|
هات لى شيشة يا حمادة
احبابى
اليكم كلماتى من يوميات عاطل على مقهى \ \ \ \\\\\\\هات لى شيشة يا حمادة قهوتى سكر زيادة هات لى شيشة يا حمادة وافتح الصفحة الاخيرة00 فى عامود اليانصيب يمكن القى لى اميرة عايزة فارس او حبيب قلت اقلب صفحة الفن اللى جوة يمكن القى لى وظيفة قلت فين المخرجين اعرف احكى واعرف ارسم وامثل دور كويس وجميل هات لى هاملت او عطيل اعرف اسكت لما الاقى الكل ساكت واصفق للجبان والالعبان اصله فارس وابن فارس 00 بس اه منه الزمان قهوتى سكر زيادة هات لى شيشة يا حمادة قلت اقلب فى الرياضة اصل انا لاعب قديم كنت العب على الحبال كل حبل اشده يمى يجينى خير اعرف اضحك ع الزبون و اعرف اخون لما الاقى الكل خاين واهى عادة قهوتى سكر زيادة هات لى شيشة يا حمادة والحجر خليه كبير 00 زى همى واقعد انفخ يطلع الدخان يغطى شعر راسى والكراسى وانا قاعد شفت صورة ليلى علوى تحتها مكتوب زواجها من فلان وادى صورة اسمهان فكرتنى باللى كان وليالى الانس اللى فيينا انس ايه وجن ايه انا حتى ما سافرت وكيف اسافر وامى سايبها تداوى جرحها وتخفى دمعة خدها وتقول ابنى راجع 00 بالسعادة السعادةهههههه 00 السعادة هات لى شيشة يا حمادة هات لى شيشة يا حمادة بقلمى احمد احاسيس مرهفة |
اضع صمتي بين حروفك وعذب كلماتك الحانكـ
تحيتي لقلمكـ |
مشاركاتك خيي احاسيس كتير بتجنن
يعطيك العافية على الكلمات الرائعه تقبل مروري واحترامي |
صـح السانك على الكلام
طرح رائع |
| الساعة الآن 04:31 AM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
