10-22-2011, 08:23 AM
|
#6
|
|
مشكورين نضالو وعبورة
هلئ انتوا التنين صح
وكمان هالشي رب العالمين ما بينسالكم اياه
يعني انتوا عم تقدموا سبيل للهداية
بس انا برايي الشخصي
عن نفسي مقتنعة بكلامكم
والحجاب ستر وبيكمل الدين هاد شي اكيد
بس شو الفايدة لو قلنا لانسانة اتحجبي ولازمي تتحجبي
واحرجناها بكلامنا واتحجبت
وبينها وبين نفسها مو مقتنعة بهاد الشي
شو رح يكون الحال
وبعيدا عن هاد الموضوع وعن النصيحة
ليش بدنا نعتبر البنت الي محجبة هي صاحبة الصون والعفاف والاخلاق الحميدة
والبنت الي مو محجبة بنت مو منيحة واخلاقها سيئة
في كتير بنات مو محجبات واخلاقهم اعلى بكتير من بنات محجبات ومنقبات حتى
هاد مو مقياس لو جينا لنقيس الاخلاق والسلوكيات
بس انا معكم 100% بقضية انو بكمل الدين وانو لازم ليكتمل الدين البنت تتحجب
اما الاخلاق فخلوها بعيدة
في بنات كتير بيقوموا بشعائر الدينبيصلوا وبيصوموا وبيطعموا المساكين
وما محجبات ليش بدنا نظلمهم بكلامنا
ولا تنسوا بالنهاية
لا تهدي من احببت ان الله يهدي من يشاء
ورب العالمين لما يهدي حدا رح يهديه بدون انتظار اي نصيحة من اي حدا
|
|
|
LORD
🌷🌷🌷🌷
|