|
فشة خلئ
نادوا بالحرية ... نادوا باعلاء كلمة الله نادوا ... ونادوا وكل مرة بيرفعوا شعار مختلف والحماس شعل قلوب الكبير والصغير وبلشت ثورة .... وصارت انهار دم وبين هاد وهداك شو الي صار ؟؟؟ جيوب مليت ... واشخاص ولا شئ كانوا صاروا قياديين وعم يتحكموا بهالبشر لكن ياترى بغض النظر عن شو الصح وشو الخطأ هالمعتريين وهالناس العاديين الي لا حول لهم ولا قوة الكبار بالسن والاطفال والنسوان هدول الي ضاعوا الي خلاني احكي وفش خلئي انو التهجروا كتار .... لكن ... انو تكون المخيمات والقعدة فيها صارت حلم بالنسبة للمأساة الي برة الكهرباء رفاهية زايدة ... والماء بطر ... والتلفزيون تكنولوجيا حدبثة بلا منه اجار البيوت كل يوم بترتفع ... والطمع زاد بقلوب الناس وبالمقابل في ناس عم تكنز الدهب وتقول لوقت الحاجة والمصيبة انهم بياخدوا حق هالمعترين من ئدام عيونن من دون مايأنبهم ضميرهم بس .... بس .... لان المعترين عزة نفسهم بتمنعهم من مجرد الكلام لان دموعهم دايما سابقة كلمتهم والمليانيين للاسف تعودوا على الشحادة وقلة الضمير هي المراة واطفالها في متلا كتار كتير بيموتوا بصمت وبيعيشوا بصمت وبيموتوا الف موتة ليأمنوا ادنى متطلبات الحياة لعيلتن وبالمقابل كتار شايفين وسامعين وما عم تتحرك فيهم زرة ضمير حسبنا الله ونعم الوكيل هلاء يمكن الي قاعد ببيتوا ودفيان ولقمة الاكل واصلة لحد عندو يمكن مايفهم او يستوعب معنى هالكلام مارح يستوعب شو يعني اطفال تترك المدرسة لان مافي فلوس ولا انو تئن وتتعايش مع الوجع والالم لان مافي فلوس ولا شو يعني .... ولا .... وقصص كتيرة وكتيرة مارح يفهما غير الي عم يشوفا كل يوم ,,,, ويشوف هالناس كل يوم وسلامتكن فشيت خلئي عند هالصبح |
رد: فشة خلئ
يالا مين عندو شي وحابب يفش خلئه شاركونا |
رد: فشة خلئ
متل مآقلتي مآحدا يفهم معانات حدا غير الي عايشها أو مرىء بمتلها
حسبنا هو الله |
رد: فشة خلئ
اي نعم فشة خلئ بمكانها
كانت حلوة وورائعة باولها اول ماطلعت الناس تهتف وتنادي بشي كانت محرومة منو كنا جميعا على يقين بانو شهر شهرين ورح يسقط هالنظام الساقط ماكنا متوقعين انو كل العالم معو استمرت العالم بثورتها وعم نقول هالعالم الحقير كلو مع النظام التافه وماشفنا انو كتير من الي انضمو وطلعو صارو اصحاب اموال ومتنفذين واغنياء حرب وكل كلب حرامي صار رءيس عصابة وبسمي حالو جيش حر ويسرق تحت هالاسم صار في تجار ازمات وتجار تسليم مناطق وطلعنا فعلا هالمرة اد العالم كلو بس بالنصب والسرقة الوسخ الي طلع فينا كتييييير وبسبب هالاوساخ وولاد الكلب اجباري النصر عم يتاخر واعتمدنا على الدعم الخارجي والمواقف السياسية لبعض الدول عاساس انن اصدقاء واكلين همنا طلعو هنن اول الناس مع بشار واكبر المستفيدين من وجودو حتى يربو شعبن فينا الحلقة كل مالها عم تديئ وتخنئنا ووصلت الحالة ببعض الناس تركت الثورة وهجرت الدنيا باللي فيها العالم صار همها اوروبا (يلا بحفض خلي وسخنا يتحضر باوروبا اجري بكل الي ترك وراح) وماراحت فعلا غير هالمساكين والنساء والشيوخ والاطفال الي مالن ذنب بكل اللي صار يحرء روح روحك يا حافر طلع مربي كلاب مسعورة وعم تنهش فينا نهش وطلع مربي بينا حرامية لابسين مشايخ يلا هي فشة خلئ الجزء الاول وسنعود معكم بفشة خلئ كمان عنفس النقطة |
رد: فشة خلئ
اقتباس:
واذا عندك فشة خلئ هاتيها لهون تنفش خلئنا معك الموضوع غير محصور بشئ محدد دمتي بخير صديقتي |
رد: فشة خلئ
اقتباس:
فعلا طلع عنا وسخ لايمكن كان ممكن نتصور وجوده مبارح تحديدا شفت شي اوسخ من الوسخ وللاسف هاد الي شفته بمركز طبي مشفى يعني لهلاء مصدومة من الي شفته معئووووول لهون وصلنا .... معئول العلاج صار يكلف شي اكتر بكتير من الفلوس معئول بعض الناس راضية بالي عم يصير كرمال ياخده حبة دواء ببلاش ومعئوووول ومعئول يمكن صار هاد المعئووول ونحنا الي بعدنا عايشين بالي مانو معئول والله من مبارح لليوم وراسي فوق صداعه ووجعوا زاد كتير تف على هيك بشر وهيك ناس وقال ايش مهنة الطب انسانية شئد هالحياة عم تحمل لئلوبنا وجع وشئد عم ننصدم بأشياء يمكن للحظة صرت قول بيستاهل هالشعب واحد متل بشار يدعس على راسه طول العمر وسلامتكن فشوا ئلوبكن هون يمكن مو طالع بئيدنا غير الكلام لكن كلمة وحدة حسبنا الله ونعم الوكيل |
رد: فشة خلئ
حسبنا الله ونعم الوكيل مافيني قول غير هيك
لاني اذا حكيت بالموضوع رح اتخانئ مع لورد كالعادة بس هالمرة قال شي من الي انا بقولو هوة كان ينكرو كان واضح عندي من البداية بس هوة مو شايفو ويرفض اي حدى يحكي عن الثورة وانها لابد ولازم من زمان يعني ضروري يصير فينا هالشي كلو لحتى نغير راينا |
رد: فشة خلئ
ما الذ هالموضوع سحابة بجد مواضيعك وين ماكانت بتخلي الواحد يحبا فشة خلئ شوفي احلى من هاك عنوان كلنا بحاجة لنفش خلئنا بوقت وانا بدي فش خلئي وقووول انو هالامهات بس شافو الشمس طالعة بيبلشو بالتعزيل والشغل بغض النظر عن درجة الحرارة ان شالله كانت صفر وبيجوا باخر الليل بيمرضه وهني مرضانين خلئة ريتك تسلمي لئلبي يانبع الحنان انتي الله يخلي امهاتكم جميعا |
رد: فشة خلئ
اقتباس:
حبيبنا اللزم ابو هاجر الثورة لابد منها وضرورية ولازم من زمان وكل ما تاخرنا فيها اكتر رح تكون الفاتورة اكبر ونحنا حاليا عم ندفع ثمن كبير بسبب تاخرنا عن هيك اوغاد مو غلط ابدا انو الواحد يقيم نفسو وجماعتو ويصلح الاخطاء طلع بيناتنا اوغاد وحرامية ووسخ كتير هاد مابيعني اتغنى بالنظام وفكر ارجع لعندو مثلا المفتي حسون رجل دين ساقط وحقير ..هالشي مابيعني سب الاسلام او اتركو وارتد عنو بسبب هيك قذر الاسلام شي اكبر واعظم واعمق وكذلك الثورة مارح اتخلى عنها بسبب كام قذر واجبي كمسلم اني نظف هالوسخ واحكي عنو وماخبي ولا اسكت ويُعامل معاملة النظام الساقط وفي رجال نضيفة وقلبها لله شغالة عنجد وانا وانت منعرف منن كتير صح انهن قلة قليلة لكن الخير موجود ورح يعم بالنهاية صدقني النظام كلب ابن ستين كلب وحرامية الثورة اكلب واسقط وهنن سبب تاخر النصر وسبب عذاب كل هالبشر |
رد: فشة خلئ
ليكو انا بدي احكي دج ومتل العادة
الغلط كان من الاساس من البداية رفعنا شعار مابيمثلنا طلبنا الحرية الي كل حدا فينا فصلها على مقاسوا واحد ناطر اردوغان والتاني متعشم بامريكا والتالت الامم المتحدة والعرب حدث ولاحرج كل شخص حامل شعار انا ومن بعدي الطوفان حتى لما طلبناها من رب العالمين طلبناها مندون اخلاص كان لازم من البداية نلجأ لرب العالمين ونطلبها من رب العالمين لانه هو القادر على كلشي نحنا شعب ما منتعلم من اخطائنا طلعنا ضد شخص منصب نفسه اله عالسوريين ونحنا بفترة من فتراتنا كنا وراه لانه نحنا شعب عاطفي قادرين يخدعونا بالشعارات وللاسف لما بلشت الثورة كمان وقعنا بنفس الجورة لحقنا اشخاص ورجعوا ضحكوا علينا بشعارات دفعنا دم كتير ولسانا عم ندفع الي هاجر معذور والي بقلب البلد حلموا يهرب شي خايف من الموت وشي خايف من الحرب وشي خايف من النظام الي ماعم يموت من النظام عم تقتلوا المعارضة والي ماعم تقتلوا المعارضة عم يموت من الجوع افتقدنا بثورتنا لنظام وماقدرنا نشيل من صدورنا وسواس التبعية لمنطقتنا اهل القلمون لما احتاجتهن حمص ماحاربوا مع حمص واهل درعا لما وقعت القلمون كانوا عم يتفرجوا الناس تعبيبت ومليت والله المستعان اذا ضل الوضع هيك مع الاسف لخمسين سنة مارح يتغير شي |
رد: فشة خلئ
اقتباس:
اهلا وسهلا فيك اخي ابو هاجر شرفني واسعدني تواجدك |
رد: فشة خلئ
ياسيدتي لما يطلعوا شعراتك من تحت الحجاب وانتي بالسوق هاد بيعني انك تعبتي خلص روحي ع الدار مشان الله روحيييييي :):):):) حاج السوق مارح يهرب بكرة بتكملي فشة خلئ سريعة :daf::daf: باللا شئد بتشوفوا هيك مناظر بالسوق هههههه |
رد: فشة خلئ
ست سنين بالثورة ولم نتعلم شئ منها للاسف لا سياسيا ولا عسكريا ولا ايضا اجتماعيا قطع طريق لامداد النظام او ضرب مطار اهم بكتير من ربح حارتين مهدمتين وبالاساس اهلن مهجرين منم ست سنين ونفس الاخطاء والخيانات والبيع والمشترى ست سنين ونحنا للاسوء هللتم لحمص وحلب وووو .. الان لدرعا وهينا ناطرين حسبي الله ونعم الوكيل |
رد: فشة خلئ
البسي بنطلون ديئ كتير جربي قيسي هاد وهاد ورفئاتك يئولولك لا هاد مو حلو ضلك غيري وغيري لحد ماتلائي اديئ واحد يبينك باكتر منظر مخزي دوري على اكتر بلوزة تظهر جسمك وتبيني بمنظر مغري لكل حدى بيلمحك روحي ع البيت وشوفي حالك منيح على المراية بركي لسى في شي تفصيلة من تفاصيل جسمك مو مبينة ياعيني حقك ديئي تيابك على كيفك ولا تنسي وانتي طالعة من البيت رشي وانقعي حالك عطر تكون ريحته قوية وبتفحفح بس تطلعي رح تلائي عيون الناس عليكي بتاكلك اكل ونفسك من جوى بتحكيلك ياااااي شئد انا حلوة وامورة لحست عئول الكل ورفئاتك رح يئولولك يامجننة الشباب انتي شوفي كيف الناس بيتفرجو عليكي افرحي كتير اقل شي انتي لميتي اليوم شي مية نظرة وكل ماطلعتي وفتي اكتر العدد بيزيد وبتفتني شباب اكتر واكتر بسسسسسسسسسسسسسس لا تنسي كله بيصب بميزان اعمالك يوم ورا يوم والعمر كله طار فرجة وانتي بتعرضي جسمك ع الناس متل البضاعة الرخيصة جمعتي اكبر رقم ذنوب كنتي فنانة بفتنة الشباب وفوق هاد كله صرتي من الكاسيات العاريات اللي حكى عنهن نبينا محمد صل الله عليه وسلم لايدخلن الجنة ولايجدن ريحها انتي كنتي فوق الوصف فرحانة هيييك ياحفيدة فاطمة وعائشة وخديجة لك تضرب البنات على هالطلعة الي عم يطلعوها والله صاير شي بيخزي والي بيقهر فوق هاللبس مو نسياني الحجاب مؤمنة الاخت شي بيقهر الحال الي وصلت اله معظم البنات |
رد: فشة خلئ
اي والله معك حق سحوبي صايرين هالبنات عم يلبسوا شي عجيب غريب هلاء انا متل هالبنات كنت شوف هيك موديلات وتعجبني وبذكر كنا نحكي انا وانتي كتير عن هيك شغلات وكنت فكر بعقلي انو انا الصح وانتي الغلط وقت كنتي تقولي انو عندك البيت فيكي تلبسي الي بتحبيه بس اكتشفت انو انتي الصح وانو مهما الشب تفرج على هيك بنات اكيد مارح يفكر تكون ببيته بيوم من الايام الا طبعا في اشخاص قلال فشة خلق حلوة سحوبة يعطيكي العافية يا ئمورة انتي |
رد: فشة خلئ
[عزيزي الزائر يتوجب عليك التسجيل للمشاهدة الرابطللتسجيل اضغط هنا] طلي بالبيض خالتو غنيتيلنا هالغنية وخليتنا نحلم بحب قلكن كل الي طلوا بالبيض بيغيروا حفاضات هلاء وزهرة نيسان صارت ريحتا حليب وبتغسل صحون وبتلمع طناجر ومسؤولة عن فردة جرابات كحلي مخطط باسود وبيجي جوزها باخر النهار يقلها اموت واعرف شو بتعملي طول اليوم ؟؟؟ طليتي بالابيض يختي ... انبسطي ساعتين زمان قومي قومي عالمطبخ هلاء بيجيكي سبع البرومبا مادد شفتورتو عاساس ماحد غيرو عم يشتغل وعاساس انتي ست الستات الي لافي رجل على رجل طول النهار عم تفصفصي بزر وتوتسي وتفيسي واتانستغرمي وشوفي كمان والله مابعرف قومي يختي طلتي بالابيض ومشي حالك هلاء غير شحوار الطناجر ماعد تشوفي :daf::daf: |
رد: فشة خلئ
ليش هيييييك طلعت المشاركة معي :a018[1]::a018[1]::a018[1]: والله ماعملت شي بس هي اول مرة بحاول نزل رابط غنية كلو من الابيض معئول هههه |
رد: فشة خلئ
ههههعععع
اعجبني اعجبني هيك بصير بكل من طلت بالابيض |
رد: فشة خلئ
هههه حلوة هالفشة الخلئ خدي هي قال تعريف الزوج هو شخص تتكلمي معاه يقولك نعسان تقوليله فسحني بيقلك تعبان تطلبي فلوس بيقلك طفران تقعدي مرتاحة شوي بيقلك جوعان |
رد: فشة خلئ
فشة خلئ
بلشنا بموضوع الثورة اي عمي ثورة هيك اسمها ورح يضل ئلتو اي او ئلتو لاء ثورة حرية ؟؟ بس شلون ؟؟ انا بئلكن حريتنا تبدا من لحظة عبوديتنا لله ثورتنا على كل شيئ لا يرضاه الله ثورة عالقمع الي تعرضنا الو عشرات السنين وكان قمع ديني بحت وهلاء فشة الخلئ سماع ياعلوي..... سماع يا شيعي .... سماع ملحد ياكردي ..... سماع يادرزي سمعو ياكل حثالة الارض الي اجتمعو علينا انتو مابتنلامو ومن كل قلبي بقلكن برابو عليكن موقفكن صحيح واستمرو صدقا عم قولها مابلومكن اطلاقا انكن بصف هالنظام الحقير لانو انو انتو لازم تكونو معو وهنيك محلكن الطبيعي بس لومي وكل لومي على كل سني معكن ومؤيد للحثالة مارح ادخل بتفاصيل الدين وشو حكم السني الي واقف مع الطواغيت وبعينن على السنة رح خلي الموضوع نخوة وضمير ياسني يااللي لساتك مع العلوي وجيش العلوية انت واحد .................................. انت ولا شي انت منن وفين وخليك هنيك حليئ عن اجري |
رد: فشة خلئ
هيك حالة الاغلبية للاسف .... جوزا راح عاشغلوا بدون مايفطر لان فاق متاخر وهي نازلة سلخ بولادا هون بيوجعك وهون مابيوجعك لان كسرولا المزهرية ابنا الفصعون واقف عالبرندا ماسك نبريج المي ومبلش رش عالرايح والجاي والتاني ماسك قشاطة الحمام وشالح بزلط ومبلش يسقي الارض هون وهون ويقشط اول بأول تخيلتوا شلون :) اجت بنتا ماما غيريلي لاخي الصغير الحفوضة عامل عملة كبيرة الام الحنونة معصبة حلي عني شوي هلاء بجي أف ياااا ..... ونبع الحنان احزروا شو عم تعمل ؟؟؟ ماسكة الموبايل وعم تصور فناجين القهوة وجنبن وردة قاطفتا من حديقة الجيران وجنب الفناجين مسبحة جوزا وقداحته يلي نسيها قبل مايروح عالشغل ونزلت الصورة عصفحتا وكتبت قهوتي لاتحلو الا مع زوجي حبيبي وغنية فيروز انا لحبيبي وحبيبي الي لك ئوووووومي ياشرنة الولد سمط ... وماضل واحد بالشارع ماسب على الي خلف هالخلفة شو رايكن بئا عنجد في كتير من هي النماذج يعععع |
رد: فشة خلئ
تعوا تعوا لاحكيلكن فشة هالخلئ علسان وحدة :):) قال بتقول هالوحدة بعيد ميلاد جوزي عملت كيك وجبت ورد وشعلت شموع وحطيتهم بالغرفة عشان يفوت يتفاجئ وقت شاف الشموع ماشفتو غير وكانو متل هاد التنين الي بيفتح تمو وبينفخ نار بس جوزي مانفخ نار نفخ هوى وهو عم يقول طفي طفي ليش هاد الصراحة انا الي تفاجات مو هو يئطع شرو :) والله بلا طول سيرة طفينا وانا قعدت متل القردة وهو تعشا العشا الي انا تعباني فيه طول النهار وبعدا اتسلى ومانسي قبل مايتلئح عالتخت يسال شبو بوزك ممطوط :a018[1]::a018[1]: صحي قولكن ليش ممطوط المهم تاني مرة بعيد ميلادو التاني مازقت على حالي قلت لجرب بس هالمرة خسرت اكتر خسرت انو اشتريت هدية والكيك توصاي ونيمت بنتي وحطيت عالطاولة كل المشهيات الا العشا هالمرة لان كنت مخبرتو وقايلي متعشي جاهز من السوق وكنت ملمحتلوا طول النهار انو في سيروبرايز اليوم مو متل هديك المرة مفاجاة وملنسيت بالنهار انو سمعو كلمتين حلوين المهم دخل متل الدب وقعد عالطاولة وقال شيلي كل هاد وحطي عشا ههههه والله قمت متل الحبابي والدمعة بعيوني وقلبي وعقلي مع بعض عم يحلفوا مارح عيدا ولو موت لا عيد ميلاد ولا عيد زواج ولا حتى عيد راس السنة الهجرية لك مو هون النهفة النهفة انو نفس السؤال الي سالني اياه هديك السنة بمتل هاليوم رجع سالوا ليش ماطة بوزك صحي قولكن ليش مطت بوزا هههه نكدية لانها :daf::daf: نسيت خبركن شغلة انو هاد الدب نفسه بعد كام سنة قاعد بيشوف تلفزيون وطلع بالتلفزيون وحدة عم تغنج جوزا هيك وتحتفل فيه اجا بيطلع بمرته وهو قرفان وبيقلا هيك النسوان بتحتفل بجوازا مو متلك عمرك ماعملتيلي شي الدب دب انتو معي ولا لاء |
| الساعة الآن 04:12 AM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
