|
مجرد تساؤلات
طعنوني في ضهري قلت وينك ياتاج الراس درت وجهي لقيتك انتي الي طعنتني اممم كلام قاسي كتير سؤالي ليش دايما الطعنات بتجي من اقرب الناس النا ؟؟؟ وثقت جدا بك صديقتي حكيت قصصي واسراري وكنت متوقعة تفرحي لفرحي فجأة بلاقي اول من فكر يجرحني ويطعني بضهري انتي قاسي هاد الشي صح شو السبب برايكن خيانة الصديقة او الصديق ؟؟؟ زوجتي بتعب وبغيب عن البيت كتير كله كرمال امن طلباتك وما اتركك تحتاجي حدى استغليتي غيابي وخنتيني ... موجع هاد الحكي بس شو السبب برايكن لخيانة الزوجة ؟؟؟ ضحيت كرمالكن وعشت الكن ياولادي ... كبرتو وخنتوا الثقة والامل الي حطيته فيكن ورحتوا وانسيتوني هاد شعور بحس هو والموت سيان مابيفرئوا عن بعض شو السبب برايكن اخي سافرت وتركت عيلتي امانة برئبتك وخنت الامانة خيانة الاخ لاخوه في لسى ابشع من هيك والسب شو ياترى ...................... اسئلة مختلطة لربما تبدو صغيرة لكن هي موجعة ومؤلمة |
رد: مجرد تساؤلات
هي مو صغيره
بس حبيبتي المشكل مو بالي طعنا او جرحنا المشكل فينا نحنا نعتمد عليهم ونثق ثقه عميا مافي شي اسمه ثقه عميا والي بيمشي بهذا النظام طبيعي يوقع دايما من وجه نظري الانسان لازم يكون وسط حتى بثقته بالناس ما يخون الشخص ولا يعطي كل الضمانات حتى بحبك وكرهك لازم تكوني وسط وتحكمي عقلك الان مو مركزه وفيا ارجع وارد بالي افكر فيه بس قبل اضيف ردي احب اقول انه الثقه لاي كان من خلق ربي خطا الثقه دايما خليها لله والانسان حتى لو صابته طعنه بيوم فيثق انه ربي حيخلي بهاد الطعنه الخير لانه ربي ما بيكتب الا كل خير للانسان بس الانسان من طبعه يتعلق بالمخلوقين انا كانسان ربيت اولادي ربيهم لوجه الله ما انتظر شي واذا انت بريت بامك وابوك فثق ثقه عميا هنا انه عيالك حيبروا فيك بنفس الطريقه انا اعطيت سري لفلان اتوقع انه ينتشر لانه خرج منك وما حافظت عليه كيف ما بيخرج من غيرك الدنيا اختبارات وابتلاءات فيها الصالح والطالح ما بقول اتشائمي اتفائلي بس لا تتاملي كلامي مو مرتب بس كتبت الي فهمته هلا ولي عوده للنقاش |
رد: مجرد تساؤلات
مشكورة سحابة صيف على الموضوع الهام والبالغ الحساسيه
تعددت الأشكال والخيانة واحدة فالخيانة من الأمور الصعبة التي تجرح الأشخاص وتعطيهم اليأس من هذه الحياة ف عندما نتحدث عن الخيانة، فلا بد أن يأتي مصطلح الوفاء والإخلاص كمصطلحٍ معاكسٍ على الفور، وهما صفتان من الصفات الحميدة التي على كل إنسانٍ أن يلتزم بهما، وتعظم قيمتهما أثناء غياب الطرف الآخر، فمن المفروض أن يخلص الإنسان لشريكه أو زوجه أو زميله في غيابه قبل حضوره، وألا يسيء له فيما يعرف بالطعنة في الظهر، التي لا يراها المطعون لأنها تاتيه من الخلف ف اذا كنت تحب ولا تخون فأنت إنسان نقي فحافظ على هذا النقاء وأحفظ هذا الحب .......... وإذا كنت تحب وتخون فأختر الحب قبل أن تختارك الخيانة مشكورة عزيزتي على طرحك لهذاوالموضوع تقبلي مروري تحياتي |
رد: مجرد تساؤلات
كتبت كزا رد عموضوعك ومسحتو...
ما بعرف مقدرتش الاقي سبب او مبرر لخيانتهم... حتى كتبت نفس رد عبير،، بس برضو اناا اثق فيهم يقومو بيخونو لاحظي كيف م فكّرتي فيهاا بتلاقي الحق عليهم... نفوسهم مريضةة بعيد عنكو..... والله الاشي معقد شوي ورح اتاابع الموضوع معك لعلّ وعسى يجي رد يبرّد قلبي... سحابةة انتي دايما بتحكي الي بنفسي،، يعطيكِ العافية ياارب ... |
رد: مجرد تساؤلات
تساؤلات عميقه وحساسه وبنفس الوقت مؤلمه كتيير
مافي وصف ممكن تلاقي يوصف وجعها كثير منا اكيد مرئ بهيك شي ويمكن اكثر وحده بمرئ بهالشي بيقولوا الواحد مابيوقع بالخطأ مرتين بس احيانا الواحد مابيحط ببالو انو ممكن يتكرر ممكن هالقريب يجرح يطعن او يخون او او ع قد مابتكوني سعييده بوجودهم بحياتك ع قد مابتتوقعي انو ممكن تجي منهم بس هي الدنياا حطيا ببالك الكل راح بس يقلك هي الدنيا يوم الك ويوم عليك ودنياك راح تمشي (لا تهزء بجرح لست صاحبه) ومابدي قول ك صديقه كquiet هون بقلك حبيبتي التجاهل وترك الشي يأتي او يذهب كما هو راحه لقلبك وحياه سعيده لحياتك فكما تدين ستدان يوما ... صعبه الرد كرد ع موضوعك لانو عميق وموجع بحق لك وللجميع دعوه من القلب اراح قلوبكم بكل حب ♡♡ |
رد: مجرد تساؤلات
كلكم استصعبتوه
|
رد: مجرد تساؤلات
الجواب واحد بس وكلنا بنعرفو ... بس ما حدا فينا بمشي في ...
ربنا حكالنا انو القلوب متقلبه ولذلك بندعي يا مثبت القلوب ثبت قلوبنا على دينك .... و تقريباً دايماً الي بخلي شخص اقرب عليه من رب العباد رح يحس بخيانه اتجاه هالشخص .... الصديق والاخ والزوجه الى اخره كلهم نئدر نحليهم قريبين منا .... بس لو صارو اقرب من رب العباد منا هيك بنكون غلطنا وبنستاهل الي رح يصير ... ربنا ورسولو صلى الله عليه وسلم حكالنا من زمااان انو القلوب متقلبه بس احنا ما بنتعض .... تحياتي .... |
رد: مجرد تساؤلات
اوجه كتير مختلفة والخيانة نفسها
في شي بالنفس البشرية خوان وبتلائي الواحد مابقدر النعم الي عندو (زوجة صالحة وكافيتو ) بصير يطلع لبرة بكون عمل المستحيل كرمال يوصل لهالزوجة ومن صارت عندو وامن عليها بيرتاح بالو وبصبص عغيرها هي اغلب الحالات والقليل من يشكر الله على هالنعمة وبعيش فيها مكتفي ...... هلاء هي القصة المعتادة اما الشيئ الغريب العجيب الي كتران متل ماقلتي خيانة صديق او اخ ودخلنا بالمحرمات والمحظورات وصارت النفوس البشرية تتقبل فكرة خيانة أرحام اذا قاطع الرحم مابفوت الجنة فشلون اذا خان الوازع الديني والتربية والأخلاق هي الرادع لأي خلل وتفكير خاطئ لا تبرر الخيانة تحت أي ظرف مهما كان ومتل ماقالت عبير الثقة المطلقة بالله وحده مستحيل ما حدى يخون حدى ولو بنظرة دائما نحط قدام عيونا الحذر والحرص وما تتفتح الابواب لدفع الشخص للخيانة الحكي كتير بهالموضوع فلو جينا نحصر الكلام 1 -- شو هي أسباب الخيانة 2 - ماهي الحلول لقتل الأسباب 3 - الحل والتصرف بعد وقوع الخيانة |
رد: مجرد تساؤلات
تعددت الاسباب والموت واحد
بمعنى ان الخيانة هي الخيانة واحساس الالم والوجع هو نفسه عند كل شخص تعرض للخيانة والشعور بالصدمة .. وكأن الشخص تلقى صفعة قوية غير متوقعة هو ذاته أيا كان الخائن ( زوجة او أخ او صديق .... الخ ) وأيا كانت اسبابه فما من شيء يبرر هذا الفعل الشنيع او يشفع للفاعل والخيانة ان دلت على شيء فإنما تدل على خلل نفسي ونقص في المخزون الاخلاقي والديني بحيث لا يتورّع الشخص الخائن عن ارتكاب هذا الجرم الفادح نعم الخيانة بنظري هي جريمة وأي جريمة فهي اشبه بتلقّي طعنة غادرة في ظهرك بنصلٍ بارد ... ثم تلتفت لتجد ان اليد الممسكة بالنصل هي يد اقرب الناس اليك واحبهم الى قلبك .. فتموت الف مرة دون ان تغادر روحُكَ جَسَدَكَ . ولا عزاء لهذه الروح ولا دواء لهذا الجسد ... خطر لي مثل عربي دارج يقول : ( حرّص ولا تخوّن ) بمعنى ان على الانسان ان لايعطي الثقة المطلقة لكل قريب وحبيب لربما يقلل ذلك من الالم والفاجعة اذا تعرض ذات يوم للدغة خيانة .. اقول ربــــمـــــا .........! كل الشكر الك عزيزتي ع هكذا طرح مهم رغم المه السعادة لقلبك ~ |
رد: مجرد تساؤلات
حلو الكل تقريبا اله نفس الراي ! ـ الخيانة صعبة وخاصة لمن بتجي الطعنة من المقربين 2 ـ ضعف الوازع الديني 3 ـ عدم اعطاء الثقة المطلقة لاحد خطر لي مثل عربي دارج يقول : ( حرّص ولا تخوّن ) بمعنى ان على الانسان ان لايعطي الثقة المطلقة لكل قريب وحبيب لربما يقلل ذلك من الالم والفاجعة اذا تعرض ذات يوم للدغة خيانة .. اقول ربــــمـــــا .........! انين لفت نظري كلامك ويمكن هاد الصح لكن سؤالي الك كيف رح تكون الحياة مع شخص مقرب النا جدا قريب او حبيب او زوج لربما ونحنا ماعنا الثقة الكاملة فيه ؟؟؟ هل مساحة الشك الصغيرة التي بنتركها في قلوبنا اتجاه هذا الشخص رح تكون سبب للسعادة وضمان لالنا لو يوم ما تعرضنا للخيانة ؟؟؟ او رح تكون سبب ينغص علينا حياتنا ؟؟ |
رد: مجرد تساؤلات
بيقولوا الواحد مابيوقع بالخطأ مرتين بس احيانا الواحد مابيحط ببالو انو ممكن يتكرر ممكن هالقريب يجرح يطعن او يخون او او ع قد مابتكوني سعييده بوجودهم بحياتك ع قد مابتتوقعي انو ممكن تجي منهم كوايت الي حكيتيه كتير كبير وصعب بس ياترى شو برايك السبب لنتجنب الوقوع بالخطأ ؟؟ ع قد مابتكوني سعييده بوجودهم بحياتك ع قد مابتتوقعي انو ممكن تجي منهم شي مافهمتوا هون ممكن توضحيلي اكتر |
رد: مجرد تساؤلات
اقتباس:
اذا كان عليهم شو السبب برايك ؟؟ واذا علينا كمان شو السبب وبرايك شو سبب الخيانة من الاساس ؟؟؟ |
| الساعة الآن 03:20 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
