|
لا تصلحين زوجة
اذا دخل زوجك البيت ولم تتركي كل مافي يدك وتذهبي لاستقباله والابتسامة على وجهك وتواسيه بعد تعبه لا تصلحين زوجة اذا كان زوجك لا يأكل من طبخ يديكي ويذهب يشتري الاكل من المطعم ولا يغسل ملابسه الا عامل المغسلة فأنت لاتصلحين زوجة اذا جلست في البيت ورائحتك كريهة ولباسك غير نظيف وغير أنيق فأنت لا تصلحين زوجة اذا افشيتي أسرار بيتك لأمك او أختكاو صديقتك اذا لا تصلحين زوجة اذا حانت الصلاة ولم توقظي زوجك واذا لم تطلبي وتلحي عليه بترك المحرمات ان وجدت لا تصلحين زوجة اذا غضب زوجك ورددت عليه بالمثل في ساعات غضبه فأنت لا تصلحين زوجة مع تمنياتي بحياة سعيدة للجميع |
رد: لا تصلحين زوجة
معناتو بهالحالة مافي مرة بتصلح زوجة
مو نظرة تشاؤمية عالنساء بس مافي مرة بتلتزم بكل هدول نسوان زمان غير هلاء |
رد: لا تصلحين زوجة
اقتباس:
لو انه توفرت اربع امور من الخمسة هل برأيك كمان المرأة لا تصلح زوجة بما انو نسوان هاد الزمان غير نسوان زمان الا يمكن التغاضي عن احداها |
رد: لا تصلحين زوجة
اذا تنتين يا ستي مقبول مو وحدة
ولساتنا محصورين بخمس ست اشياء بس لو نتوسع شوي تانية رح تاضرب الشباب عن سالفة الزواج بهاد العمر نهائي العمر اللي بعدو منفكر بركي تحولت النساء لشي تاني يمكن التفاهم معو |
رد: لا تصلحين زوجة
معقول هي نظرتك ولا امراة تصلح للزواج الا من رحم ربي اليست هذه النظرة وهذا الكلام دليل على وجود العنجهية الغير مبررة عند اغلب الرجال بشكل عام وشممت رائحتها لديك تفوح من بين سطورك والله يالورد انا برأي انو مو النساء الي مابيعجبهم ............ |
رد: لا تصلحين زوجة
عنجهية او عنصرية او تحزب بينقال أي شي
تطلعي حواليكي على عشرة من بنات هالايام وياريت تسجلين عورقة وقلم وتكتبي هالخمس شغلات الي قلتين بالموضوع واشارة صح او غلط جنب هالبنود عند اسم كل بنت بضمنلك ستة من هلاء اول شغلة وآخر شغلتين يكونو فاشلين فين |
رد: لا تصلحين زوجة
طبعا اذا مارح تتوافر هي الشروط مابتصلح زوجة
انا مالي بقصص بنات هالايام وبنات هديك الايام انا بعرف الام الصالحة بتربي بنت صالحة ولام الفاشلة بتربي بنت فاشلة |
رد: لا تصلحين زوجة
[color="magentك"6"]عمو لورد علقولتك نساء هالزمان مافيهون هدول كاملين طيب ورجال هالزمان برايك كاملين ولو بنقطتين مو اكتر البنت براي بعد الزواج بتتعلم وممكن يطلع منها بس بالنسبة للشب الي بعد الزواج بفكر حالو خلص صار رجال وهو الامر الناهي يعني ليش دايم حاطين الضوء عالبنات [/size][/color][/color][/COLOR] |
رد: لا تصلحين زوجة
ماعم بري ساحة الشباب بالعكس الشباب معضلة بحد ذاتن
بس قصتنا عن الزوجة تكون صالحة بالاخص هي الايام والتغيرات الي بالمجتمع اخي ايمن الام الصالحة بتربي بنت صالحة أي بس فيك تبعد أي بنت مهما كانت عالوتس والفيس واللاب والانستمابعرف شو لاتقلي هالشغلات مابتلهي عن الحياة الزوجية بنت اليوم مابتطير لورا الباب اول مايجي جوزا وبتصير تساعدو يشلح تياب الشغل ويغسل ويرتاح وهي عم تقلو يعطيك العافية البنت اليوم تعلمت من المسلسلات الوسخة تكون بس متزينة ويجي كل شي لعندها وهي قاعدة بدون تعب او تكلفة ولازم خدامة مشان البريستيج وسيارة برة مع شوفير فلبيني وشوفو جوالي احسن واحدث موديل وشوفو لابتبي سرعتو ووواو وشوفو جوزي شو بيشتغل وبجبلي تياب وهنن بكونو من البالة يمكن لاحدى يقتنع بالغلط انو من عشر سنين نفس هلاء لانو الواقع واضح بدون تجميل التغيرات الي دخلت عالمجتمع كلها غربية وقيم تافهة وتاثر فيا اغلب بناتنا للاسف |
رد: لا تصلحين زوجة
لورد جد عم اشعر انك عم تحكي كلام كتير بعيد عن الواقع صح النماذج الي انتي عم تحكي عنا موجودة بمجتمعنا بس اكيد مو هي القاعدة الاغلب هني النوع التاني وبنظرة صغيرة على المحيط الي نحنا عايشين فيه بتشوف انه هاد الصح ياعمي انتي مين معاشر اي نوع من الناس حتى عم تحكي هيك وتعمم بهي الطريقة هلاء انا بعطيك مية مثال عن وجود الزوجات الي فعلن بتنطبق عليهن صفة الزوجة الصالحة |
رد: لا تصلحين زوجة
تعقيبا للقلتو انا قبل بحب قلك وقت بيكون في هيك نوع من البنات او الزوجات الحق غالبا عالرجل الاب بالاول وبعدين الزوج ولا غلط هيك شو رأيك ؟؟؟ |
رد: لا تصلحين زوجة
اقتباس:
كلنا اخدنا من اطباع امهاتنا الكتير وبنفس الوقت بناتنا وهاد واقع طبعا مع اختلافات بسيطة نتيجة تغير الزمن |
رد: لا تصلحين زوجة
اقتباس:
المسؤول الاول اب واخ وزوج الفرس من فارسا |
رد: لا تصلحين زوجة
ياحسرتي عالرجال يعني هوة الغلطان اخر شي هههه
قلنالكن مادلخنا بالرجال حاليا سحابة صيف بتعرفي عز المعرفة اني دائم التفاؤل بهيك مواضيع ولابد الخير مايظهر عالشر وبنات الحلال اكتر من البنات الهاملة لحياتها لكن اخر عشر سنوات دخلت علينا مفاهيم وشغلات انحرفت البوصلة الصافية القديمة أي بنت خرجت من ضمن الاطار الي رح قلك عليه فهي لساتها من الزمن الجميل فيس بوك..وتويتر..مسلسلات تركية..سوبر كلاب ستار..ذا فويس وسمعنا جعيرك..ستار اكادمي لقلة الحياء.. كل المحطات والبرامج اللبنانية حتى الاخبار (هي لحالها فسق اكبر) واخيرا كل البنات الي بكيت بانتصار الفاشل محمد عساف والسنة التانية مابعرف انو حيوان اجى هاد اطار ضيق واكيد عندك الوعي الكافي لتفهمي قصدي من هي الامثلة ولوين بتحرف توجه هالجيل |
رد: لا تصلحين زوجة
[color="magenta"]شفتي يا سحوبة دايما هيك الغلط علينا وكانو هما ملائكة من السما عموما انا بشوف انو تصرفات البنت بعد الزواج بتعقل وبتكن عكس الشب الي بعد الزواج بينفش ريشو وبيصير علاضربين [/COLOR]
|
رد: لا تصلحين زوجة
اقتباس:
|
رد: لا تصلحين زوجة
هههه كأنو هالموضوع كان رح يطلع احلى لو انو بقسم النقاش والحوار لان صار فيه شد شعر
برأيي ... بما انو عم نحكي عن المرأة .. وبغض النظر هلئ عن الرجل يلي هوي كمان لسا اضرب انا بتفق مع لورد بشغلااات ومع سحابة بشغلات هلئ اكييييد في فرق كبيييير بين بنات هالايام وبنات زمااااان وانو الشغلات الالكترونية هي صار شغلن الشاغل لبنات هالجيل بس البنت يلي بتكون مرباي واخدت من طباع امها بتعرف تميز الشي الصح من الغلط اول شي وحتى ازا البنت كانت قبل الزواج بتنشغل بهي القصص الواتس و غيرو وغيرو , المفروض انو بعد الزواج تنسى هي الامور او تعرف ايمت تستخدم وبأي وقت في حال بدها تقعد ع الواتس او الفيس .... طبعا بالاخير يعود ع الاهل ومدى حرصهم ع بناتن وولادن كمان من لما اجت هالشغلات يلي بتضيع الوقت وفي بنات مابهتمو بهالقصص وبعرفن كتير منيح وبالنهاية اصابع الانسان مانن متل بعض طرح جدا رائع سلمتي سحوبة |
رد: لا تصلحين زوجة
الله يرحم ايام الواحد كان ينطر ساعات براس الحارة وعطريق المدرسة
لياخد نظرة او ضحكة ويضل يطبئ بالبنت سنتين تلاتة وكل يوم يلبسلها شكل ويحط كل طاسة الجيل عراسو وهي كل يوم تعمل موديل شكل وتوقف شعراتها بالفيكساتور متل عرف الديك ويضلو ينتظرو لحظة الاحلام الوردية الي بيقدرو فيا يهربو من رقابة الاهل او المدرسة و يزتو رسالة لبعضن (اطرافها محروقة طبعا عاساس من شدة الشوق) ويقراها الواحد ويعيد ويقرا ويعيد ويقرا (والضحكة تكاد تشئ الحنك) وبالرسالة التانية يكتبلها (اكتب اليك بقطرات من دمي وهوة بكون حاطط دوى احمر) وهي بتكون كاتبتلو (اكتب لك بدموع العين وهي منقطة من عصارة دوى الأدانين) وبعد شي سنة تانية من الرسائل الي بتكون معطرة بكلونيا الحلاقين ابو خمساعرين ورئة بيبعتلها رقم تلفون ارضي تبع جيران بيت خالتو مشان كل ماصحلها توقف عكبينة تحط خمس ليرات وتتصل في وتحكي بليرتين وتوفر لتاني مكالمة وطول المكالمة البنت حاطة سماعة على ادن واصبعتها بالادن التانية من صوت السيارات وعم تبعئ وتئلو (أألووووو علي صوتك ماعم اسمعك ياسندي) وكل الناس واقفة وراها عالدور سمعانين كل السالفة وبعد مايغرئو لشوشتن ببعض ويكونو عايشين بقصة بعيش معك ولو ببيت عالاسطوح وغطى واحد يغطينا ومخدة وحدة تحوينا وزيت وزعتر بكفينا بيتقدم الشب الحبيب ليخطب ومامعو اجار الرجعة عالبيت وشهادات مامعو غير شهادة لا اله الا الله بينصدم انو الأهل رفضو وطلباتن مابعرف شو وابن عمها حاطط علام عليا وتذهب كل الاحلام وكل هداك الحب ادراج الروحة والجية واجارات السرافيس وبصيرو بحبو هاني شاكر وكل غنية بئولها بفكرو قالها مشانن وبين كل غنية والتانية لااااازم حسن الاسمر (كتاب حياتي ياعين ماشفت زيو كتااااب) البنت بترجع لجلياتها وعم تتنشوء وتبكي والشب بيخبط فيزا وبسافر برة البلد وبتضل الذكرى والحب عرسائل اطرافها محروء |
رد: لا تصلحين زوجة
ههههههههه اهم شي تلفون جيران بيت خالتو وهي عرف الديك :157::157:فرطت ضحك
|
رد: لا تصلحين زوجة
ايييييييييه ونسيت الرسائل وملاقط الغسيل هي قصة تاني :m5: بس جد رغم كل شئ كان في متعة بقصص الحب الي من هي النوع عالقليلة كان الشب او البنت يعانو ليقلتقو ويحكو مع بعض مو متل هالايام كل شئ بكبسة زر والمشاعر من ورا الشاشة مخباي ايييييييوه على هديك الايام |
رد: لا تصلحين زوجة
الله يسعد قلوبكم جميعا ويسعد اوقاتكم بصراحة الموضوع شدني كتير
شكرا على الطرح الجميل وبالمناسبة كلام اخي وسام وكلام اختي سحابة صيف الاثنين بيصبو بمصب واحد انه يوجد السيئ ويوجد الجيد ومجتمعنا رغم كل الاشياء يلي دخلت عليه من تكنولوجيا وتطورضل محافظ على تقليدو الا البضع القليلة منه سواء كانو بنات اوشباب وما منقدر نتهم طرف ونوضع كل اللوم عليه لانو كل انسان خطاك ومعرض للخطئ وغلط نحكم على مجتمع باكملو بسبب مشاهدتنا لبعض فئة صغيرة من المجتمع منحرفين الطريق وخلينا نحط اعتبار امام اعيننا كلام الله عزوجل (الطيبون للطيبات والخبيثون للخبيثات) صدق الله العظيم ودمتم سالمين تقبلو تحياتي واحترامي لكم جميعا |
رد: لا تصلحين زوجة
لك حبيب قلبي يا معاذ الورد نوووورت يا غالي
وكلامك طابو انت يا معلم هههه اسعدك الله واسعد ايامك |
رد: لا تصلحين زوجة
هههههههههههههههههه
تسلملي روحك وسام الغالي ومنور بوجودك يازعيم |
رد: لا تصلحين زوجة
اقتباس:
بشكر تواجدك اخي ورد الشام ومتل ماقلت بكل مكان وزمان يوجد السئ ويوجد الحسن كلام لاغبار عليه تحياتي لك والورد وبنتمنى تشاركنا دايما بافكارك |
رد: لا تصلحين زوجة
ربي يحفظك ويخليلك اهلك واحبابك و يحفظ بنات وشباب المسلمين اجمعين
كلك زوق اختي الغالية سحابة صيف وموشي غريب عليكي اللباقة والاحترام لكي شكري واحترامي |
رد: لا تصلحين زوجة
في شي غلط بكلامكن
وراح الحكي لبعيد |
رد: لا تصلحين زوجة
منور الموضوع اخ ايمن وياريت تتوضحلنا رأيك وتقلنا وين الغلط |
رد: لا تصلحين زوجة
لسى عندي الفضول اسمع رايك واعرف وين الغلط اخ ايمن |
رد: لا تصلحين زوجة
وبعدني حابي كمل معك امير الاحساس وين الغلط ؟؟؟ |
رد: لا تصلحين زوجة
امممم ما بعرف ليش حسيتكو حرٓفتو الموضوع..
هلقيت انوو سحابة بتحكي متى الزوجة بتكون صالحة ف أكيد لااازم تكون بتأدي الي انتي حكيتيهم سحابة او حتى كم بند منهم بيمشي الحاال،، وقصة بنات هالايام وما بنات هالايام فاكيد زي ما في بنات بيهتمن وبيقومن بواجبهن كزوجة صالحة في ما بيهتمن (في الصالح وفي الطالح ) انتوو ناقشتو بما فيه الكفايةة ف ما بديش اكرر بحكيكو اقعد بس بقول انو باول ردود لل لورد استغربت فعلا من نظرتو التشاؤمية (للجنس اللطيف) بس بعدين وضحتلي الصورة وشكرررا سحابة ع مواضيع الهادفة دائماا ،،كل الحب |
رد: لا تصلحين زوجة
كان هذا الموضوع يروح لقسم النقاش احسن ونمسك السواطير ونقصقص جناحات بعض
|
رد: لا تصلحين زوجة
اقتباس:
بلا شفتي شلون منكون يمين بياخدنا لورد شمال منورة هبة ويسلملي الفهمان |
رد: لا تصلحين زوجة
اولا مشكورة اخت سحابة للموضوع
ثانيا" بتمنى وصل فكرة لصديقي لورد صدقني ياغالي بتلاقي هيك زوجات صالحات واكثر من هيك صفات بتتواجد فيهم وليست فقط تربية اهلها تجعل منها كذا او كذا الحب يخلق المستحيل ايضا" في العلاقات والزوجة تكون صالحة بهذه الصفات من خلالك انت ايها الرجل كما قالت الاخت سحابة الفرس من الفارس تعقيبا لكلمة الفرس والفارس احيانا" الفرس تكون عرجاء ولا يمكن معالجتها اما ان تصبر عليها او لاتصبر والفارس عندما يكون اعرج ايضا" من حقها ان تصبر او لاتصبر وهذه العلاقات الزوجية في النهاية يكون مصيرها محدد والله وحده من حدد هذ المصير ولخير بالاكيد اما لموضوع ايامنا هذه التي ذكرتها اخي لورد بسبب التواصل الاجتماعي المزعج حقيقة فاقول ا ان انظر سلبيا" للانثى فهذا خطاء عندي اخوات كما ان زوجتي لها اهلها واخوتها فبرأي لاحافظ على زوجتي وأختي أيضا" من خلالي انا وليس من خلالها هيه وانا من خلال تجربتي لم انظر للانثى بنظرة سلبية رضيت بما قسم لي لااخفيك خاب ظني كثيرا ولفترة والحمدلله ربي عوضني في التجربة الثانية وان شاءالله تم الرضا بهذه التجربة وصدقني كل ماذكرته سحابة وجد في(ابتسامة أمل) طبعا"مع القليل من نصائحي وانا اسعى لاكثر من ذلك لنسعد كلينا اكثر بتمنالك نصيب يرضيك وتسعد فيه وتجد فيه اكثر من ماذكر ياصديقي وللبنات ايضا" رزقكن الله الزوج الصالح الذي ترضونه ويرضيكن بتمنا ان يستمر النقاش في هذا الموضوع ولاباس لو خرج النقاش عما طرحت الاخت سحابة فهذا الموضوع ضروري النقاش فيه بالذات في ايامنا هذه اعذروني لو اطلت والسلام |
رد: لا تصلحين زوجة
اوف اول مره اسمع من نضال كلمه حق
الباقي والدور ع لورد دور له ****ه قبل يضيع من ايدينا بافكاره التشائميه |
رد: لا تصلحين زوجة
اقتباس:
دوريله. انتي عبير بعرف البنات الي تخطب وليس القلب الجريح وبرايي ياعبير انقلي الموضوع لقسم النقاش يستاهل النقاش الموضوع |
رد: لا تصلحين زوجة
انتو كاعداء لحواء مو متعوده منكم الكلام الجميل فيها
ومن يوم ما رجعنا للمنتدى وانت كلامك حلو ولطيف وهذا الي مستغربته تقول الحق اوقات لكن مش بهدا الاسلوب انت اسلوبك اتغير جدا |
رد: لا تصلحين زوجة
وتبغا ننقل الموضوع مو مشكل
|
رد: لا تصلحين زوجة
اقتباس:
وقلتيلي اوقات بقول الحق اتقي الله فيني عبير ههههههه وربي بتضحكيني وانا اقراء ردودك |
رد: لا تصلحين زوجة
لورد يانايم بال.......
نابالم هههههه . . . فكرت رح قلك نايم بالعسل هههههه المهم عبير تسال عنك اين انت صديقي |
| الساعة الآن 02:31 PM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
