آخر الأخبار
 

[عزيزي الزائر يتوجب عليك التسجيل للمشاهدة الرابطللتسجيل اضغط هنا]





في ظـل تسارع الأحداث حول العالم

وتزايد القضايا الساخنة التي تؤثر على حياتنا اليومية

سنكون معاً هُـنا في سـرد اهـم و آخـر الأخـبار في شتى المجالات

يجب ان نسعى لسرد المعلومة من مصدرها وننتبه جيدا لموثوقـية الخبر

الحروب حولنا وبيننا واحْـتُـلَـتْ منازلنا ودُمرت مُدننا ومسحت قُـرانا

نحن أكـثر الشعوب نـزيفاً فـنحن أَفْقَهْ وأعلم بواقِعنا

فليكن خبرنا صحيحاً وصوتنا مسموعاً ورأيـنا غير مصادر


قُـل رأيـك بكل حُـريـة

رد: آخر الأخبار
 

فكره حلوه لنخرج عن روتين حدث ف مثل هاليوم

متابعين معك اخي ،،

مو كتير بتحمل اتفرج ع الاخبار بس راح كون متابعه هون ان شاء الله

رد: آخر الأخبار
 

اهلين اختي من وقت طرحت الموضوع كنت عم جهز لمتابعة اوضاع غزة ولبنان وسوريا

بالاخص سوريا بحكم معرفتي انو في تحضيرات للبدء بعملية عسكرية باتجاه حلب

أشد أشد المتفائلين كان يتوقع اطراف او نصف حلب او خريطة عام 2014

لكن الي صااااار بسوريا موطبيعي اطلاقا ولا حدى عم يلحق اخبار

حلب بيومين تحررت مع قرابة 100 مدينة وقرية وحاليا التجهيز الى مدينة حماه

لازم إلمام بخريطة سوريا وتوزيع الجيوش فيها ليعرف الواحد شو يعني حلب وبعدها حماه

هاد شي كبيييييييييير وضخم وغير متوقع وفوق الخيال

رح حاول اسرد بعض الاخبار اذا لحقت على الشباب ماشاء الله

احتمال كم يوم اجي خبركن بدخول حمص وربما مدينتي دمشق يااارب

حماس البدايات عاد والروح المعنوية في القمة

رجعت بالعمر 12 سنة حرفيا

اللهم نصرك وعزة لأُمتك

رد: آخر الأخبار
 

ياااارب يفرجها عليكم وعليناااا
متاابعين معك أخي احكيلنا الأخباار أول بأول

وبالنسبة لأخبار غزة
بيحكو في مفاوضات
وبنفس الوقت شغّالين لليوم بشمال غزة بيت لاهيا وبيت حانون وجباليا
مجزرة تلو المجزرة
لليوم بيجبرو الناس تنزح من بيوتها هناك
عن طريق ممر عاملينو
وعالممر بيعتقلو يلي بيعتقلوه وبتركو يلي بدهم اياه يمشي

الله المستعان

رد: آخر الأخبار
 

الله ينصر الحق بأي مكان
الله ما يرفع راية لظالم
يارب تكسر شوكتهم
وتذلهم ...
متابعين أخباركم أخي اللورد
الله يقويكم

رد: آخر الأخبار
 

لا حول ولاقوة الا بالله
الله يفرجها ويخفف عليكم حبيبتي هبة قلوبنا دعاءنا معكم

ومبروك تحرر حلب اخي والله يفرجها ع باقي المناطق

متابعين معاكم اخر الاخبار ..

رد: آخر الأخبار
 

"ردع العدوان"، عملية عسكرية أطلقتها فصائل المعارضة السورية المسلحة

في شمال غربي سوريا يوم 27 نوفمبر/تشرين الثاني 2024،

وقالت إنها تهدف إلى توجيه "ضربة استباقية لقوات النظام السوري"،

وتعدّ أول اختراق لخطوط التماس بين الطرفين في محافظة إدلب منذ الاتفاق "التركي الروسي" لوقف إطلاق النار في مارس/آذار 2020.

وجاءت العملية في وقت شهدت فيه مناطق ريف حلب الغربي اشتباكات وقصفا عنيفا متبادلا بين الجيش السوري والمليشيات الإيرانية من جهة، والمعارضة السورية في الشمال من جهة أخرى، في ظل تصعيد الجيش قصفه للمناطق المدنية.

واستطاعت فصائل المعارضة الوصول في اليوم الثالث منها إلى تخوم مدينة حلب عاصمة الشمال السوري، والسيطرة على 400 كيلومتر مربع ضمن 56 بلدة وقرية في حلب وإدلب، بحسب إحصاء وكالة الأناضول.

أهداف العملية
وأعلن أهداف العملية العسكرية الناطق باسم غرفة عمليات الفتح المبين حسن عبد الغني، قائلا إنها تتجلى في:

1 - كسر مخططات العدو عبر توجيه ضربة استباقية مدروسة لمواقع مليشياته.
2 - الدفاع عن المدنيين في وجه تهديد حشود النظام العسكرية أمنَ المناطق المحررة.
3 - إعادة المهجّرين إلى ديارهم.
4 - إبعاد نفوذ النظام والمليشيات عن مناطق سيطرة المعارضة بشمال غربي سوريا، والحد من استهدافهم المتكرر لتلك المناطق بالقصف المدفعي والصاروخي.


_ـــــــــــــــــــــــــــــ

إدارة العمليات العسكرية

"إدارة العمليات العسكرية" شكّلتها "غرفة عمليات الفتح المبين" لإدارة معركة "ردع العدوان"،

و"الفتح المبين" هي غرفة عمليات شكّلت منتصف عام 2019،
وتهدف إلى إدارة العمليات العسكرية في الشمال السوري في إدلب وأرياف حلب واللاذقية وحماة،

وتضمّ عددا من الفصائل السورية المعارضة، أبرزها:

هيئة تحرير الشام: الفصيل الأبرز والأكبر فيها، وهي تكتل عسكري من فصائل مسلحة سورية، تكوّن من اندماج 5 فصائل، وأعلن عن إنشائه في 2017 بعد انطلاق مفاوضات أستانا بين الحكومة السورية والمعارضة، بمشاركة روسية تركية إيرانية، وهي ترفض هذه المفاوضات وتعدّها جزءا من "المؤامرة على الثورة السورية".

الجبهة الوطنية للتحرير: وهي اتحاد بين مجموعة من فصائل المعارضة السورية المسلحة في محافظة إدلب أعلن عنه في أغسطس/آب 2018، بالتزامن مع تهديدات الجيش بالهجوم على هذه المنطقة.

حركة أحرار الشام: أعلن عن إنشائها عام 2011، وهي تصف نفسها بأنها "حركة إسلامية إصلاحية تجديدية شاملة، وإحدى الفصائل المنضوية والمندمجة ضمن الجبهة الإسلامية". وتقول إنها "تكوين عسكري، سياسي، اجتماعي، إسلامي شامل، يهدف إلى إسقاط نظام الأسد وبناء دولة إسلامية".

جيش العزة: يعدّ جزءا من "الجيش الحر" السوري المعارض، ويتركز في ريف حماة الشمالي كما أنه ينتشر أيضا في اللاذقية، وهو أول الفصائل التي استهدفتها روسيا مع بداية تدخلها في الحرب السورية عام 2015.


المصدر : [عزيزي الزائر يتوجب عليك التسجيل للمشاهدة الرابطللتسجيل اضغط هنا]

رد: آخر الأخبار
 

موضُوع مُتجدد وهَادف،
اللّه يبعت السّلام لفلسطين وسوريا وكل الدّول العربيّة،
وفرحتنَا بأحدَاث سُوريا والّي صَار كأنّه صار عنّا وزيادة،
اللّه يهدّي بال كل عربِي مش مُتصهين،

يعطيك العافية.

رد: آخر الأخبار
 

قيادي بارز في حركة حماس: اجتماعات القاهرة مع ممثلي قيادة حركة فتح تشهد تقدماً كبيراً نحو إنهاء العراقيل، حيث هناك توافق عام بين الجميع على ضرورة انتهاز الفرصة السانحة لحسم الخلافات وإنهاء معاناة الشعب الفلسطيني.
.

المُفاوضات مستمرة وإيجابية
رح أضل متفائلة لحد م يطلع أسامة حمدان يعطِينا ع وجهنا. :)

رد: آخر الأخبار
 

المهم كل م يحكو المفاوضات إيجابية والأجواء إيجابية
بنزّل المنسق -حسبنا الله فيه -إخلاءات جديدة للسكان
إمبارح بالليل بالبرد نزلو إخلاء للناس صارت تجري بالشوارع
بأطفالها
هاد الإخلاء بمناطق جنوب قطاع غزة مش بالشمال بالمناطق التي يدعي أنها إنسانية ...

احنا تعودنا كل م يحكو تقدم بالمفاوضات بينزلو إخلاءات جديدة ومجازر جديدة مع الأسف ...

وبقول إن شاء الله تزبط هالمرة يااااارب مش كرهانين والله

والله بكفي تكبير راس على حساب الشعب كفى كفى كفى
أقسم بالله حال الناس بكفي

...
‏⁧ #عاجل ⁩ ‼️ الى سكان قطاع غزة المتواجدين في منطقة شمال خانيونس وتحديدًا في بلوكات 2352, 2353, 2354, 2355, 2270.

‏⭕️تطلق المنظمات الإرهابية القذائف الصاروخية مرة أخرى تجاه دولة اسرائيل من منطقتكم. لقد تم تحذير المنطقة المحددة عدة مرات في السابق.

‏⭕️من أجل أمنكم, عليكم اخلاء المنطقة فوراً والانتقال الى المنطقة الإنسانية.
......
هاد منشورهم
بالنسبة للبلوكات اليهود إلي حطوها طبعا بعد هدنة الكم يوم الي صارت عنا أيام م سلموو أسرى أظن بشهر ١١/٢٠٢٣
صنفو المناطق لبلوكات ولازم كل واحد يعرف رقم البلوك تبعو وعاد هم مشتغلين فينا كل فترة بنزلو اخلاءات لبلوكات معينة ...

رد: آخر الأخبار
 

بمناسبة إيجابية المفاوضات ...
صحينا الليلة الماضية الساعة وحدة ونص بالليل
قصف مدفعي وجوي صحينا نتشاهد لمدة ساعة تقريبا محدش فاهم حاجة ...
للعلم مش بشمال غزة يلي ذكرتو سابقاً ،،، بدير البلح المنطقة الامنة ع قولهم

...
طائرات الاحتلال تواصل شن أحزمة نارية شرق دير البلح وشمال بلدة القرارة..

. غارات جوية إسرائيلية وقصف مدفعي مكثّف يستهدف بلدتي القرارة ووادي السلقا بين دير البلح وخان يونس.

âڑ*ï¸ڈ انتشار رائحة البارود في عموم أجواء وسط وشرق دير البلح ..
... استهداف عنيف في منطقة ابو العجين شرقي دير البلح وسط القطاع


الحمد لله كلو بميزان حسناتنا ما علينا إلا نصبر ونصبررر ونكثر صبر :)

لمن يكون النت سريع بدي أحكيلكم أكثر شو عملو الأنذال بقطاع غزة منذ البداية راح أحكيلكم اثنين مليون انسان كدّسوهم بمساحة صغيرة جدا
إلي هي دير البلح وخانيونس ومش كل الدير وخانيونس مناطق معينة

وراح أحكيلكم إنو شعب غزة بحاربو فيه يهود من برا ويهود من جوا
حسبنا الله ونعم الوكيل بالحرامية وقطاع الطرق

المهم مش عارفة أنا هيك فاهمة الموضوع صح أم لا هههه

رد: آخر الأخبار
 

سوريا.. فصائل المعارضة المسلحة تُعلن دخولها إلى عدد من أحياء مدينة حماة

(cnn) – أعلن المتحدث باسم ما يُعرف بـ"إدارة العمليات العسكرية"، حسن عبدالغني، الخميس، أن فصائل المعارضة المسلحة السورية بدأت بالدخول إلى بعض أحياء مدينة حماة.

وقال عبدالغني عبر صفحته على "إكس"، تويتر سابقا: "حررنا عدة أحياء في مدينة حماة، ومازال التقدم مستمرا بإذن الله".

وأردف الناطق باسم المظلة التي تضم عددا من الفصائل المعارضة على رأسها "هيئة تحرير الشام" (جبهة النصرة)، في منشور لاحق قائلا: "قواتنا دخلت سجن حماة المركزي، وحررت مئات الأسرى المظلومين منه",

بالمقابل، ذكرت وسائل إعلام تابعة للحكومة السورية أن الفصائل المسلحة دخلت إلى الأحياء الشمالية الشرقية من مدينة حماة بعد هجوم وُصف بـ"الأعنف".

وتدور اشتباكات عنيفة بين فصائل المعارضة والقوات الحكومية في ريف حماة الشمالي وريفيها الشرقي والغربي منذ أيام، وأعلنت الفصائل تحقيق عدد من المكاسب عبر السيطرة على مدن وبلدات رئيسية في المحافظة.

رد: آخر الأخبار
 

من ضمن تحرير مدينة حماه تم السيطرة على سجن حماه المركزي

وتحرير ثلاث ألاف معتقل منهم معتقل من 40 عام من أيام احداث حماه في اول الثمانينات

اليوم ولأول مرة يمكن لأهل حماه فتح مجالس عزاء شهداء مجزرة 1982

بعد 42 سنة بامكان الاهالي رواية قصص المجزرة

عشرات آلاف الشهداء يمكن ان تُقرأ لهم الفاتحة ويُحزن عليهم وبصوت عالي

تحررت مدينة حماه اليوم 5\12\2024 بفضل الله وقوته

ودماء 200 مجاهد ارتقو الى ربهم

رد: آخر الأخبار
 

الحمدلله
الله ينصر باقي المناطق ونفرح بتحرر غزه كمان ان شاء الله

يعطيكن العافيه هبه ونور ولورد

متابعين معاكم ..

رد: آخر الأخبار
 

الحمدُ لله ربّنا فرّحكم بعد كل هالسنين،
اللّه يتمم الفتح على خير
ويتحرر كل شبر في سوريا،
متابعين الأخبار أول بأول معكم
عين على غزة وعين على سوريا،
ربّنا يفرّج يا رب.
.
.

أمّا احنا بننتظر الوقت الّي يحكولنا فيه وقفت الحرب،
كل الأخبار إيجابية لحتّى الآن،
والنازحين عنا بكبروا وبطخوا وبهللوا فرحانين بموافقة حماس وإسرائيل
على المقترح المصري
وبقولك فرحة عارمة تسود القطاع
لكن تيجي للواقع لحد الآن فش اشي رسمي.

يا رب تكلل صبرنا بالرّضا،
ويجعل الأيام الجاية أحسن علينا كلنا.

رد: آخر الأخبار
 

يارب يارب يتم الاتفاق هالمرة خلاااااص حاجة كبر راس

تعرفوا الفرحة الي عم نشعر فيها لاتوصف لانها تحت سقف الله اكبر

جميع الاحاديث عن دول واوامر كلها كلام فاضي

على اسوار حماه استشهد 200 مجاهد

ومتلن على جبل زين العابدين 200 بضربة وحدة من البوارج الروسية

الشباب المقتحمين مجاهدين والغطاء للخارج (ثوار)

الخط الاول كلهم حفظة قرآن وطلاب علم ويقتحمون بقوة الله

لايوجد علماني واحد . مجاهدين سنة بحت

وتفاجأت بان الانغماسيين الأوائل فتحو الخط الاول في معركة حلب فلسطيينين من مخيم اليرموك


اعطيكن الزبدة لتوضح الصورة أكثر

اعداد المعركة من ثلاث سنوات بقيادة جبهة النصرة والجيش الحر وبالاتفاق مع تركيا
توفير الغطاء السياسي لاسترجاع حلب ووافقت تركيا لاعادة اللاجئين الى حلب

وقت المعركة كان مؤجلا لكن قصف النظام على طلاب حفظة القران واستشهاد ثلاث

جعل أهالي المناطق المحررة تغلي ويطالبون بفتح الجبهات
تحت الضغط تم فتح المعركة باتجاه حلب لكن للثوار غاية اكبر كما هو واضح

وتابعو بعد حلب وانزعجت تركيا اولا لكن ثبات الثوار وتقدمهم القوي والتنظيييييم

اجبر تركيا على المتابعه بهدوء واجبر كل دول العالم على النظر باهتمام

اليوم احاديث عن سحب البساط من تحت اقدام بشار

جعلنا العالم يعترف بنا بالقوة

الفرحة في القلب لاتوصف لكن وجع غزة يخجلنا ان نتباها اكثر

رد: آخر الأخبار
 

08 / 12 / 2024

تــحــريــر ســـوريــا بـالــكــاامــــل

وســقــوط نـظــام الأسـد

رد: آخر الأخبار
 

يااا الله قشعر بدنيي
ألف مبااااااارك يااارب الحمد لله بعد أكم سنةةة
بنفع أروح ع سوريا أفرح معكم q12
بتمنالكم مستقبل حلو ومليااان عدل وسلاااام
بكفي إلي شفتوه
ادعووولنااا عقبالنااا

رد: آخر الأخبار
 

اللّه أكبر اللّه أكبر،
الحمدُ لله الحمدُ للّه، واللّه واللّه ننتظرُ زوال الطَاغية منذ سِنين،
الحمد للّه الذي مَنّ عليّ برؤية الباطِل يزُول والحقّ يعلُو،

واللّه فرحة عارمَة تسُود كل عربِي حُر،
فرحة سقُوط ظَالم وعودة وطَن حر ما بعادلهَا أي اشي في هالعَالم،
عاشَت سوريا حرّة، وسقطَ الأرنب :212:
وعاش الشّعب السّوري أبيًّا يأبى الذّل،

أحلى خبَر سمعناه من الصّبح،
وليشهدْ العَالم إنّه أعظم فجر أشرقَ منذ سنين،

هنيئًا لكم هواء الحريّة،
مبارك مُبارك لكل سُوري شريف.

الله يولّي الصّالح ويعوضكم عن كلّ سنين عمركم الّي راحت
وأنتم في انتظَار هاللّحظة،
الحمدُ للّه حمدًا يليقُ بعظمتِه وعظيمِ سلطانِه..

اللهمّ أعزّ العربيّ الحُر،
اللهمّ بشّرنا كمَا بشّرتهم، اللهمّ أرنا الحقّ حقًّا وارزقنا اتّباعه،
دائمًا وأبدًا مصير الظلم يزول والليل آخره نُور،
العُقبَى لنا إن شاء اللًه.
.

المفرُوض حلوان مرتب ع هالخبريّة ولن نرضى إلا بحلاوة الجبن،
من حمص أو حماة مش فارقة :162:

المهم بدنا حلوااان الحرية.. :104:

رد: آخر الأخبار
 

عنجد كيف ما خطرلي حلوان الحريةة
بدنا التحلاية انا ونور والجميع
قدمو كويس حتى تلاقو منا حلوان مرتب يوم فرحتنا
اليوم أنتم بكرة احنا هااااا

وبدناا التحلايةة ةةة

رد: آخر الأخبار
 

العدو الصهيوني يحتل الان أكثر من نصف مساحة قطاع غزة
ودمر نا يزيد عن ثلثي بنيتها ومؤسساتها ومقراتها ،
أكثر من نصف الشعب يعيش في خيام يموتون قصفا وجوعا وبردا
عام وأربعة أشهر على هذه المذبحةة ولا أحد يحرك ساكن
الشمال (جباليا وبيت لاهيا وبيت حانون) سقطط وأُفرغ من أهله
جثامين الشهداء هناك في الطرقات تأكلها الكلاب والقطط
عالم متخاذل صاامت ....

...
المناطق التي تكدسو فيها السكان (الوسطى وخانيونس المناطق الوسط الأطراف الشرقية خطر منها)وهي مكتظة جدا بالسكان
هذه المناطق صنفها العدو على أنها إنسانيةة 11 بالمية من الإجمالي الكلي !!!

رد: آخر الأخبار
 

والله اليوم مو سايعتنا الفررحه ولافي تعلييق بيكفي يعبر عن فرحتناا
والله يكمل فرحتكم وتفتح المطارات وترجعو وعقباال النا بزيااره

مبااااركً الكم اخي والحمدلله الحمدلله

وعقبااال فرحتنا بفلسطيين يااارب

ومتل ما قالو نور وهبه بدنا الحلاووان 😅

رد: آخر الأخبار
 

الله يبااااارك فيكي وعقبااال عندكن يااارب

طبعااا لازم تروحي وتحتفلي وتلعني روح حافظ لانو صارت اساسية عنا

والله عم ندعيلكن بكل لحظة وصلاة وكل فتح على يد المجاهدين

رافعين اليوم لافتات

ورب العزة بعد الاسد الى غزة

رد: آخر الأخبار
 

أخي شو قصة هاد السجن يلي بيحكو عنو عالفيس
سجن صيدنايا بشوف كثير أخبار بس بدي اخد الأخبار الصحيحة منك

رد: آخر الأخبار
 

الله يبارك فيكي يانور وفعلا بدها الله أكبر تملأ السماء

بقوة الله وحدة وتمكينه انتصرنا من غير لاحول ولاقوة منا

العقبى عندكن ان شاء الله وقريبة ان شاء الله

شعور السعادة والفرح الي عايشينو لايوصف

اختي مهما شرحت عن نظام الرعب والقمع اللي كنا عايشينو مارح تسدقي

قصص لاتخطر على بال الجان رح تسمعوها قريبا

المهم هلاء نحتفل وتقبل جميع التهاني والتبريكات هنا في تيررا الحرة :)

خيو حلاوة الجبن حمصية :)

لازم تجربوها والله طووول اليوم وزع عالناس :m2:

عرااااسي عمتي نور وعقبال فرحتكن يااارب

رد: آخر الأخبار
 

بتشرفووونا اكييد الشباب شغالين عالمطار اذا اسرائيل توقف جحشنة شوي

المهم اليوم شفت مقطع لوحدة عم تصور بقلب غرفة مرتو لبشار الهربان

بين الغراض لقت ورقة مكتوبة بخط مرتو وتقول هدية من قابوس شقفة قطعة دهب :123:

يخربيتها الحية التسسس

مو عاجبها ومطالعة قابوس بخلان عليها ..

تاني مرة تقلو الهدية اختي شو هاد

وعقبااال فرحتنا بفلسطين :dasas:

رد: آخر الأخبار
 

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

سجن صيدنايا سجن الرعب مجرد ذكر اسمو قدام أي سوري أو لبناني يتملكك خوف الموت فورا

سجن مخصص بالأساس للسياسيين واي معارض للحكم

سراديب وانفاق وطوابق ومنفردات وحجر ملح واسيد وتعذيب

وآلات فرم وتذويب جثث وجميع انواع وابشع وسائل القتل والتعذيب

بهاد السجن يتفنون بالتعذيب قبل قتل المعتقل يعني بموت ألف موتة لاخر شي يرتاح ويموت

غرفة اسمها غرفة الملح مثلا بحطو فيها السجين حتى الملح ياكل جسدو اكل

ويصير الجلد مهترء ومافي مي لان الملح يمتص مياه الجسم

يضل فيها شهور بيطلع الواحد شبح

بعدها بعذبوه بسكب الليمون وضرب السوط وتكسير الاطراف

بعبو كيس مي بيربطوه بخيط محكم ويعلقوه بالاعضاء التناسلية

وبسبب الملح ساعتين بالكتير تبتر الاعضاء وبموت الشخص ببطئ شديد مع آلام تفقد الوعي


هااد نوع عذاب واحد فقط لنوع معين من المساجين في شغلات مابقدر احكيها اطلاقا

كان عنا بسوريا اسوء 2 من اصل 5 سجون على مستوى العالم

في مقطع يوتيوب بيحكي هالشي الثاني اسمو سجن تدمر فجروه داعش من خمس سنين

والاول بالقذارة سجن صيدنايا ..وفي كتاب اسمو القوقعة . اول عشر صفحات سببت امراض نفسية للقراء

انا ماقدرت كفي لبشاعة الوصف


الي صار حاليا بعد سقوط النظام

يتبع ...

رد: آخر الأخبار
 

اللي صار بعد سقوط النظام

الانظار لكل السوريين والبنانيين متجهة لسجن صيدنايا لايوجد سوري واحد ماله حدى داخل السجن
المعتقليين اللبنانيين في السجن من اربعين عام

عدد المعتقلين المتوقع 10 الاف سجين

انا عندي خمسة من عائلتي عاساس كلن ميتين مبارح طلع ابن عمنا عايش اعتقل 1985 كان طالب جامعة

دخل الثوار الى السجن بعد قتال عنيف وحررو أول طابق 3000 شخص بعد بحث وجدو طابق ثاني

وصل العدد الى 10 الاف شخص هاد اسمو السجن او القسم الابيض

اثناء خروج المساجين قالو في شي اسمو السجن الاحمر وبدا البحث

ووصلو الى القسم الاحمر ياااالطيييف على مشاهد الرعب شي لايوصف

المهم أثناء البحث اتضح من كلام المساجين والكاميرات بغرف المراقبة لسى في مساجين تحت الأرض

والعدد المتوقع مئة ألف سجيييييييين تحت الأرض تخيلواااا مع مين كنا عايشين

ولحد الان جاري البحث عن البوابات السرية ليدخلو وللاسف مافي نتيجة هي تاني يوم بلا هواء او اكل

ويبدو انن رح يعلنو فشل الدخول

ولاد الحرام الكلاب السجانين والمعذبين كلن علويين وهربو الى الساحل وماحدى رضي يجي منن ويخبر عن طريقة الدخول

وجماعتنا شوي تانية رح اعمل ثورة جديدة علين بسبب هالملف وقصة التسامح الي طالعين فيها

المهم اختي سجن صيدنايا رح يكون حديث العصر قريبا

رح ينحكى عن اكثر مكان في العالم الحديث لتعذيب البشر


ويلعن روحك ياحافظ

رد: آخر الأخبار
 

ياااا الله ياااا الله
حسبنااااا الله وأنت نعم الوكيل ووين احنااا عايشين
يااا ويلهم من ربهم !!!!!!!
لو صار جديد بخصوصو أو قدرو يدخلو الطوابق الي تحت الأرض اكتبلنااا أخي
يااارب سهلها معهم بقدرة ومعجزة من عندك ياا كريم

والحمد لله عسلامة قريبك وعقبال الباقيين إن شاء الله

الحمد لله في رب وفي اخرة ربناا بياخد الحقوق
الله ينتقم من كل ظالم

رد: آخر الأخبار
 

حسبنا اللّه وأنتَ نِعم الوكيل،
ربنا يشفي صُدوركم من هالطّاغية،
ويعوضكم بمستقبل أفضل.
.

أمّا أخبارنا
فَ ما زلنا ننتظِر
مرة بخلّونا نتفائل ومرة بحكولنا استنوا لسا ما صار تقدم :)
بنستنى فرج ربنا وكرمه
وبإذن اللّه هانت

آخر خبر

غيلي كوهين-كان:
الوسطاء يمارسون ضغوطًا على إسرائيل بشأن انسحاب القوات من محور فيلادلفي للمضي قدمًا في المفاوضات بشأن الصفقة.

تؤكد الولايات المتحدة وقطر ومصر في الأيام الأخيرة أن هناك فرصة لتحقيق صفقة، لكن الأمر يعتمد على استعداد الأطراف.

مسؤولون إسرائيليون يقولون إن التفاؤل الذي يسود حاليًا سابق لأوانه، حيث يعتمد الأمر على مرونة الأطراف

رد: آخر الأخبار
 

الله يرحمنا أبونا السلطان قابوس

امين يارب نفرح بنصرتهم

رد: آخر الأخبار
 

لا حول ولاقوة الا بالله ...

رد: آخر الأخبار
 

آخر الأخبار

يااا رب يا كريم

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

رد: آخر الأخبار
 

بعد اجتماع الكابينت اليوم:

يا شيخ يعلنوا ويخلصونا مش عارفة ليش كل هالمماطلة،
الواحد إنْ ما مات من هالحرب هيموت بس من الانتظار والقلق والتوتر
الّي عايشين فيه،


[عزيزي الزائر يتوجب عليك التسجيل للمشاهدة الرابطللتسجيل اضغط هنا]

.

والمُشكلة إنه في كل مرة بكون مفاوضات ولجة مفاوضات
بصير إخلاءات جديدة لبعض المناطق،
زي اليوم كان إخلاءات لمناطق في غزّة،

واللّه الواحد عقله تعب من التفكير،
ربنا يجيب العواقب سليمة
وتخلص هالحرب بأقرب وقت يا رب.

رد: آخر الأخبار
 

إلا ما تفرج حبيبتي إن شاء الله

رد: آخر الأخبار
 

كيف تستشهد وتسلب روحك منك مرتين

خالد النبهان في ذمة الله

احسبه رجل بأمة .كنت أرى فيه جبلا من الصمود

والله القلب يُدمى بفقد هؤلاء لولا بأننا نعلم بأنهم باتوا في ديار النعيم

اللهم لاقه بروح الروح واسقهم واروي ظمأ تعبهم من الكوثر

نحن شُهدائك عليهم في الأرض فنشهد يارب و نحسبه بطلا عظيما صابرا محتسبا ونحسبه اليوم شهيدا

لا كلمات تعبر عن فقدك .رحمك الله وغفر لك

[عزيزي الزائر يتوجب عليك التسجيل للمشاهدة الرابطللتسجيل اضغط هنا]


الجزيرة نت

استشهاد خالد نبهان صاحب مقولة "روح الروح"

استشهد اليوم الاثنين المواطن الفلسطيني خالد نبهان صاحب مقولة "روح الروح" الشهيرة، وذلك إثر قصف للاحتلال الإسرائيلي على مخيم النصيرات وسط قطاع غزة.

واشتهر نبهان بمقولة "روح الروح" التي وجهها لحفيدته ريم خلال توديعها بعدما قتلها الجيش الإسرائيلي في نوفمبر/تشرين الثاني 2023.

وفي نوفمبر/تشرين الثاني 2023، تداول رواد منصات التواصل الاجتماعي مقطع فيديو للجد نبهان وهو يحمل جثمان حفيدته ويلاطفها بكلمات حنونة من قبيل "روح الروح"، ويحتضنها في لحظات الوداع الأخير.

وبدعم أميركي ترتكب إسرائيل منذ السابع من أكتوبر/تشرين الأول 2023 إبادة جماعية بقطاع غزة خلفت أكثر من 151 ألف قتيل وجريح فلسطينيين، معظمهم أطفال ونساء، وما يزيد على 11 ألف مفقود، وسط دمار هائل ومجاعة قتلت عشرات الأطفال والمسنين، في إحدى أسوأ الكوارث الإنسانية بالعالم.

رد: آخر الأخبار
 

رحمه الله وأسكنه في عليين
كثير من الشهداء قصصهم مازالت عالقة لن ننساها أبدا
قصص ومواقف بتوجع القلب
ألا حسبنا الله ونعم الوكيل
عزاءنا أنها دنيا وأنهم في الجنان عند ربهم منعمين بإذن الواحد الأحد
وأنا وفقيدي واحدة من هذه القصص سأذكرها بالوقت المناسب ، لاحقا

...

رد: آخر الأخبار
 

قاربت الصفقة

على أعتاب الصفقة

نحن على الباب

نحن وراء الباب

نحن تحت الباب

نحن أقرب ما يكون لإبرام الصفقة

شارفت على الإنتهاء

الأجواء إيجابية

توسيع صلاحيات الوفد المفاوض

وصول الوفد المفاوض

يوم الثلاثاء القادم

يوم الخميس



ولفي بينااااا ي دنياااااااااااا

محدش فاهم حاااجة:123: :123:

هي اخر أخبارنا :123:

رد: آخر الأخبار
 

تنسِيش أختي إنهم مسكونا بالفترة الماضية يحكُولنا
ممكن التوصل صفقة خلال أسابيع

هلقيت غيّروها لـ خلال أيام

بعدها هيطلعلنا أسامة حمدَان زي اللقمة في الزّور
ويحكي فشلت، أنا حاطّة ايدي ع قلبي من إنّي ألمح اسمه. q11

واللّه يفرجها ويتمّم على خير.

رد: آخر الأخبار
 

الصحفي أيمن الجدي كان متوجهاً للمستشفى مع زوجته لتضع مولودهما البكر
ارتقى أيمن في لحظات المخاض لزوجته قبل أن يروي شوقه برؤية مولوده
...

خبر صادم نور حكتلي إياه من الستة الصبح يومي كلو صار نكد وزعل
حسبنا الله وأنت نعم الوكيل
الله يلهم زوجته الصبر