة اتجاهات خشبية مكسورة

ومامبين شو مكتوب علية وتحتار اكتر

تقعد بالارض وتصير تضرب حالها وتنتف بشعرها

وفجأة توقع علبة كبريت من جيبها

وتقرر تولع نار وتدفى

فجمعت شوية ورق مبلول وخشب كلو مي

وعم تسمع غنية وائل كفوري

(برد وتلج ورعد وريح
الدنية برة مجنونة
شو اخدك يا تعبت هالمشوار
كلو من اختي الشيطوني
والتلج مكوم مابزيح
ويضرب هالسيران يا تئبروني)

وبعد ماتجمع لتشغل نار تطلع علبة الكبريت

فتلاقي عود واحد ومكسور

وتتلملم على بعضها وتحني وتحاول

تشغل العود وهي عم تداري من الهوا

فيوقع بين التلجات ويضيع وتطير علبة الكبريت

وتصير تبكي ودموعها تجمد عل خدودا

وتقوم توقف وتطلع بالمفرق وتحاول تختار

انو طريق تروح في يمين او يسار

وبما انو هية افكارها غريبة تختار تمشي بالنص
شلون ماحدا بيعرف

وتصير تطلع جبال وتنزل سهول وتعبير وديان

والتوهان هو التوهان لا بشر ولاحس ولا حتى حيوان

بس اصوات جن وضحكات وصراخ بكل مكان

وتزرق ادية واجرية من البرد

وتتجمد اطرافها وتصير ترجف

وقتها بتقاع على ركبها وبترفع ادية للسما

وبتقول يارب رجعني

وعندي استعداد اعمل متل ما بتطلب اختي المجرمة

وبغسل وبشطف المنتدى وبكنسو ليل ونهار

وبفتح كافي شوب تيرا المسكر

وبصير أدم للاعضاء كل شي بدن الياها

وببلاااااااااش والله ببلاااش

هنن بس يرتاحو ويشاركو وانا بقوم بواجبن

ومهما حكى معي لورد وحمودة وامير الاحساس

بقلن حاضر انتو بس بتؤمرو يا شباب

واي حدا بالمنتدى بيضربيني او يشدني من شعري

او يلبطني يجيبني بالحيط

مارح رد علي بس بقلو هل من مزيد

واذا شي بنت من هالعسولات سلختني كف

خلتني افتل متل الصياح

رح اقلها تشكري يا اختاه

وبعد ما تخلص دعائها بيتوقف الهوا والتلج والامطار والاعاصير

وبينكشف الطريق ادامها وببان واضح

بتقوم من فرحها وسعادتها تقول اجاني الفرج

ومابتشكر ربها

وتركد ركييد على الطريق لترجع لهون

فما بتطلع يمين ويسار

فيعدي عليها الاوتوبيس السياحي
تبع مسرحية الزعيم ويقطعها حتت

وقتها رح تحصلي على الورتة عبير

وهكذا كانت نهاية سيران تعبت المجئجئ