عتيق
 

رد: عتيق
 

هلاء مابعرف مين ظل ومين راح لانو صار الي فتره طووويله ماكنت موجوده

بس من لما رجعت وفتلت بالمنتدى اتذكرت اياام اديش كنااا موجودين وقصص وحركه بالمنتدى ..

فعلا بتروح وبترجع لتيرا لبيتك بتتفتل فيو وبتفشئ قلبك وبتطمن فيو

لكل شخص قدم كتير لهالمنتدى وكان الو بصمه الو الشكر جزيلا ..


لفته كتير حلوي منك اخي

حبيت العنوان عتييق..

(قديمك نديمك )

رد: عتيق
 

رد: عتيق
 

عتيئ معتأ

كلام بخليك تسرح بالفكر وتصفن كتير (15 سنة ) هاد عمر طويل وحياة وجزء من الشخصية

شو عملنا كل هالوقت؟ وشو استفدنا؟ وشو خسرنا؟

متل ماحكيت هي عيلة تيرا والمحافظة عليها واجبنا جميعا

مابخفيك اخي رامز مرت أيام كتير فكرت ماجدد الاشتراك وسكر المنتدى

بس فجأة بلاقي شخص دخل واكيد عم يراجع الذكريات

او بفوت شخص قديم وبيرمي السلام علينا جميعا

وناس تفتش دفاتر ذكرياتها هون وناس بتحس بالراحة هون اكتر من اي مكان بحياتن


ومشان مان وصدى الروح ونضال وحمودة كمان كان في اتفاق و وعد بالمحافظة على المنتدى

ومشان الي كانت السبب بدخولي المنتدى في وعد ومحافظ عليه

ومشانك ومشان كل أخ وصديق وكل لحظة حلوة وذكرى كانت هون


حكي عتييييئ كتير يارجل

............................

الشكر لله أخي وصديقي الغالي لو بقدر اعمل اكتر من هيك مارح قصر

مابعرف كتير عن الاعضاء وينن وشو صار فين ومع مين ممكن نتواصل ونطلب انو يرجع

ممكن كل واحد يحكي عن الي بيعرفن اذا بدك


احلى عتيئ بالعالم

رد: عتيق
 

رد: عتيق
 

في شوية

افكار لتطوير المنتدى ونلحق السرعة

وسائل التواصل قضت على عالم المنتديات

بس بحاجة تواجد منكن ومساعدة كمان

مثلا في جروب تلغرام لتيرا سويناه انا وحمودة وصدى الروح
ممكن يتطور ويصير جروب بميزات محترمة

و صفحات انستغرام وفيس بس لازم حدى محترف يديرها (انا مافيني أبدا) وانت ماخرج :)

منرجع للنقطة الاساسية الأعضاء وينن؟ ومين بيثبت ؟ كلو بطل يوم يومين وبيختفي

رد: عتيق
 

انو هاض!! ايام ما كان في ايام

رد: عتيق
 

رد: عتيق
 

يعني انا فتت كثير منتديات
مجرد م بدأو الأعضاء يختفو سكر المنتدى دغري
المقصد ما في ترابط بين الأعضاء وإنتماء للمنتدى مثلكم
أنت وفي أخي اللورد،أنا من منبري هاد :)
بحييك على صمودك للأمانة
أنا عن نفسي بغيب بسبب الظروف فترة شهر
أسبوع يوم يومين
برجع للمنتدى يلاقيك صامد ومحافظ عليه
بجد من كل قلبي يعطيك ألف عافية يارب
بتمنى يرجعو الأعضاء القدام
كل الإحترام للجميع ،،، دمتم بحفظ المولى

رد: عتيق
 

ومن منبري هذا اشكرك انتي وآل تيرا اجمعين

وبتمنى فعلا يرجعوا ونرجع نبني هالمنتدى من جديد

رح ضل صامد ومحافظ على المنتدى قدر الامكان
مشانكن جميعا ومشان ذكرياتكن
وكل لحظة حلوة عشناها كلياتنا هون

بس الفكرة من الموضوع حاليا انو مين بيرجع ويضل مستمر؟

مستحيل شخص او تنين وتلاتة يقدرو على المتابعة لازم الكل

لان اذا بدنا يكون تيرا منتدى ثقافي ونستقطب اعضاء جديدة ونحاول نرجع اي حدى قديم

لازم تغيير جذري وفي افكار وخطة ببالي لهالشي والخطة بتتطور بافكاركن ومشاركتكن فيها

انا صرت عتييييئ وهرمت وشيبت واكل الدهر مني وشرب يا جدو :)

لازم مجهود جماعي

لذلك المستعد للمتابعة والمساعدة يخبرنا هون

وانا بخبركن شو الخطة لتطوير المنتدى ومنشوف شو بصير

وتوتة توتة لسى ماخلصت الحدوتة

رد: عتيق
 

رد: عتيق
 

ع حسب الظروف ووضع النيت بكون موجوده
طالما الاعضاء بلشو يرجعو
اللي عندو افكار بحس الافضل يبلش يطرح افكارو وكل حدا بيفوت بيشارك وهيك هيك شوي شوي بيرجع الحماس وباقي الاعضاء

رد: عتيق
 

طيب تمام
في أفكار رح خبركن عنها والي عندو شي فكرة كمان يقول
حاليا على سفر كم يوم لارجع لاعرف شارك من اللاب

المشاركة من الجوال بدا طولة بال وحلم وصبر
ونضال وجهاد وتحسين وحسام ووو كتير شغلات

رد: عتيق
 

رد: عتيق
 

والله ياصديقي على غيابك رح نتعب الله يفرج عنك

رغم عمايلك السودة بس الي صار فيك ظلم بظلم

...........

الموضوع هاد رح يكون تطويري للمنتدى حاليا ونحكي بعض الافكار الي ممكن تساعدنا

نصير منتدى اقوى ونستقطب اعضاء جدد


احد الافكار الي بلشت فيها تم تركيب تقنية في المنتدى تساعد على ارشفة جوجل seo

بس لاااازم يكون في مواضيع حصرية ومتجددة ومشاركات يومية هالشي بيرفع من ارشفة المنتدى ويظهر بالصفحات الاولى

لذلك طرحت فكرة موضوع آخر الاخبار لانو متجدد يومي

بس للامانة لحالي مافيني لازم يكون حدى معي او كلنا معا بالموضوع ننزل اخبار يومية

مين معي بالفكرة ومين مستعد يساعد؟

رد: عتيق
 

أنا إلي مدايق عليه النت
وقت م يكون منيح هأحط مشاركات أو مواضيع يعني لو بخصوص غزة والوضع بس يارب النت يسساعدني
يعطيك العافية أخي

رد: عتيق
 

الله يقويكن ويحميكن اختي ومذروين طبعا مجرد دخولك لهون انجاز

طبعا اهم شي الاوضاع عن غزة رح حاول جهدي بكم خبر

والي بيقدر لايقصر

رد: عتيق
 

يعطيكن العافيه
ان شاء الله بنحاول نطلع بافكار جديده
وبالنسبه لموضوع اخر الاخبار بشوف انته وهبه او نور تكونو قايمين عليه كونه انتو بموقع الحدث
ف الاخبار بتجي صح مجرد رائي ..

رد: عتيق
 

واللّه أنا انحكَى عني دينامو المنتدى في أحد الأماكن q20
بشارك وبنزل مواضيع
بس النفسية هلقيت مش مساعدة،
وعندي اقتراح حسب م بشوف في المنتديات التانية
تكُون المواضيع المتجددة أكتر في كذا قسم،
مثال: سجل حضورك في بيت شعري/ سجل حضورك باسم من أسماء الله الحسنى و....
وإذا موجودين هلقيت بدوّر عليهم وبطلعهم :)
ويكون الواحد يقدر يعلق كذا تعليق ورا بعض دون م أستنى دقيقة
لو لفترة معينة حتى تساعد على ظهور المنتدى أكتر.

رد: عتيق
 

يعطيكي العافية يا دينامو المنتدى في أحد الاماكن

نعم المواضيع المتجددة اهم شي . حاليا الاخبار آكلة الجو

سجل دخولك ببيت شعر او اسم عاصمة او اي شي جيد

كان عنا سجل باستغفار او اسم من اسماء الله او بالصلاة على الرسول .
بعد تداول عنيف ونقاشات دامية
قررنا حذفها جميعا مع انو كان فيها آلاف المشاركات وعدد المشاهدات عااااالي
لكن من وجهة نظر شرعية وابتعاد عن الشبهات تجنبنا المواضيع الدينية المشابهة

....................

وشي تاني عدد المشاركات والنشاط مهم جدا جدا على شرط ان يكون المحتوى هادف

مو بس مريت من هون وشاركت لاجل عدد المشاركات بس

الهدف عنا الجودة في المحتوى والابتعاد عن المواضيع والردود السطحية

كل الموجودين حاليا ماشاء الله بيكتبو المشاركات باحتراف



متلك اليوم يادينامو في عدد مشاركات كتير ئلك وكلها هادفة ووممتازة


المهم هلاء تعبت من الحكي

المرة الكادمة بخبرن عن بعض الافكار التطويرية وعطوني رايكم دام فضلكم

رد: عتيق
 

رد: عتيق
 

صراحة أنا صح ما كنت من زمان معكم
ولما سجلت ب 2017 تركت فترة كبيرة،
لكن لسا بحس بالانتماء لهناا، وبحس بمحبة الأعضاء لبعض
وقديش كنتم عيلة ووطن بيجمعكم رغم اختلافاتكم
لكن هاد هي الحياة، الي بنشغل، والّي بتتغير حياته
والي والي و ......
وصراحة قد م غبنا ورجعنا بنلاقي أخي لورد مستمر وقايم بالمنتدى
يعطيه العافية ويعطيك العافية على كلامك،
وإن شاء الله بيرجعوا كل الأعضاء
ويرجع هالمكان أنشط من قبل،

وأنا طالما فيّ نفس رح أشارك :123:

الله يديم المحبة ووجود الجميع.