|
اهلين خالتي اهلين
اهلين عمو
نورتي كرسيكي ومطرحك
شكرا نوركن هاد
الهي بتضلي شهر هون لحالك وبتأرمدي من البرد
شهر شو هالافتراء المدة اسبوع الكل بيعرفا
ــــــــــــــــــــــــــــ
*انتي وعبير زعماء الارهاب الانثوي بالمنتدى
فشو آخر مشاريعكن الدموية
ناوين نكمل مشروع ريا وسكينة بس هالمرة نقضي على جنس الرجال
*بتلاقي عبير مكملة لشخصيتك
طبعاً نحنا التنين فينا غريزة الاجرام
*في شي بعبير صفاة بتنقصك
وببتمني تكون فيكي
اي كل صفاتها تئبرني مافي منها
بعدين ريحو حالكن هيه توام روحي
*بتتوقعي نهاية عبير على ايدي
ولا على ايد حمودة النرويجي
بتوقع نهايتك ونهاية حمود الاجنبي على ايد ريا وسكينة الجدد ( انا وعبوري)
*بتتوقعي نهايتك اشنع
ولانهاية عبير
نهايتك رح تكون اسوء من نهاية حمود
*بعد كرسي الاجرام الي خاضتو عبير
ومن اجوبتها شو اكتشفتي
رهيبة وعجبتني اكتر افكارها الاجرامية
*من المؤكد انو عبير افكارها غريبة فهل انتي كمان
هيك افكارك مخربطة وبتوشي متلها
اكيد ماكنا طبئنا على بعض افكارنا صحيحة وراكزة ومنعرف شو بدنا
*عبير في زمن الصعب
هل هيَّ ملجئ الك
اكيد تسلملي عينها هيه بيت اسراري
*عبير عم تفرض سيطرتها على جنس حوا وخصوصا انتي ؟؟
ليش عم تسكتيلا وتعطيها المجال
طبعا وناوية ارشحها لتكون امبراطورة العالم الانوثي بعد القضاء على اخر تمساح
*هل لطافتك الها دخل بخضوعك
لسطوة عبير الاجرامية
ههههههههههه لطافتي طريئة لكسب ود الاخرين والتعرف علين وجلب معلومات عنن لعبربر الراس المدبر
*اذا انتي مو سوزي بتتمني
تكوني عبير الخطير
انا وعبربر واحد ومشان ترتاح اكتر اي اكيد بتمنى
*اذا قلتلك هلاء تم القاء القبض على عبير
وزجها في سجن المنتدى مؤبد فشو رايك
بفجر المنتدى فيكن وبطلع عبربر حبيبتي
*رح تستلمي محل عبير مباشرة طبعا
فمين رح تكون ايدك اليمين من البنات
نحنا اوفياء لبعض رح طلعها ورجعها عالحكم لتظل شوكة بطريئكن
*هل لعبير عودة للزعامة الانثوية
اذا طلعت الادارة عفو عام عن المجرمين
العفو تبعكن بلو واشربو ميتو نحنا ما منعترف فيه اصلا
*اذا وافقتي على عودة الزعامة الها فهل بيزعجك
انو تطردك من الحلف تبعكن
ابدا لانها ما بتاخد غير القرارات الصحيحة فلو طردتني بعرف اني غلطانة
*واذا ماوافقتي رح تحطيا مساعدة الك ولا رح تطردوها
وتخلوها مع الصايعين براس الحارة
عبوري هي الزعيمة وما حدا بياخد مكانها
*فيكي تقولي لعبير عن حلفكن بالتلاتة طالئ طالئ طالئ
وبتاخدي عشر ليرات
لا ما بدي ئول وبعطيك من عندي 15 ليرة بس تغير افكارك
|