انواع جديدة للزواج
السلام عليكم ورحمة الله وبركاته
ازيكم احلى واجمل اعضاء
طبعا الموضوع باين من عنوانه
أنه عن أنواع الزواج اليومين دول
بس المرة دى مش عن الزواج العرفى
ده عن حاجة جديدة
امبارح كنت قاعدة بقرأ الجرايد وصادفتنى مقالة عنوانها
( على كل لون يا جواز ) بصراحة عنوانها مشوق
ويخلى الواحد يجيله أمل أن شبابنا اليومين دولى اكتشفولنا جوازات جديدة خبراء
طبعا أحنا عارفين أنواع الزواج التقليدية بتاعت الشباب اليومين دول
زى المسيار والعرفى وبتاع مواسم السنة والحاجات العادية دى !!!!
أصلها خلاص بقت حاجات قديمة ومتعودين عليها
دلوقتى بقى فى زواج الكارت وده ايه ده كمان ؟؟
ودى بقى فكرة مستوردينها من انجلترا !!
وهى بقى بعض الشركات بتقوم بتصنيع كروت شبه كروت الشحن بتاعت الموبايل
ومجموعة متقسمة للسيدات والمجموعة التانية متقسمة للرجالة
ومتحددة لمراحل عمرية معينة زى من 20 لـ 30 ومن 30 لـ 40 وهكذا
وجواها أرقام وحروف ولما تخربش الأرقام وتتصل بيها تكشف عن أرقام للى عاوزين يتجوزوا
من الشريحة المطلوبة فلو أتبين لصاحب الكارت أن الحروف الهجائية المكتوبة بالأنجليزى
متطابقة مع الطرف التانى فمعنى كده أن القدر جمع مابينهم ويتقابلوا عشان يتجوزوا قسمة ونصيب
والنوع التانى بقى بسم الله ماشاء الله ربنا يزيد ويبارك
"تصادق على وثيقة الزواج"
ودى بقى عبارة عن وثيقة يحررها المأذون وبتبقى شبه الوثيقة الرسمية شكلا
المعروفة بدءا من وضع صورة للمتجوزين وكل البيانات والتوقيع والبصمة بتاعت الاتنين المتجوزين
ولكن بقى الكارثة أن العقد بيتحرر بعد كذا شهر من المعاشرة الزوجية
وبيتسجل كل ده فى الوثيقة وساعات كمان بيضيفوا أن الزوجة حامل فى شهرها ... من الزواج!!
والله بجد أنا لما قريت الكلام ده تعبت نفسيا
وعاوزة أعرف رأيكوا
|