أجيت بچفي شايل حفنة ادموع
مثل سائل وگفّت ابعتبة البـاب
انه عيوني يتامه ويبـچن ادمـوم
أمسح طرف جفني تكسب اثواب

*

صعبـة امنيتي ما تتحقق وياك ..
هـلهولة فرح بحلوگ خرسان ..

ماريدك تـجيني تگلي مشتاگ ..
ماطيقك تره بهمـومي غرگان ..

قصيدة اتبلّلت بدموع فرحانين ..
ماشربت بقت عطـشانة أحزان ..

أشتترجة امن الاعمه يگلك ااااالله ..؟
لـو راويته لوحة أمتعبه الفنان ..

ما أشرب وصالك لو تگلي اتموت ..
مثل حـسين أموت وأبقه عطشان ..

ولتراودني حته لحبك اشتــاگ ..
أشيلن گلب يوسف وألعن الشيطان ..

ولك راح اختصرها وكافي دوخة راس ..
اني من گتلك أحبك چـنت سكران ..!


هيچ اني ...

أسست بگليبي جامع .. هاك آذاني
لا تزعل حبـــيبي .. هيچ اني
أشكــم مره اگلك .. هاك أذاني
مااتوبن لو أجر گـــــلبي بديّة

ودي للجميع
نشالله يعجبكن