منتديات تيرا الحب - هيك صار مع الاحرار بجمعة الحرائر

بسم الله الرحمن الرحيم

جمعة الحرار مدينة التل كأي مدينة حرة ثارت من اجل الحرية
طلعو الشباب وبلشو مظاهرات وخلفهن الحرائر تشد على اياديهم
ايجاهم الخبر ان برزة محاصرة وقتل الناس شغال
مشو الرجال وهبو لنجدة برزة بين التل وبرزة حوالي 5 لل 6 كيلو
نزلو الشباب والنسوان ومشو باتجاه برزة بيفصل بين التل وبرزة
منطقة اسمها معربا وقت وصلت الشباب على معربا كانو حوالي 2000 شخص
بيتفاجئو باهل معربا عاملين حاجز بشري
بيطلبو منهم فتح الطريق بيرفضو يفتحو الطريق بيبلشو بهتافات باهل النخوة ياهل
الحمية يامعربا وين رجالك وادن من طين وادن من عجين
بعد مهاوشات وضرب بيتمكنو الاحرار من عبور اهل معربا
وبمنطقة اسمها الكواع وهي منطقة بتفصل بين معربا
وبرزة وهي عبارة عن جبلين مفتوح فيهم الطريق
بيتفاجئو الرجال بظهور افراد من بينهم لابسين شرايط صفر
هون عرفو الفخ وارتفعت الايادي وبان المستور
وبلش الامن يطلع من كل مكان من الجبل وكانه الجبل مزروع امن
بيطرو انهن يتراجعو خوفا على النسوان الي معهن
وبيصلو لمعربا وبيتفاجؤ باهل النخوة مسكرين بيتهون وطريقهم
تخيلو مدينة كاملة رفضت تخبي اي حرمة عندها
صار ينادونا بالخونة ويضربونا بالحجارة بعون الله وبهمة اهل الحمية بيتمكنو انن يهربو النسوان
وبيضل الشباب لحالهن واطلاق الرصاص شغال بس الي بوجع اكتر من الرصاص
حجارة اهل معربا
طلبنا يفتحو بيتهون رفضو طلبنا يخبرونا على المخارج رفضو بس كلمة للحق
تقال فل تحيا نسائك معربا بفضل حرائر معربا وليس رجالها استطعنا الرجوع للتل باقل الخسائر
فتفرجو ماحصل واحكمو