مرحبا اختي
اهلا وسهلا مية مرحبا اخي
انشالله تكوني مرتاحة بضيافة حمود
حدا بضيف عن هالدب وبكون مرتاح


منرجع بكم سؤال سياسة مازال الكل بيسئلك حب
تكرم عينك اخي تفضل



من يومين تقريبا قريت بصحيفة انو اقترب الاعلان عن المجلس العسكري السوري الاعلى
برئاسة العميد مصطفى الشيخ شو بيعنيلك هيك شي ؟
اكيد بيعنيلي كتير بلش هلال الفرح يطل علينا والمجلس رح يكون الو تاثير كبير عالوضع الحالي من ئلبي بحي العميد الركن مصطفى الشيخ وان شاء الله يكون انشقاقه بداية لمرحلة جديدة وهامة كتير تتكلل بانشقاقات مماثلة


هل برئيك هيك شي تجمع للقوى العسكرية المنشقة تحت قيادة واحدة
ام بداية الانشقاق بالجيش السوري الحر (انشالله مامنشوف هيك شي ؟
لا انا بعتقد انو هالمجلس رح يكون بمثابة العجلة الي بسير فيها الجيش الحر يعني رح يكون في تنظيم اكبر وعمليات الجيش الحر رح تكون منظمة ونتائجها افضل باذن الله

بنفس الخبر قريت انو عضو المجلس الوطني نفى وجود هيك خبر
شو تصورك او تفسيرك انتي ؟
بتوقع هالشي ئصة جديدة مفبركة وفتنة وسخة من النظام


هل هي لعبة من لعب النظام الوسخة ؟
اهاا انا بعتقد انا احد العاب النظام الي باتت مكشوفة


واذا لعبة شو بتقولي لنظام ؟
رح ئلو كل ماقربت النهاية كل مازاد التخبط وزادت الحجج وزاد كلامكم الفاضي وهالاشياء اللي تعملوها والئصص الوسخة الي بتحاولو تشوهو فيها صورة الجيش الحر وتعملو فتن جديدة نحنا ما زعلانين منها لا بالعكس نحنا مبسوطين لانو هالشي اكبر دليل على جبنكم وخوفكم
واخي رح اطلع من سياق الحديث شوي واحكيلك ئصة تدل على جبنهم عنا بالدير المناطق الاكثر حيوية عم تنحطلها حواجز الساعة 4 العصر ما حدا بيدخل عليها او يطلع فالناس ماشين من يومين وعاملين مظاهرة جنب هالحواجز صاروا الامن يضربو نار وقنابل دخانية فالناس صاروا يصرخوا الله محيي الجيش الحر ئام الامن يركضوا وهربو من المكان كلو فشو رايك؟؟



قال سيادة العقيد رياض الاسعد انه عدد الجنود المنشقين عن جيش الاسد
بلغ اربعين الف واغلبيتهم داخل سوريا شو بيعنيلك هيك رقم ؟
انا بضيف لكلامو انو في اضعاف اضعاف هدول مستعدين للانشقاق لو تامنت الهم الحماية والمنطقة العازلة وهالعدد اكيد كتير منتفائل فيه يعني لسا مبارح واليوم بلش تشكيل الجيش الحر وبلشت الانشقاقات والحمد لله العدد بفترة زغيرة كبر كتير وان شاء الله منشوف عدد اكبر من اشراف الجيش الاسدي ينظم للجيش الحر

بسؤالي الماضي الك سئلتلك عن سبب تأخر الانشقاقات الكبيرة لهلئ حكيتي خوف على اهلهم
طيب سؤالي الك
متل المقدم حسين هرموش او العقيد رياض الاسعد ماعندهم اهل يخافو عليهم ؟
مع انك بتعرفي انهم من اول من بدو الانشقاق عن الجيش بوقت كانت سوريا كلها بقضبة الاسد
مو متل هلئ كتير مناطق ماعادت تحت سيطرت الاسد
صح اخي مبلا عندن وفيك تقول انو الي ما عم ينشقوا عاملين المقدم حسينو العقيد رياض عبرة لالن انت بتعرف منيح شو عملو بعيلة المقدم حسين واجبروه بعد تعذيب وقتل لعائلتو انو يطلع عالتلفزيون الكاذب ويكذب اقواله وبعد ما خلصو تصوير هالتصريح قاموا قتلوه وهالشي اكيد ما سهل صح ولا لا لهيك انا باكدلك انو بس يصير منطقة عازلة رح تشوف المنشقين بالاف وبالمناسبة انا بعتقد انو نهاية النظام رح تكون بالقصر الجمهوري وعلى ايد اقرب الاشخاص للكلب بشار


متل ماسمعنا الكل عن لسان الشيخ عبد الجليل مدير مكتب الحسون
انه الحسون شيخ بالاسم وكل همو المال والسلطة
طيب سعيد رمضان البوطي بفترة من الفترات كان الو شعبية كتيرة وفتاويه تسمع خارج سوريا كمان
شو سبب انه لهلئ مع النظام هل ياترى انسان بعمرو وباخر حياتو قضا عمرو بعبادة ربنا
رح يخاف من بيت الاسد اكتر من الله
ام انه بحق ماكان شيخ صادق ؟
لو كان صادق بدينو ماكان لهلئ مع بشار ولا كان رفع ايديه ليدعي لبشار بالوقت الي بشار يقتل فيه المئات والاف لانو البوطي لو كان مسلم حقيقي مستحيل يعمل هالشي وهو يعرف انو هدم الكعبة عند الله اهون من قتل مسلم

الملازم اول محمد الخلف هو اول شهيد بيرثي نفسه قبل ما يستشهد وضحا بحياته فدا سوريا وشعب سوريا
مع انه ببداية عمرو والمستقبل طويل قدامه
ليش البوطي لهلئ ما عمل متل هيك شي ؟
لانو البوطي متلو متل حسون همو المال اعمت عيونو المصاري والانسان بس ينساق بهالطريق تعمى عيونو عن الحق ويركض ورا الوسخ الزائل


بالمقابلة الي سواها الاسد من فترة قال على التلفزيون وقدام الكل
انا لست مسؤولا عن دماء السوريين والجيش ما هو الي اعطاه الاوامر
مع انو هو رتبتو القائد الاعلى للجيش والقوات المسلحة (شو كاين سكران )
يعني مافي حدا يحرك الجيش الى بأمره شو سر هيك كلام او ليش انحكا
هل هو خوف او بدا كل واحد يرميها على غيرو ؟
هو شخص اسمحلي ئلك انو زبالة ومافي منو فايدة انا لما بكون اسمي الرئيس والقائد الاعلى للجيش و القوات المسلحة يعني كل شي بامري وبحركوا متل مابدي يعني قدم عذر اقبح من ذنبو لعنه الله عليه ازا متل ما حكا انو مالي علاقة معناها لازم يقول انا رجل كرسي وانا شخص ماني ماهل لهيك منصب لهيك انا بنسحب مو الله شاطر يطلع يوقف قدام مجلس الشعب البعثيين الخونة ليضحك على الشهدا الي بموتوا والكلاب يزئفولو فيه شرف او ذرة احساس ما يبقى لهلئ بسوريا


رح نفرض خوف بأخر خطاب ئلو قبل كم يوم هاجم الي عملو معو اللقاء واعتبرهم انهم مافهمو عليه صح
شو يعني هلئ رجع لمكان القوى او تبهدل من امه واخوه لانو حكا
برات الورقة المكتوبة ؟
ههههههههههه اخي هو شخص تافه وما بيفهم شي اجا لهون بعد ماكلابو حكولوا انت خبصت وصار لازم نصلح الموقف ضلو اسبوع يعملو محاضرات ويصححوا جملو كلماتو يضرب بشكلو شو جحش


مارح طول عليكي

بنهاية شو بتقولي لكل من ................



البوطي ......احسب حساب للحفرة الي رح تنحط فيها نهاية عمرك ولليوم الي رح تقابل فيه رب العالمين
روسيا .....الاسد مو دايملك والكل يعرف انو وقفتك معو كرمال المصلة والاسلحة الي عم يشتريها منك عم تتوعدي الدول الي بدها تهاجم بشار بانك توقفي معو وتدافعي عنو وبنفس الوقت نسيانة شعبك الي عم يموت والمظاهرات بتعم كل روسيا ياترى ليش بتشجعي بشار وهو عم يقتل شعبو وبعدك واقفة معو وليش ما تستعملي اسلوب بشار مع شعبك وتقمعي المظاهرات
الصين .....مائصرت امريكا فيكن وان شاء الله بتجيكن قنبلة نوورية اقوى من هديك
ايران ....الشيعة من يوم يومهم خونة وان شاء الله سقوطكم قريب انتم وكلبكم
نصر الله ...حرر لبنان قبل ما تعمل حالك حامي الحمى لبشار

الشهيد ابراهيم القاشوش
رح تبقى بقلوبنا ورح تبقى سيرتك تنزكر بالخير ونبقى بطل بالتاريخ بالوقت الي رح يروح فيه قاتلك لمزبلة التاريخ الله يرحمك ويتقبل شهادتك يابطل


الشهيد حمزة الخطيب
كل يوم رح يولد حمزة جديد وان شاء الله الثورة ما بتهدى لتاخد بثارك وثار كل الاطفال الابرياء الله يرحمك ويسكنك فسيح جناتو

االشهيد الملازم اول احمد الخلف
الله يرحمك وان شاء الله زملائك بعملو متلك ويتركوا خوفن وينضموا لجيش الاحرار


العميد مصطفى الشيخ
الله محيي اصلك وهاد عشمنا بالاحرار امثالك وان شاء الله تكون خطوتك هي بداية لطريق النصر العظيم وتحرير سورية الحبيبة


حمص
قلبنا معك ياعاصمة الثورة ياام الاحرار ربي يحميكي وينصرك وتكون مقبرة بشار الكلب فيكي


حلب
بكفيكن صرنا نخجل نقول انكم سوريين المال بروح وبيجي اما الكرامة لو راحت مافي معنى لوجودنا


وللمنحبكجية كلهم .............
خسئتم انتم وبشار الي بحب بشار بلا ذمة وضمير وما عندو شرف بشار بالنهاية رح يسقط بالصرماية العتيئة وانتوا رح تحسوا حالكن كلاب لا اكتر ولا اقل



منرجع بغير وقت
بتنوووووووور اخي
سلام

الله معك بانتظار اسئلتك الجديدة