منتديات تيرا الحب - عرض مشاركة واحدة

01-01-2012, 06:40 PM

ترى ما الأسباب وراء اندفاع بعض فتياتنا وراء من يلوح لها؟

اخي الاسباب كتيرة وتعود لعدة اطراف
الاهل والتربية وقلة الثقة بالنفس والمجتمع الي بتكون عايشة فيه البنت وصحبة السوء واحيانا نقص بالشخصية وكمان بسبب الكبت الي بيمارسوه بعض الاهل على بناتن وهاد شي كتير خطير
لماذا تصدق بعض الفتيات كل ما يقال من كلام معسول؟
البنت بطبيعتها عواطفها تكون ئوية وتتحكم فيها فاباغلب الاحيان بتفكر بقلبها وتجري ورا عواطفها وما تفكر بعقلها وهاد السبب الاقوى بهيك امور واكيد اي بنت بتحب انو تسمع كلام حلو وغزل وتلاقي حدا مهتم فيها
هل فقدت فتياتنا الحنان لدرجة البحث عنه في أي مكان؟
اي اخي احيانا البنات بيوصلو لدرجة يدورو على شخص ويحاولو يلفتو نظر اي شخص بدون مايهتمو لسمعتن او او او
البنت لما بتشوف رفئاتها عايشين حال حب وهيه مافي حدا ببادلها نفس الشعور بتنهار وتتخبط يمين وشمال
ولما بتلاقي اهلها ما مهتمين فيها زيادة ولا عاطينها الحنان الي بدها اياه بتصير تدور برا ع شخص يمنحها هالحنان
وغيرها مواقف كتير تدفعها لهاد الشي
بعض أن نضع أيدينا على الأسباب؛ ما هي أنجع طرق العلاج وسط هذا الزخم الإعلاني، واستهتار بعض الأسر؟!
يعني ما بعرف لو فينا نلاقي حلول لهي الئصة هو اكيد في حلول بس انا بهيك حالات افكاري تضيع مني
اخي مرة رحنا للشام انا واهلي لعند ئرايبنا ووقت العصر ئريبتنا حكت مشو لاخدكن لعيلة خمس نجوم صرنا نضحك قالت ما بمزح مشوا معي المهم لما رحنا سالت ولد زغير بالشارع وينها ام احمد بلاليش حكالها فوق طلعنا لعند الجماعة والا الباب مفتوح المهم دخلنا لقينا الشغالة عم تحكي عالتليفون مع صاحبها وتعمل حركات اللهم عافينا والبنت هلئ فايئة من النوم وعم تشرب كوكتيل لانو مابقي كتير لوقت شغلها سالنا شو بتشتغل طلعت تشتغل بنت ليل والاخ بدو يزوجوه وهو قاعد بالبيت لا شغلة ولا عملة يعني على حساب اختو رح يتزوج والام مبسوطة كتير وعم تضحك بجد هالشي بيحزن ويقهر لا حول ولا قوة الا بالله.
وأخيرًا أين تجد الفتاه [عزيزي الزائر يتوجب عليك التسجيل للمشاهدة الرابطللتسجيل اضغط هنا]الحقيقي؟
ممكن تلاقيه مع شخص ما يطلب منها طلعات وروحات وجيات وخلوة بمكان خاص او يحاول يستغل حبها الو ليضحك عليها ويخون ثقتها ويسلبها شرفها هالشباب صاروا قلال كتير بس اكيد لسا موجودين.

هاد رايي انا
اخي بتشكرك كتير كتير على هالموضوع الهام
والي بجد يستحق النقاش اكتر من هيك
انا مبارح رديت عالموضوع بس للاسف فصل النت وراحت المشاركة
يعطيك الف عافية اخي
ولي عودة ان شاء الله
احترامي