|
قصة حب شموخ عزي
مرحبا
اخواني طول حياتي كنت اسمع قصص الناس حبيت اليوم احكي قصتي حبيت اشرح قصة حب عاشت معي لليوم اسمي رامز شب متل الشباب عشت حياتي بمرحلتها الاول دراسة مادرست كنت اشتغل عمري 24 سنة مرت الايام وشفت ملاك شفت شي مابينوصف شفت بنت خارجة عن كل الكلام وهي بصراحة بتكون بنت خالي حبيتها وتلعقت فيها وبسبب العادات والتقاليد طبعا ماحسنت صارحها مرت الايام وانا حبها اكتر واكتر صار عمري 18 سنة ومتل اي شب طلبت من اهلي اخطب ومتل اي عيلة الاهل فرحو ابنهم الكبير رح يخطب ماكنت اعرف انه حبي رح يكون نهايتي خطبت وانا مو مصدء حالي البنت الي حبيتهاصارت معي صارت الي عشت حب خيالي ولا بلقصص او الاحلام عشت حياة كلها فرح وحب مرت الايام وحبنا يكبر ويكبر لوصل لمرحلة الجنون مرت سنة وصار وقت روحتي على العسكرية ضبيت اغراضي وجهزت حالي ومتل اي عاشق رحت ودع حبيبتي 2-7-2007 رن الجوال حبيبتي تتصل بك رديت مرحبا حبيبي اهلين عمري بدي شوفك ضروري لبست وهربت من العسكرية ونزلت وانا اتخيل لحظات اللقاء جهز الكلمات الساعة 7 مساء موعد اللقاء حبيبتي جاية كالعادة بمشيتها متل الاميرة بضحكتها بصوتها الخيالي سلمنا على بعض لحظات صمت بردنا نار الشوق لحظات سئلتني انتا لساه بتحبني ولا البعد غيرك ضحكت وعن طريق المزح قلتلها لا البعد غيرني جمدت البنت بكت لتفتت وركدت ناديتها ماردت قطعت الشار مستعجلة وبتجي سيارة مسرعة وبتدعسها لحظات صمت منظر بشع لحظات سودا انفجرت بالبكي وركدت حبيبتي بالارض لاحركة لاصوت ولا اي شي حملتها ناديتها حبيبتي حبيبتي وهي ولاحركة حبيبتي بمزح ردي وللاسف ماردت حملتها متل المجنون صرت اركد مرة يمين مرة شمال وانا ابكي وانا اصرخ ياربي ليش هيك ياربي ليش هيك حبيبتي ردي ماترد حبيبتي ماتت اربع سنين ماقدرت اسناها اربع سنين وهي معي صورتها صوتها ضحكتها كلشي عايش معي ماتت ومت معها ماتت ومات قلبي معها اربع سنين وانا ناديها وهي ماتر كنت روح على قبرها ناديها ماترد قلها يلا اصحي نمتي كتير ماترد كل يوم روح قلها تعي انا بدي روح وهي ساكتة بس حبيت قلها شي بدي قلها حبيبتي انتي معي لساكي معي عايشة معي حبيت قلها كل سنة بحتفل بعيد حبنا معك حبيت قلها قلبي مات ومارح خونك ابدا حبيت قلها ناطرك لاني عندي امل ترجعي عندي امل تجي لانك وعدتيني تاخديني معك وين بتروحي كون معك بدي اقلها اصحي حاج نوم عنا شي كتير بدي قلها مشتاء مشتاء كتير بدي قلها رجعي انا ناطرك لساني حبيت احكي قصتي لاني شفت قصص الحب اغلبها خيانة بس انا قصتي خيانة من نوع تاني انا قتلت حبيبتي يمكن بس هي ماخدتني معها حبيت احكي يمكن ارتاح اسف على الاطالة وبعتزر منكن هي قصة حبي قصة عشق شموخ عزي |
بتعرف اني بكيت على قصتك بدي قلك انت ليش عايش لك روح انتحر يا زلمة روح انتحررررررررررررررررررررر
وهاد الشي من ايدك لو محلك بقتل حالي وبلا اي تردد |
السلام عليكم... قال الرسول صلى الله عليه وسلم "عجبا لأمر المؤمن، إن أمره كله له خير، وليس ذلك لأحد إلا المؤمن إن أصابته سراء شكر فكان خيرا له، وإن أصابته ضراء صبر فكان خيرا له"... أعلم كم تتمنى لو عادت وبذلتَ نفس لتحقق ما تريد... ما الدينا بباقية لحي... وما حي على الدنيا بباق... ولتدرك أن سعادتها الآن بأن ترى السعاده في بسمتك... ويحزنها لمعان الدموع في عينيك... ولتدرك أن سعادتها إن تذكرتها سريعاً تدعي لها... ويحزنها إن تذكرتها ضقتَ وبكيتها... وبالطبع كم تتمنى لو قالت لكَ: لااااا تبكني... وحقق أملي... وأكملْ مشواراً كنا قد بدأنا وإن كان قدرنا في الدنيا فراق... فبعملك ودعائك بإذن الله سيكون لنا لقاء أبدي في ظلال الرحمن… لذلك أريد ان أقول لك اصبر لتنال من المولى الرضوان والله يرحم فقيدتك ويصبرك... والله نزلت دمعتي عن قراءة قصتك ولكن هذه هي الدنيا وليس هناك حل سوى متابعة حياتك وتأكد أنها بتلك الحال فقط تكون راضيه عنك ومنك شموخ عزي،، رحمها الله واسكنها الجنان العلى؛ احيانا لا تكون لنا سيطرة على ما يجري حولنا واحد هذه الامور هو الموت؛ وهو مصير كل المخلوقات: هل رأيت ان الحياة توقفت عند موت أحد؟.. نستطيع ان نحزن ان نبكي لفراق احبتنا لكن لا يجب ان نقتل ذواتنا بالحزن لشيء ليس لنا سيطرة عليه... فيك تحاول تعيش وتفرح عشانها لانها اكيد ازا شافتك بهاد الوضع رح تتضايق حاول تكون اقوى من هيك صح شوي صعبه بس عشانها لازم تهون وما تنسى انو كلنا عهاد الطريق..بتيجي الايام وهي كفيله تنسيك اياها الله وهبنا نعمة النسيان بكرة بتتعرف على بنت حلال تنسيك اياها وتلونلك حياتك من جديد الله يرحمها ويدخلها الجنة شو بدك تساوي من التراب خلقنا والى التراب نعود الله يصبرك امين __________________ |
اخي علي عملتها واكتر من مرة حاولت انتحر
بس للاسف افشل مشكور واختي جميلة كلامك بريح القلب مشكورين |
اختي جميلة
قرئت كلامك بدقة ولقيت معك حق بس الواحد لازم يقدم عربون وفاء لشخص الي حبه مشكورة كتير نورتي |
اول شي الله يرحمها ويجعل مثواها الجنة
يعني عن جد تلبكت ما بعرف من وين ابدا وشو بدي احكي عن جد الله يعينك الموقف صعب كتير وخصوصا انك حاسس بالذنب ومفكر انو بسببك صار هالشي وماتت بس اكيد انت انسان مؤمن وبتعرف انو كل انسان الله كاتبلو عمرو على جبينووما حدا بموت الا بيومو وحتى لو ما صار هالموقف بينك وبينها كانت توفت بنفس اليوم ونفس الساعة لازم تستغفر ربك وتدعيلها الله يرحمها ويجعل مثواها الجنة والوفاء شي حلو بس كمان مابيصير تظلم حالك طول الحياة يعني انت ما بيصير تعيش على الذكرى وانا ما بئلك انو الذكرى ما حلوة بس فيك تعيش حياتك متل الناس ويبقى اخلاصك الها موجود وبالنهاية الله سبحانه وتعالى بيشوف كل شي وبيعرف انك كنت بتحبها وماكان ئصدك تجرحها وان شاء الله الله يجمعك فيها بالاخرة يعني ئد ما حكيت الكلام مابكفي هلئ بس عرفت سبب حزنك وكتاباتك المليانة اهات وهم تقبل مروري اخي ولك مني فائق الاحترام |
مشكورة سوزي على ردك
كلامك واقعي وبرد الروح بس البداية من جديد هي الي انا مضيعه وماني عم احسن لقيها مشكورة كتر |
الله يرحمها برحمته ويجعل مثواها الجنه
ما عندي كلام غير اني اقول الله يصبرك |
مشكورة عبير
كلامك مزبوط ربي يصبر الكل |
سبحان الحي الذي لا يموت
الله يرحمها ويجعلها من اصحاب الجنه الله يصبرك . |
مشكور اخي ويجعلنا كلنا من
اصحاب الجنة يسلمو |
واللهـ كلآمك ببكي ,,بس هآي حآل الدنيآ
اللهـ يرحمهآ ويجعل مثوآها الجنة |
| الساعة الآن 02:46 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
