|
مشتاء شوفك
مشتاق شوفك آه لو فيي أوئف عباب البيت يومية وكل مارأيتك طالعة من الدار أخطف من حسنك نظرة لعينيي وئلك يامولاتي الهوى غدار والحب أسطورة مثالية الحب مش ليرة ولا دولار ولا قصور وجزادين محشية الحب مابينقاس بالأعمار وما اختص بصفوف العزوبية الحب صورة بتسرؤ الأبصار الحب شمعة نور مضوية وردة بتغوي الشب والختيار وبتضل في عمر الشبوبية وانتي ملاك الحسن والإيثار إنتي بعين الزوق حورية من طلتك بتدوخي الأقمار وبتسحري شمس النعومية اول ماشفتك رف قلبي وطار واشعرت هالدنيا خيالية لا احم لا دستور لا إنذار رشقتي عقلبي سهم جنية ومن دون اشعر ولا اختار سرقتي فؤادي ياحرامية وحبيتك وبركان حبي ثار وهاجت مشاعر قلب مكوية واللي بيحمل ع كفوفو نار غير اللي وضع ايديه بالمية بحبك وحبك للحلى تذكار كترة مابسماتك رومنسية صرت من اول دقيقة غار حتى غرت من نظر عيني بحبك وحبك ريشة الأوتار بحبك وحبك صار غنية بحبك وحبك خمرة الخمار ان كنتي بجنبي مش ضرورية لكن غيابك عم يقول سكار وكاس التجافي مرمر عليي ياريتني بدكانة العطار ريحان اتقدملك هدية واغفى عغرة لفها استشوار وعلى كم خصلة شعر مرخية ياريتنا منرجع ولاد صغار ومايحاسبونا عالطفولية وكل يوم نعمل للسهل مشوار ونلعب بين فلة وجورية إغزلك وراق الحبق والغار والزهر مرجوحة طبيعية وهزلك وغنيلك الأشعار وتغفي وتوعي بين ايديي وياريتني عقدة على الزنار كل مارئصتي تلولحي فية او زنمبقة بيضا من الأزهار ع بلوزتك انشكل يومية أو عقد لولو داير ومندار عنقك تلفيني بشفافية أو خاتم بصابيعك واسوار او شال وبلوزة حريرية تاشوف اوصافك ليل ونهار وماتفارقيني ونفضل سوية ياريتني بلبل من الأطيار مسجون في قفاصي الحديدة تاضل ترغلك باستمرار ورندح وغني بكل حنية وانتي عليي تشلحي الانظار وتطيعميني وتشفقي عليي وماتحرريني خبري الأحرار انو السجن بالحب حرية وشو بيعمل المركب ازا البحار رساه فوق شطوط صخرية المفروض فينا نعاكس التيار ونرسي على مينا موردية ولو يسالك بيِّك عن الأخبار قولي إلو حبيت يا بيي ولو تسألك أمك عن الأسرار ئوليلها ياميمتي خطية ولو وقف خيك يسالك شوصار ئولي انت بتحب ياخيي ولا تفزعي من الحب منو عار الحب نعمتنا الأساسية واللي بيتبجح على الأقدار وبيعاند الحكمة السماوية نشالله في الآخرة بيزور النار وياعاشقين تعلمو فيي |
ومن دون اشعر ولا اختار
سرقتي فؤادي ياحرامية هههههههههههه حلوه وهزلك وغنيلك الأشعار وتغفي وتوعي بين ايديي ياااعيني ولو وقف خيك يسالك شوصار ئولي انت بتحب ياخيي هههههههههه روعة وياعاشقين تعلمو فيي هههههههههههههههه كلمات بتجنن هههههههه يعطيك العاافية رامز |
لك شوف شو ضحكانة
ههههههههههههههه اهلين وسهلين شامو كل يوم تعي نورتي تحياتي |
بصراحة شي كتيييييييييير حلو يعطيك العافية تحياتي
|
هلا خيتو مايا
نورتي مشكورة على مرورك تحياتي |
مشكووووووووووووووووووووووووووووووووووووور
يعطيك الف عافية تحياتى |
الابيات رغم جمالها والحس الي فيها
امتعنا بقرائتها نت اولها لاخرها بس ليا فيها عتب بسيط لو كان معنى هالبيت هكدا وكل مارأيتك طالعة من الدار إحني إلك حنية عبودية اتمنى تعدله لان الانحناء والعبوديه لم تكن الا لله واحنا كمسلمين لازم نتنزه عن هالامور وهالالفاظ الي تخرجنا من عبوديه الله لعبوديه من نحب من خلق الله |
حينما يقرأ الاخرون النبض .. يُخيل لهم انه رسما .. ولكن حينما يقرأ القلب الحرف .. فـ هو لا يراه الا سحرا.. وقفت هنا .. نثرت كلماتي ... واخذت بعضا من لحن ذكرياتي .. اختلطت اوراق الفصول الاربعة هنا .. ولكن لم يبقى سوى برواز خطه لي قلمكِ هنا .. فقط ... ايقنت الان ... حينما تتبدل ملامح الحروف .. فلا يبقى للابداع سوى صوت واحد .. فيه يكون كل شيء مغاير .. اني اجده في مملكة شموخ عزي تحياتي لروحك |
اقتباس:
الله يعافيك مشكور |
اقتباس:
هلئ خيتو انا مائصدت الي انتي حكيتيه وعلى كل حال تم مشكورة نورتي |
اقتباس:
نورتي صفحتي المتواضعة زيدتيها من عطرك عطر واوان مشكورة على مرورك تحياتي الك اختي |
| الساعة الآن 10:12 AM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
