|
تعو نتناقش
انقلااااب انقلاااب وتعيير هههه هلاء بما انو لقيتوني صريحة وقااال يعني عجبكن هاد الشي ف عندي شوية اقتراحات وعنجد حابي اقترحا هون على العلن وتنشوف راي الجميع اذا كانت صح او خطأ اول الشي المنتدى برايي الشخصي كلن مستواه الثقافي لقبل فترة احلى من هيك بكتير ولكن صار حاليا بيقتصر على شوية احاسيس وشغلات فردية عم تنكتب يعني تعبير عن الي بعقل العضو بس مافي شي مشترك ومافي مواضيع كبيرة او اشياء نناقشها في موضوع كل الصراحة هلاء مفتوح ومع هيك في تقصير مننا كلنا منو وانا اول وحدة طيب هون السؤال ليش ؟؟؟ تالت شي في قصة المدونات طلب لورد من الاعضاء فتح مدونات ولكن كمان هو اول واحد مافتح مدونة وطبعا كل واحد بيقول الوقت وهون عندي ملاحظة على قصة المدونات في مدونتين حاليا شغالات صح يا اعضاء ولا ماصح والتفاعل كتير ضعيف فين ومختصر على مرور الكرام اذا حدى فات علين طيب هون سؤالي وبحكي عن حالي انا ماني مبسوطة من هاد الشي وبما انو عم احكي هيك صراحة ودج فانا بيني وبين حالي بقول هيك بكرى رح اعمل كل شي كذا مشاركة لفوت رفع عتب على المدونة الي رح تنفتح منجي للحل برايي اي موضوع بينزل واي مشاركة مهما كانت صغيرة الكل يتفاعل معها انا كنت اتفاعل وبعدين واللهي بطلت على مبدا ماحد احسن من حدى ادارة برايي المدير بشكل خاص لازم اول واحد مطالب انو يفوت على اي موضوع مهما كان وعنجد وقت بيفوت بتلاقوا الكل فات وعن تجربة فيكن ترجعوا وتشوفوا المشاركات وبتتأكدوا في مواضيع كتير هامة بالوقت الحالي ولازم نشطها وهي موضوع لانين الرسم موضوع كوايت معلومة كرتونية موضوع سحابة مساحة متاحة للجميع وموضوع سحابة وفاء منا وكووول مواضيعي انا هههه في شغلة تاني في مواضيع بابداعات الاعضاء ماحد رادد عليها او اذا في ردود في اشخاص محددين ردو عليها واللهي انا وحدة من الناس بطلت اكتب هو عندي ملاحظة شو رايكن نرجع نبحبش علين واذا بدكن انا بطالعن وبقلكن هدول في منن بيستاهلوا ومشان هاد الشي منختار من مواضيع ابداعات الاعضاء بالسنة هي 2017 اي احلا موضوع ونعمل جائزة او شي شغلة لصاحبه وهيك منرجع منتشجع رابع شي هاد نحنا من يوم فتنا عالمنتدى لليوم مافي تغير ولا جائزة ولا هدية طيب شو هالبخل يا ادارة ؟؟؟؟ والله ماحد بيزعل اذا تكرم شي عضو بالعكس بنفرح ونصير نتنافس لنعمل شي احسن واخد متلو ويمكن اكتر هلاء بينط المدير وبيقول يلا ليجي فلان او علان او ليكتروا الاعضاء طيب يامدير فهمني كلنا كام واحد شغالين شجعنا النا لنتفاعل ونستمر بنشاط اكتر معكن او لنتشجع ونجيب اعضاء بح مافي ماحد بيسمع شي سالتوني بكرسي الاعتراف انو شو بقترح اسماء هوون الجد اول الشي الاسماء الكبيرة كلها لاعضاء غابو عن المنتدى وكان الهم قوتهم ونشاطهم وكووول شي حلو صح ؟؟؟ تمام هيك ؟؟؟ وكلنا بنشهد بهاد الشي ؟؟؟ وكان موضوع وفاء منا لكم اكبر دليل على هاااد الشي لكن الملاحظة انن جميع غابوا وغابوا سنين وتركوا وراحوا طيب هل ياترى لازم تبقى المناصب مرتبطة فين للابد هلاء مابعرف اذا فهمتو عليي بس مثلا بيكونو تنين متجوزين بيقولو للمرة مرة فلان صح ووقت بيطلقو بتصير كانت مرة فلان فينا نحتفظ بالقابن كلياتن ويكون سابقا ... وفينا نختار هي الالقاب لاشخاص بيستاهلوا عنجد بالوقت الحالي لان الكل تعب مننا من 2013 لهلاء صح ومن حقنا هاد الشي ولا هي دكتاتورية وبس من الادارة ؟؟؟ شو رايكن ؟؟؟ واللهي انا ماعم احكي غلط صفنوا فيا وشوفوا نحنا منحترم الجميع ومنقدر تعب الجميع ولكن كمان نحنا منحب نتقدر فينا نعمل شي مثلا متل هرم او اي شي نثبت عليه اسماء الاداريين المهمين الي كانو ويبقى بمكان واضح مع القابهم والوانهم وهيك منكون وفينا معهم ومتى مارجعوا الهم الاولية حسب نشاطهم هي اهم نقطة عندي يا ادارة وبعدا منفكر شلون وشلون وشلون التشجيع ثم التشجيع وبعده التشجيع مع احترام جهد كوووول شخص قدم شي حلو للمنتدى بيوم من الايام ودمتم دمتم سالمين ههه طيب خبريني شو نعمل لحتى نطور الادارة او قلك تعي تعي استلمي مفاتيح مكتب المدير وبلشي فصلي وعيني اعضاء عكيفك والله عنجد .................. عالعموم شموس الحلوة برجع وبكرر انو اجوبتك رااائعة وفيها كمية صراحة هائله حتى وقت حكيتي هالشي عن الادارة مازعلنا (جيبوها عبيت خالتها نتفاهم قليلن ) هي وجهة نظرك ونحترمها طبعا واكيد هالشي بخلينا نسأل شلون نكون بشكل افضل يلائم الجميع واذا بتخبريني وعالخاص وجهة نظرك مابدك عالعام فياريت وبيسعدنا هالشي وعندك خيارين يا تقبلي بهالادارة يا اتحدوووو واعملو انقلاب وهاد كلام المدير الي خلاني اكتب الي بقلبي |
رد: تعو نتناقش
ما شا الله عنك شمس ....
دايماً بتصدميني بابداعك بصراحه .... موضوع قوي جداً .... وبالوقت المناسب .... بصراحه انا معك وبستنا رد الاداراه لاشوف شو بدها تحكي في تغيرات لازم تصير ..... ويمكن اشيل هاللون من لورد واخلي لون عادي زيو زي اي عضو ازا حبيتي ههههههه ..... لا جد انا عم استنا رد الاداره لاحكي ..... متابع ومع وبشده ..... |
رد: تعو نتناقش
هههههه جينا نتناقش معك شموس حبيت طريقة طرحك وعفويتك شموس الي طرحتو شمس حلو كتير وفي كتير من الصح انا مع شمس هي صرنا تنين معك انا وحمودي ويلا ناطرين تنشوف راي الادارة بس سؤال الك شمس انتي جريئة ولا هبلة :) اول مرة بشوف موضوع للنقاش انطرح بهيك اسلوب حبيت :142: |
رد: تعو نتناقش
هههه يسعدك الهي ع هيك نقوشات حبوشة
وانا معك شموستنا يسلم بوئك ههه لنشوف رد الادارة ناطرينكن يا ادارة :) |
رد: تعو نتناقش
أي شو هالشمس الضاوية هي
برافو شمس حطيتي ايدك على تسعين بالمية من الصعوبات اللي منواجها حاليا مارح ناقش معك شو نعمل بس بالمجمل معك بكل كلمة قلتيا وفي تقصير من الادارة وبوافقك على هالحكي كل كلامك حلو ورائع وبمكانو وهاد دليل حرص منك نكون افضل والمستوى الثقافي يرجع احسن برافو شموس والنا نقاش طويل ان شاء الله ........................ بس فايت رد على هدول الجوز حمودة وسحابة خانوم شو يااا معن معن علين علين مانكن ادارة انتو مثلا ؟؟؟ الحكي اداري هلاء تذكرو تماما اني ما اخدت ولا موقف او قرار متفرد أي شي كنا نعملو بالمنتدى كان مطروح بهمسة الادارة وموضوع همسة الادارة بتفوتو الادارة يعني أي حدى بفوت على هالموضوع يتفضل يصف جنبي اداريا مابتذكر صار شي بتيرا من زمااااان الا وانطرح هنيك فلا تتملصو الله يرضى عليكن وتقولو بس انت ادارة مابتنحصر بشخص الشغلة واذا بتتذكرو صار نقاش متل هاد الي قالتو شمس بقسم الادارة وانو شو نعمل لنحرك ونطور عالعموم يئلل اكلكن ......................... عمو شموس دخيل عينك عالحكيات الظراف رح نتوسع بالنقاش وموافق عكلامك بالمجمل والله حيو والذي منو |
رد: تعو نتناقش
اوبس .....
انا ادارة !!! هي معلومة جديدة لا تسدئو يا قوم هاد بدو يعمل فتنه اصلاً الي تاريخي بالنضال ضد الادارة |
رد: تعو نتناقش
حلو حلو كلنا مع شمس .... بس بشو مع شمس .... ؟؟؟ رجعت وتغيبت افكار شمس الي هي لب الموضوع انا ادارة ومن حقي اطرح هيك سؤال ههه اتحمل يامدير و :142: |
رد: تعو نتناقش
اختي كلامك صحيح وانحكا فيه اكتر من مرة هون بالمنتدى وبرات المنتدى
حاولنا كتير واجتهدنا وماوصلنا لنتيجة المشكلة باختصار مو هي كيف نحيي المنتدى لانه مابظن رح يلتقى مواضيع اضخم من الي مطروح هي انتي ادخلي كل الاقسام وشوفي رح تلاقي موااضيع مذهلة المشكلة الاكبر والي بالمركز الاول انه قبل ماالفيس ينشهر بهالدرجة كان المنتديات هي الواجهة الاولى لكل الناس لحتى تفوت ودردش وحتى كانت الدردشات وقتها هلئ نحنا بزمن الفيس بوك السهولة بالمشاركة والفكرة الصغيرة انا عندي حلى لهل المشكلة مابعرف اذا بصير بصير او لا انه نتعاون كلنا لحتى ننشئ لتيرا برنامج على الموبايل متل الفيس بوك يتحمل من المتاجر الرسمية ويكون بذات الفعالية هيك رح يكون التجاوب اسهل بين الكل برنامج بيخلي الشخص متواصل مع المنتدى بكلشي بالمشاركات بالمواضيع بكلشي انا برأي اذا هي الفكرة بتنجح رح يكون المنتدى من المحطات الضخمة على التواصل الاجتماعي رح يكون منازة ثقافية اجتماعية فكاهية ادبية رائعة وبس |
رد: تعو نتناقش
امير الاحساس فكرتك صعبه جداً ....
وصعب جداً تطبق ما بحكيلك مستحيل بس صعب كتييير .... مش سهل تعمل هالتطبيق .... بس في اشي اسهل بنئدر نعمل صفحه بالفيس بوك باسم المنتدى ... ويصير الواحد ينزل هناك مثلاً انو في مسابقه وبحط الرابط ولما بكون في جوائز زي كرت جوال وهيك بصير في حركه شوي شوي ...... بس انو تطبيق صعب جداً ...... مش سهل تعمل تطبيق بحجم منتدى |
رد: تعو نتناقش
سحابة صيف
مع شمس بالي قالتو والكل معترف بالتقصير ورح اتحمل أي تقصير بتيرا ومارح وجه حكي لاي عضو انو مقصر اذا هالشي بخلينا ننطلق بشكل افضل ورح اعتبر كل الاعضاء موجودين ماغابو ولايوم من يوم دخلو حمودة حط أفكارو وشمس تدخل تحط شو لازم اول الخطوات وانتي وكل الموجودين اقترحو وكلنا منختار الافضل وننطلق وانااا رح نفذ الي بتختارو وبتقرروه |
رد: تعو نتناقش
اخي ايمن توصل بالسلامة علبنان الله يسرلك طريقك
وتنزل عسوريا باقرب وقت بالنسبة لاقتراحك شبه مستحيل وهالموضوع بجوز يكون متل ماقلت ضربة وشي ماصار تقنيا رح يكون في صعوبة بالبداية بس لكن المشكلة الاكبر مادية جربت اعمل تطبيق لشغلي فكانت التكلفة كافية اني الغي ام الفكرة :) اقل تطبيق فيو صفحات (مشي حالك) 10000 دولار كيفك فيا :) |
رد: تعو نتناقش
ليش لاء
كل شيء وارد يسعدلي ايامكم جميعا" |
| الساعة الآن 11:17 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
