|
ادخل واحكيلنا مثل ؟؟؟؟
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
كيفكم ياغوالي الموضوع مابدوا شرح كتير اليوم كنت صفنانة وخطرت ببالي فكرة نحنا حياتنا كلها قصص وحكايا وكل جيل عم يتعلم من تجارب الجيل الي قبلو ويوم عن يوم تتحول تجاربنا وحكايانا لامثال لاحفادنا وانا اليوم حبيت اطرح هالموضوع هون وان شاء الله ينال الرضا منكم ويكون في تفاعل منكم احبائي وبهيك نفيد ونستفيد الفكرة انو كل حدا بيدخل بيذكرلنا مثل شعبي ويحكيلنا قصتو [عزيزي الزائر يتوجب عليك التسجيل للمشاهدة الرابطللتسجيل اضغط هنا] وطبعاً كل عضو او عضوة فيو يختار المثل الي بدو ياه ومن بلدو مشان ما يصعب عليه الموضوع وبهيك فينا نتعرف على امثال جديدة واكيد منستفيد من قصصها الي بالنهاية فيها عبرة مفيدة بتمنى يعجبكم الموضوع وتتفاعلوا معي فيه لنقدم اكبر قدر من المعلومات والقصص والعبر وطبعاً الامثال القيمة ودي ومحبتي لكم |
وبما انو انا طرحت الفكرة
رح كون اول مشاركة ورح احكيلكن قصة المثل الي بيقول ( الي استحوا ماتوا ) أصل القصة أن الحمامات التركية القديمة كانت تستعمل الحطب والأخشاب والنشارة لتسخين أرضية الحمام وتسخين المياه لتمرير البخار من خلال الشقوق . وكانت قباب ومناور معظم الحمامات من الخشب وحدث أن حريقا شبّ في حمام للنساء ، وحيث أن الحمام مخصص للنساء فقد اعتادت الكثيرات منهن على الإستحمام عاريات لا يسترهن إلا البخار الكثيف. وعندما حصل الحريق هربت كل امرأة كاسية ( يعني لابسه هدوم ) أما النسوة العاريات فقد بقين خشية وحياء وفضّلن الموت على الخروج . وعند عودة صاحب الحمام هاله مارأى وسأل البواب هل مات أحد من النساء ؟ فأجابه البواب نعم .... فقال له من مات ؟ أجاب البواب : اللي استحوا ماتوا... وهي هيه قصة المثل |
موضوع رائع
انا بدي اذكر متل لكن مافي داعي اذكر قصة لان القصص كتيرة عن هالمتل في ايامنا هي المتل بقول من حفر حفرة لاخيه وقع فيها مشكورة سوزي وتقبلي مروري ومثلي الشعبي |
نضال من حفر حفره لاخيـــه طمتـــها ( طمرتها ) البلديــــة
ما حك جلدك متل ضفرك ما حرر بلدك غير زندك اذا كان حبيبك ثور ائلبسلو احمر اذا كان حبيبك عسل لا توكلو حطو برمطبان جاجه حفرت عراسها بكلــه الشباك يلي بجيك منو الريح سدو واستريح ما طار طير وارتفع الى كما طار وقـــع ـ ما كل ما يتمناه المرأ يدركـــه تأتي الرياح بما لا تشتهي السفن هاي مقــوله بس بحب تكون مثل شعبي ( كل الناس لهم وطن يعيشون فيه الى نحن لنا وطن يعيش فينا) لاقيني ولا تغديني مثل قالو النموره قبل ما يروح على اريحا ما حد يسئل مين النموره هههههه لا تكن كالواقف فوق جبل ترى الناس صغارا ويرونك صغيرا |
اقتباس:
نورت نضولي الئمرررررررر هالمرة بعديها بدون شرح لانو المتل شارح حالو بس المرة الجاية مافي بدك تحكيلنا الئصة اسعدني تواجدك ياعسل |
اقتباس:
اول شي يعطيك العافية خيوووو وتاني شي شو احمد افندي شاطر كتير وحفظان كتير امثال بس ياافندي كل مرة ادخل احكيلنا متل واحد وحكيلنا قصتو لا تجننوني :175: :175: :175: |
اول شي انا محمود وتاني شي ليش حكتولي اكتب القصه انتو وشو بدك بالقصه خدي اخرهـــا احسن العبره بالمفيد مش بطول الحكي
|
اقتباس:
لا تزعل خيووو حقك علي بتعرف والله دايخة لهلئ بالنسبة للقصة لازم تحطا يعني نحنا الموضوع بيتكلم عن مثل والقصة الي ادت الى قول هالمثل وياريت بشوف مشاركات جديدة الك بس لازم مثل وقصتو لنفيد ونستفيد اكتر بتشكر مرورك من جديد وبعتذر منشان الاسم نووووووووووووووورت محمود افندي |
(العين ما تعلى على الحاجب)
يضرب لتقدير الطرف الآخر والرفع من مستواه يعطيكي العااافية حبيبتي تحياتي.. |
مشان تحكي اني رجعت وما نسيت القصه خدي اسمعي هاد المثل
(عاد بخفي حنين ) خفي حنين معظمنا سمع عن خُفَّيْ حُنَيْن، فيُقال لمن لم يفز بشيء، ورجع بالخيبة والإخفاق، بأنه عاد بخفي حنين؛ فما هو أصل هذا المثل..؟! يُقال: إنه كان يوجد ببلاد "الحيرة" إسكافي شهير اسمه "حنين".. ذات يوم دخل أعرابي إلى دكانه ليشترى خفين، وأخذ الأعرابي يساوم "حنينا" مساومة شديدة، ويغلظ له فى القول؛ حتى غضب حنين، ورفض أن يبيع الخفين للأعرابي؛ فاغتاظ الأعرابي، وسبّ "حنينا" سبًّا فاحشًا، ثم تركه وانصرف!! صمم حنين على الانتقام من الأعرابي؛ فأخذ الخفين، وسبق الأعرابي من طريق مختصر، وألقى أحد الخفين فى الطريق، ومشى مسافة، ثم ألقى الخُفّ الآخر، واختبأ ليرى ما سيفعله الأعرابي.. فوجئ الأعرابي بالخف الأول على الأرض؛ فأمسكه، وقال لنفسه: "ما أشبه هذا الخُف بالخف الذي كنت أريد أن أشتريه من الملعون حنين، ولو كان معه الخف الآخر لأخذتهما.. لكن هذا وحده لا نفع فيه". ثم رماه على الأرض ومضى في طريقه، فعثر على الخف الآخر؛ فندم لأنه لم يأخذ الأول، وعاد ليأخذه، وترك راحلته بلا حارس؛ فتسلل حنين إلى الراحلة وأخذها بما عليها، فلما عاد الأعرابي بالخفين لم يجد الراحلة، فرجع إلى قومه. ولما سألوه: بماذا عدت من سفرك؟ أجاب: عدت بخفي حنين..!! |
وهاي امثال جزائرية يا ذا الزمان يا الغدار يا كسرني من ذراعي نزلت من كان سلطان وركبت من كان راعي والمعنى: أن الأحوال والظروف تتغير وتتبدل، وتنزل من كان في المقام الرفيع وتجعل الضعيف مكانه. راح ذاك الزمان وناسه وجاء هذا الزمان بفاسه كل من يتكلم بالحق كسروا له راسه والمعنى: أن تغير الزمان وتقلبت الأحوال فذهب من كان يقبل بكلمة الحق ويستمع إليها وينتفع بها، وجاء زمان فيه أناس يرفضون ذلك. مثلت روحي مثل الحمام مبني على صهد ناره من فوق ما باين دخان ومن تحت طاب أحجاره والمعنى: أن هناك نوعا من الناس صبور يتحمل ويقاسي نوائب الزمان، ولا يبوح بسره، ولا يتحدث على حاله، بل هو ملازم للصمت والسكوت على ما قدر له. تبارك الله عليك اختي سوزي ومشكورة على الموضوع الروعة... |
ههههههههههههههههههههه
اختي اذا بدي اكتب الامتل كلها واشرحها بيصير لازم منتدى تاني ههههههههههههههه بس ولايهمك خدي هي المتل (الي بيعرف بيعرف والي مابيعرف بقول كف عدس) طبعا الكل بيعرف المتل بس هي قصته اتنين عشاق بيحبو بعض كان كل يوم يتقابلو على اسطوح بيت البنت بس ينام الاهل بيوم من الايام حس ابوها للبنت استنى تاني يوم لحتى يجي الشب ونطروه وكان وقتها حاطط على اسطوحن عدس يعني بتعرفي الضيع كيف المهم ايجا الشب يشوف حبيبتو وهو جالس معها نط الاب الشب خاف ام حمل كمشة عدس بكفه وهرب صار الاب يصرخ امسكوه اجتمعت الناس مسكت الشب عملولو شو مساوي فتح كف ايدو ام تركوه وايجو عند ابوها للبنت عملولو منشان كف عدس قامت القيامة عملهوم (اليلا بيعرف بيعرف والي مابيعرف بقول كف عدس) مشكورة خيتو موضوع حلو |
الزوج موجود ،،والابن مولود والاخ مفقود
انه في يوم من الايام قررت إحدى النساء واسمها(هند) الذهاب مع زوجها وابنهما الصغيروأخاها للصيد وعند طريق العوده وهم لايزالون في مكان بعيد عن المدينة هاجمهم مجموعة من اللصوص وسلبو مامعهم من صيد وخيل وكل شي كانوا يحملونه وقرر هولاء اللصوص قتلهم بعد سرقتهم عندها توسلوا إليهم بأن لا يقتلونهم , فقال لهم زعيم عصابة اللصوص : بأننا سوف نترك المرأة تعيش ونطلق سراحها مع شخص واحد منكم فقط وهي من يختاره لكي يعود معها الى المدينة ,, حينها إتجهت انظار (زوجها) و(إبنها) و(أخاها) الى تلك المرأة المسكينه وهي في حيرة من امرها من تختار لكي يعود معها سالما ومن ستترك لكي يتم قتله فكلهم لاتريد فراقهم وموتهم , ولكنها فكرت كثيرا وقالت : أختار (أخي) اندهش الجميع من اختيارها لاخاها فالكل كان يتوقع بان تختار(إبنها) الصغير او (زوجها) الحبيب فسألها رئيس العصابة : لماذا اخترتي (اخاك) وتركتي (ابنك)و(وزوجك) ؟ فقالت له :(إن قتلت زوجي فالزوج موجود , وإن قتلت إبني فالابن مولود , اما إن قتلت اخي فالاخ مفقود ). قال زعيم العصابه : إذهبو جميعكم. تسلـــــــم إيدك موضوع حلو تقبلي مروري...... |
الحكي الك ياكنة ** سمعي ياجارة
المعنى لما بدك توجه كلام لشخص بدون توجيه مباشر تقول هالمثل قدامو يعني لو احنا ثلاث اشخاص جالسين انا بوجه كلام لشخص وبكوني بقصد الشخص الثالث اللي جالس معنا فبحكي هالمثل عشان يعرف ان الكلام موجه الو للشخص الثالث انا شرحت المثل وبظن الشرح كافي ووافي وبظن الكل بيعرف الشرح وتاني مرة راح اكتي المثل وبس ومافي داعي اني اشرح لان الكل راح يحكي انو منعرف الشرح هههههههه |
اقتباس:
نورتي شمشومة حياتي يلا ياعسل بدك تدخلي تحكيلنا مثل شعبي والئصة الحقيقية وراه |
اقتباس:
ههههههههههه يعطيك العافية خيوو ويسلمو ايديك عالئصة والمثل |
اقتباس:
تسلمي عمري جوج ويعطيكي العافية ياعسل عالامثال الجزائرية ومعانيها نورتي حبيبتي |
اقتباس:
هههههههههههه يعطيك العافية خيوووو ومشكوووووووور عالقصة والمثل يسلمو ايديك |
اقتباس:
يسلمو ايديكي حبيبتي ويعطيكي الف عافية مشكورة عالقصة والمثل وبانتظار المزيد نورتي ياعسل |
اقتباس:
ههههههههههه يعطيك العافية يائمررر نورت |
لكل مثل حكاية
السلام عليكم ورحمة الله وبركاته
اليوم جبتلكم هالموضوع وأن شاء الله ينال أعجابكم لكل مثل قصة [عزيزي الزائر يتوجب عليك التسجيل للمشاهدة الرابطللتسجيل اضغط هنا] تعتبرالأمثال الشعبية من تراث بلادنا وعاداتها القديمة. والجدير بالذكر أن معظم هذه الأمثال لم تأتِ من العدم، بل على العكس، هي قصص ملموسة منبثقة من واقع الحياة أدت إلى نشأة تلك الأقاويل بحيث أصبحت في متناول الجميع وعلى كل لسان أياً كانت فئته العمرية أو مكانته الاجتماعية. ونبدا بأول مثل [عزيزي الزائر يتوجب عليك التسجيل للمشاهدة الرابطللتسجيل اضغط هنا] اجى يكحلها عماها مثلٌ من أكثر الأمثال انتشاراً. يحكى في هذا المثل عددٌ من القصص التي بالرغم من اختلافها تتشابه بمعناها. إحدى هذه القصص تتمحور حول أميرٍ وجارته. في قصرٍ قديم، نشأ ولدٌ على تربية صالحة حيث أنه كان صريحاً، لطيفاً وودوداً، واعتاد أن يتجول في أحياء قصره ويتقرّب من الناس. في حين كانت امرأة ربيعية العمر تسكن بجواره. تلك المرأة كانت حسناء ذات طول معتدل ووجه متناسق وكانت دائمة الاهتمام بمظهرها. كان الأمير دائم التردد إليها حتى أصبحا على العهد أصدقاء تجمع فيما بينهما مودة واحترام. ذات يوم، ذهب الأمير كعادته لزيارة جارته، وإذ به يلاحظ اختلافاً واضحاً في وجهها، وكأن نوراً يشعّ بهاءً من عينيها ويزيد حسنها حسناً. فاعتراه الفضول لمعرفة سر هذا الجمال. فاقترب منها وقال: بك شيء مختلف… أجابته قائلة: كل ما في الأمر أنّي كحّلتُ عينيّ! استغرب الفتى وراح يحدث نفسه: “كم أتمنى لو يراني الناس بالصورة ذاتها التي رأيت فيها جارتي اليوم… عليّ أن أجرب هذا الكحل، لعلني أظهر بهيّاً جميلاً.. أميرٌ يتغنى به الشعراء وتكتب في جماله الأشعار.. يقف الناس مندهشين بجاذبيتي.. نعم، أصبحُ حديث هذه القرية.. بل أصبحُ أجمل من في القرية…” أمضى طريق العودة وأفكاره الطامحة تتخبط في عقله والابتسامة لا تفارق ثغره، حتى كاد الناس ينعتونه بالجنون لعدم رده على تحيتهم. وصل الولد إلى القصر، توجه إلى غرفة والدته باحثاً عن الكحل. حاول الأمير وضع الكحل في عينيه مرار، إلّا أن أظافره كانت تمنعه. وبعد محاولات متعددة فاشلة، انتابه غضب شديد، ففقأ عينه اليمنى بظفره. ومنذ ذلك اليوم، لم يعد الأمير قادراً على الرؤية بها. انتشر الخبر في القصر وأنحائه، وكان كل من يسأل عن سبب إصابة عين الأمير، يُرد عليه: “اجا يكحلها عماها”. هكذا انتشر هذا المثل. مضمون هذا القول ينطبق على عدد من المواقف التي نصادفها يومياً. فدلالته التضمينية تشير إلى جعل أمر ما يزداد سوءاً: بمعنى آخر إلحاق الأذى بالشيء بدلاً من إصلاحه. عادةً ما تستخدم هذه العبارة في المواقف الساخرة أو في تلك التي توصف ب”المضحك المبكي وأن شاء الله ما كون عميتها بهالموضوع ههههههه تحياتي q6 |
رد: لكل مثل حكاية
حلو كتيير
راق لي طرحك فعلا أوقات يجي الواحد ليصلح شي يقوم يخربوا أكثر و يعميها صارت معي صراحة هههه يعطيكِ العافية عزيزتي همس بتمنى أن تستمري في الموضوع و كل مرة تجيبنا مثل و قصته دمتِ في تألق |
رد: لكل مثل حكاية
اقتباس:
انرتي موضوعي وأسعدني مرورك العطر دريم تحياتي :heart44: |
رد: لكل مثل حكاية
هههه انا عطول بجي لكحلا بعميها :105: بس هلاء كبرت نتوفة وصرت ما اعميها عالاخر :) يسلمو همس حبيت طرحك وحبيتك |
رد: لكل مثل حكاية
الا ما نعميها مو كل مرى بتزبط الكحلة ههههه
حبيبتي شمووسة ربي يسعدك وانا كمان حبيتك أسعدني مرورك العطر تحياتي :heart44: |
رد: لكل مثل حكاية
ياحرام المسكين ههه
كتيير صااارت انو بدنا نعمل شي ونخرب اهل اهلو :) قصة رائعة حبيبتي وياريت تكتريلنا متل هالقصص^^ ودي ~ |
رد: لكل مثل حكاية
مو كل مرى بتجي معنا متل ما بدنا
حبيبتي انينو نورتي الموضوع بمرورك العطر تحياتي :heart44: |
رد: لكل مثل حكاية
ايواااا واخيرا عرفنا مين كحلها وكيف عماها
فكرة الموضوع رائعة جدا ورح يعمل جو حلو وكمية معلومات كبيرة ورح شاركك بكام مثل ان شاء الله وان شاء الله نشارك ومانعميها :) |
رد: لكل مثل حكاية
أهلين وسام أشرقت وأنورت
اي اهلين وسهلين فيك وبمشاركاتك ودير بالك تعميها :crutch: تحياتي :heart44: |
رد: لكل مثل حكاية
حلو كثير بحب قصص الامثال
واحب معانيها وفي ناس بتلخبط بين الحكمه والمثل يعطيكي العافيه ومتابعينك |
رد: لكل مثل حكاية
احيانا مامنعميها منفئعا :) يسلمون همس حلو كتير متابعين معك عيونك |
رد: لكل مثل حكاية
اقتباس:
وأسعدني مرورك قلوبتي تحياتي m8 |
رد: لكل مثل حكاية
اقتباس:
وأسعدني مرورك العطر تحيااتي :heart44: |
رد: لكل مثل حكاية
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
طب الجرة على تمها بتطلع البنت لأمها لما كانت البيوت عربية وكان في أرض ديار وليوان وسطح وبيت مونة ... كانت الأم دائما" تنشر الغسيل على السطح لأنو السطح شبه محرم على البنات وكانت البنت تحوص بأرض هالديار ... ووقت الأم بدها شي من بنتها أكيد ما كانت تصرخ علشان تناديها ... لانهم بعتبروا صوت المرأة عورة ... هديك الأيام طبعاً !! مشان هيك كان في دائما جرة على السطح ... لمّا الأم بدها تنادي البنت كانت تقلب الجرة وتطبها على تمها وكان يطلع صوت من اصطدام الجرة بالأرض ... ولما بتسمع البنت هذا الصوت بتعرف أنو إمها بدها منها اشي وبتطلع لعندها ... وهيك صار المتل ... طب الجرة على تمها بتطلع البنت لأمها ... !! يعني مش مثل ما كنا مفكرين انه طباع البنت بتطلع مثل طباع الأم |
رد: لكل مثل حكاية
مشكورة همس
موضوع ممتاز بركي زكاتك تشوفيلنا قصة المتل الي بقول اللي بيعرف بيعرف واللي مابيعرف بقول كف عدس انا بعرف قصته بس بقا مشان البقية يعرف جيبي قصته لهالمثل هاد تقبلي مروري |
رد: لكل مثل حكاية
اقتباس:
بس بدك تستنى لبكرى هههههه أسعدني مرورك تحياتي :heart44: |
رد: لكل مثل حكاية
اذا ربنا عطانا عمر بستنا مو مشكلة
|
رد: لكل مثل حكاية
ايوااا لكن هيك
تبع طب الجرةة هي اول علمي :frfr: بحييكي همس ع الفكرة ورح اكون متابعة معك بهالموضوع ورح اشارك معك بكم مثل :2222[1]: يعطيكِ العافية |
رد: لكل مثل حكاية
ربي يعافيكي هبووشة
وبتسعدني مشاركاتك حبيبتي تحياتي q6 |
رد: لكل مثل حكاية
متابعين الامثال والقصص معكن هون همس وسوزي بعد دمج الموضوعين
من اجمل المواضيع الله يرحمك يا ستي عكل كلمة متل وقصة يدشدش الطوب تحت راسك ويرحم عضامك |
| الساعة الآن 08:22 PM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
