منتديات تيرا الحب - عرض مشاركة واحدة - ارجوا من الجميع الدخول ولا تهملوا الموضوع منتدانا في خطر

#1 10-05-2011, 07:01 PM

السلام عليكم ورحمة الله وبركاته

احبتي اعضاء المنتدى الغالي اخوتي واخواتي
ابدا كلامي بتحية معطرة باجمل العطور مني لكم

لاحظت في الفترة الاخيرة ركود شبه تام في المنتدى
من الاداريين والمراقبين والمشرفين والمشرفات وطبعاً انا ما بستثني حالي كمان
المواضيع عم نتهمل كتير والردود عم تكون ئليلة
صرت بحس كانو المنتدى مهجور وتجيلي اوئات ما الي نفس رد على اي شي وانا موجودة بالمنتدى
هلئ كلنا بنعرف انو غياب بعض الاشخاص عن المنتدى اثر كتير على حالتو ( لورد , نضال , ابو سمرة , ياسمين الشام , ليانو , ملك الغرام , جميلة , وغيرهم كتير)
يمكن هني عندن ظروف ونحنا منئدر ظروفهم بس البائي وين الاعضاء عم تئل ردودهم ومتابعة الادارة غايبة
احبتي كلنا بنحب منتدانا الي هو بيتنا التاني وعالمنا الخاص الي كلنا تعلئنا فيه وما بدنا نخسروا ولهاد السبب بيعز علي انو شوف هالشي الي عم يصير وبضلني ساكتة
حابة اطلب من الجميع المساهمة باعادة الحياة للمنتدى وتنشيطه
وكمان بتمنى منكم الدعاء للغايبين انو يكون سبب غيابهم خير
وانو يرجعولنا بخير وسلامة لانو اشتئنالهم كتير وشتئنا لوجودهم بيننا
وياريت كل شخص بيدخل لهون يكتبلنا وجهة نظروا ولو عندو حل لمعالجة هالركود يقترحو علينا لنتناقش فيه
ويكون بعين الاعتبار طلباتكم واقتراحاتكم رح يكون الها دور كبير لنفهم بعض اكتر ونلائي حلول اكتر
وبعتذر منكم لاني حطيت الكلام بدون ترتيب بس انا حكيت الي بئلبي من حبي للمنتدى واعضائه

ويتمنى ما تهملوا هالموضوع وما تبخلوا بردودك واقتراحاتكم

لكم مني اطيب التحايا وفائق الاحترام