|
موسيقا الراب
صباحكم ورد وفل الاغلبية منا بحب يسمع اغاني وكل واحد فينا مزاجو مختلف عن التاني انا بصراحة مزاجي ام كلثوم وقيس عليها ههه بس في نوع اللي هوة الراب انا ماعندي كتير معلومات عن هاد النوع من الموسيقا لكن مجرد سماعي لمقتطفات بحس في شي جواتي بيضوج ولكن لاحظت انو الولاد والبنات هلا وخاصة بمرحلة المراهقة بيميلو لسماع هاد النوع بدي اعرف شو رايكم بالراب وهل هوة صحيح فن بيناسبنا بمجتمعنا وهل هوة بيحمل من خلال الكلمات اللي بتنقال قضية ما او هم ما اذا كنتو مع الراب ياريت تعطوني السبب واذا ضد كمان ياريت نعرف الاسباب وكل الشكر لكل اللي رح يتفاعل معي بهاد الموضوع |
رد: موسيقا الراب
الرآب بحسو اكثر فن بطلع عن الي جوات الشخص ... لآسبآب عديده .
اولها الرآب ما بلتزم ع لحن او شي او حتى كتابآت ... الرآب بئدر الشخص بكتب اي كتآبه وبغنيهآ ... بس الرآب لما طلع كان فن عشآن الشخص يعبر عن الي جواتو او يحكي رآيو بطريقه الناس تسمعهآ ... بس هلئ ما بعرف ازا لسآتو هيك او لآ بس في كثير لسآ ماشين ع هيك اشي انو يحكو رآيهم بطريقه الرآب ... او احسآسهم او او او او ..... بحس في جرائه اكثر من الاغاني العاديه .... مجرد رآي .... |
رد: موسيقا الراب
يسلمو حمودة على تفاعلك وياريت كل اللي بيئدر يتفاعل معي ويعطيني رأيه ناطرتكم |
رد: موسيقا الراب
لقيت الرابط عندي مع اني قرأت الموضوع من الاول وماعرفت شو قول
بس رح قول انا مابعرف الراب ولا بحياتي سمعتوه انا متلك سحابة دقيقة بحب الشي القديم الرايق والي كلماته راقية بميل لجوا الشعبي كتير وحبيبة قلبي اصالة كنت حابب فيدك بس سدئيني مابعرف شي عنه |
رد: موسيقا الراب
لي فوته اهون حبيبتي سحوبة ليزبط بس هالنيت
|
رد: موسيقا الراب
اقتباس:
بيسعدني تواجدك |
رد: موسيقا الراب
اقتباس:
ناطرتك حبيبة ئلبي |
رد: موسيقا الراب
ليا زياده عن عشر سنوات ما بسمع اغاني بس بعرف النوعين
وراح اقول الي بعرفه نن خلال نعرفتي القديمه انا بحب كنت الموسيقى الكلاسيكيه الي فيها احساس مرتب اما الراب فامريكا قديما كانت تسمى اصلا موسيقى الشيطان وكانوا بيمنعوا الشعب انه بيسمعها لانه بتعيج المشاعر بطريقه جنونيه اماﻻالموسيقى الكلاسيكيه فبتادي الى استرخاء الاعصاب لدليل انه فيها هالموسيقى تستخدم في العلاج اما الراب فيها تهييج للمشاعر وممكن نقلك من حاله لحاله اسوا طبعا هذا الي بعرفه اة يمكن الراب الان اختلف ما بعرف |
رد: موسيقا الراب
اقتباس:
بدي احكي بطريقتي انا وياريت تقدرو تفهمو عليي موضوع موسيقا الراب خلق نوع من الاختلاف بيني وبين ماما سحابة انا من فتحت عيوني عالدنيا ومابسمع بالبيت اغاني غير اللي سحابة بتحبها وهي كله من النوع القديم والطويلة كتير كنت حب اسمع فيروز كتير مع ماما وبعض الاغاني لكاظم الساهر وهيك تقريبا بس ابدا ماكان الي خلق اسمع لام كلثوم مثلا بصراحة اول معرفتي بأغاني الراب كنت عم حمل من النت اغاني عن سورية وطلعت معي اغنية راب عن سورية سمعتا وحبيتا كتير حبيت الموسيقا وصرت دور اكتر عن هاد النوع من الموسيقا وشوي شوي حسيت حالي حبيتو واجا على عقلي حبيت الموسيقا فيها شي من الحماس والكلمات بتكون سهلة وبنفس الوقت عم تحكي عن شغلات مهمة وصرت حاول اكتب كلمات اغاني على نفس هاد المبدأ وهون صار الخلاف اكبر ماما بتقول هاد شي سخيف وبتحاول تقنعني خلي مستوى كتابتي احلى واقوى وانا بقلا من حقي جرب كل شي واكتشف بنفسي بعد فترة اينو احسن شو رأيكم انتو مو من حقي جرب واكتشف انا طبعا باخد برأي ماما وبيهمني كتير بس هاد الموضوع تحديدا شغلة اذواق ومتل ما انا مافيني غير ذوق الماما بس بنفس الوقت انا بحب الماما تعطيني فرصة لحتى اعمل اللي انا حبيتو لان لهلا ما عرفت بالضبط وين الغلط انا بحب تعرفو اني ابدا ماني متمردة ولابعمل اي شئ من دون ماتعرف الماما حتى اي اغنية راب بسمعا برجع لماما وبسمعها الياهاوبنحكي بالموضوع وهي كلمة وحدة بيعصبني طيب اقنعيني .... هلا انا قرأت ردودكم ولسة ماحسيت وصلت الفكرة لراسي شكرا الكم جميعا وشكرا الك ماما سحابة |
رد: موسيقا الراب
الشكر الك سحابة صيف على هيك موضوع وهاد هم كبير
عم يعانو منو الأهل كتير هاليومين وشلون الولاد بيتعلقو باي شي جديد وغريب .... تعقيبا على كلام حمودة أي اخي صح هي سهلة وبتحسن تألف كلمات على كيفك طيب بما انك جامعي وفهمان مابتلاقي انو نوع هيك كلمات عم يقتل اللغة العربية وقواعدها؟؟ رح اعطيك خيارين وناطر اجابتك لو خيرتك هلاء انك تسمع أي غنية راب لاحمد مكي او غنية كاظم الساهر انا وليلى انو الافضل وبتحب تسمعا اكتر؟ ........... نجي هلاء لشموس شووو ياا صايرة تسمعي راب وتالفي كمان يا شطورة تعي لاحكيلك هالقصة عن عمك لورد وقت كان مراهق واهبل:m13: اول ماوعيت عالأغاني والدنيا كنت موت بشي اسمو ايهاب توفيق وكاظم وعمرو دياب ووقت اعمل رومنسي كنت روء على ماجدة الرومي فجأة ياستي تعلقت بنوع اغاني وموسيقى اسمو (الميتال) وتعرفت على شلة شباب بالشام بيعزفو غيتار :git: على طريقة الميتال تطورت الحالة معن وصارو يألفو كلمات على نفس اللحن يعني تقليد بتقليد ونحنا العرب هوايش دغري منتعلق بكل شي مامنعرفو ومنفكر انو موضة ياحسرتي ههه المهم بعد ماقويت اللغة معنا وصرنا نعرف نتوفة عنجليزي لقينا انو كل كلمات اغاني الميتال عبارة عن كفر وسب للعرب ولرب العالمين تعمقت بالبحث اكتر فلئيت بلاوي بالثقافة الاجنبية وعيييب واخطر شي لقيتو انو عبدة الشياطين بحطو بحفلاتون اغاني راب وميتال لاء احلى شي كنا نضحك على حالنا نقول خلينا نجرب كل شي بهالعمر واللي منلاقي منيح منعملو واللي مو منيح منتركو ونقول لحالنا طيب عم نالف كلمات عربي شو دخلنا بكلماتن هنن ههههه هي متل الحرامي وقت يسرق ويقول ربي بيغفرلي لاني عم صلي بالبيت هههه يعني تبرير لنفسنا بس... اما الواقع غير وكنا الي نعملو غلط ياريت لو كان حدى بهداك العمر ينبهنا لغلطنا ماكنا ضلينا اوقات كتيرة ونحنا مانعرف شي وقت كبرنا فعلا حاليا منخجل من حالنا شلون كنا نعمل هيك و كنت ازعج اهلي ورفقاتي وجيراني بهيك قصص فلحقنا الشي السهل اللي بعلم العقل عالكسل والبلادة وتركنا الشي الحلو والصحيح والجميل بالغة العربية والشعر والي بثقف الشخص وبكبر عقلو أي حدى في يالف راب لانو بسيط وتقليد للاجانب بس مستحيل أي واحد يعرف يالف شعر عربي حلو المعنى وجميل ففي فرق بين الواحد ينمي نفسو بايدو او يلحق البلادة والكسل بالمخ قلت لعمك حمودة فوق عن غنية كاظم الساهر انا وليلي هي شعر عربي فصيح وممتع ورائع اتحدى كل مؤلفين الراب يحسنو يألفو سطرين متل هالغنية مافين ياستي مخن بليد متل حمودة افندي ابو راب ههه يلا حاجة لهون ناطر اجباتك لكفي كلامي واحكيلك عن شوية فصول ناقصة لعمك لورد متل يوم تعرفت على وحدة بتسمع اجنبي وهديتا شريط لام كلثوم :m5: |
رد: موسيقا الراب
هههههههه اجيت ع اكتر اغنيه بحبهآ .....
هالاغنيه بتزكرني بشخص الله يرحمو ... اكيد رح اختآر احمد مكي تسدئش تسدئش اصلاً بسمعش احمد مكي انا .... اكيد رح اختآر كآظم ... قيصر هآد مستحيل ما اسمعو واسمع هداك .... نرجع لموضوع الرآب .... صح هو موضوع هبل وسهل واكيد هديك الكتابه احلى وبكتير كمان .... وبصرآحه لو بعرف انو الموضوع كرمال شمس ... رح كون ضد الرآب لآنو كتاباتها حرام تكون رآب ... انا حبيت كتاباتها كتير حبيت الطريقه واللغه العربيه .... حبيت الطريقه الي خآصه فيهآ هي وبس ... اما لو رح تكتب رآب بصراحه رح تتراجع لورآ ورح يكون طريقتهآ زي طريقه بائي الشبآب ... واشي سهل واي حدا رح يئدر يكتبو ... انا معها انو اندفعت تكتب رآب وانا متآكد هي الي رح تكتبو لسوريآ ... لآنو حبت الرآب عن طريق اغنيه لسوريآ .... بس شمس سؤآل .... حآولي تكتبي قصيده لسوريآ وبتكون بطريقتك الي تعودنآ عليهآ .... واكتبي رآب كمان لسوريآ ... رح تشوفي انو الرآب في فوضى اكتر من الشعر ... والشعر بفوت للقلب اسرع من الرآب ... بصرآحه ما رح انصحك ع الرآب انا لآنو الرآب رح يخفي موهبة اسمهآ شمس .... شمس تزكري انآ ليش ثبتت المدونه تبعتك ... لآ تخذلي الي بحبو كتآبتك وبترجعي لورآ بدل ما تتقدمي لئدآم ... فكري وبحئلك صح ما حدا بئلك ما بحئلك بس حاولي تكتبي الجهتين ... واختآري انو الاحلى ولو عارف رح تقولي الرآب .... بس سمعيهم لنآس بحبو الرآب مثلاً انا بصرآحه بحب الرآب بس ما بنصحك في ... مش طريقك الرآب طريقك الاقوى والاحلى ... الرآب سهل وانتي ئدرتي تعملي الصعب ليش تروحي للسهل ؟؟ ..... بعتزر طولت عليكم ... ~.~.~ بس شمس حآولي اعملي الي حكيتلك عنو ... |
رد: موسيقا الراب
ال يعتذر شوف الجريدة الي كاتبا فوق انا
نشف حلقي وانا العي عالراب والميتال دعنا نشد فرخ دبكة احسن شي :d:d |
رد: موسيقا الراب
اقتباس:
كيفك عمو لورد بصراحة قرأت كل اللي كتبته و لكن في شي لفت انتباهي انت قلت عبدة الشيطان بيسمعو راب بحفلاتن طيب اول ماطلع الراب كان بيعبر عن المعاناة صح وتاني الشي في كتير اغاني ضد الماسونية وعبدة الشيطان والعنف والتميز وكل شي يعني في شئ مهم عم ينطرح من اغاني الراب وتالت شئ نحنا عم نكتب بلغتنا نحنا والفكرة اللي بدنا نوصلا شودخلنا بعبدة الشيطان ورابع شي حتى في اغاني بيكون فيا نوع من المزاح والانتقاد لاشياء كتير بمجتمعنا متل انتقاد المدارس والمعلمين للي بيجو من بيوتن معصبين وبفشو قهرن بالطلاب انا حبيت هي القصة وشكرا لاهتمامكم اخيرا بدي ئلك شغلة عمو لورد حبيت وانتي عم تحكي شعرت انو قاعدين مع بعض وعم نحكي اي اي عمو ياريت تحكيلنا على الميتال انا مابعرف شي عنه وكمان على هي البنت اللي تعرفت عليها وهديتا اغنية لام كلثوم |
رد: موسيقا الراب
اقتباس:
قيصر الاحساس كلامك في شئ حبيته كتير وفرحت فيه وهوة انو طريقتي بالكتابة كانت تعجبكم وهاد شي بيفرحني وبيخليني ابقى حاول واكتب وتاني شي انا ان شالله مابخذلكم ويمكن هي الفترة حبيت الراب كتير مابنكر هاد الشي لكن اكيد رح ابقى حاول اكتب متل مابتعرفوني وعلى فكرة نصيحتك الي انو جرب النوعين من الكتابة لموضوع واحد عجبتني واكيد رح حاول وانا كتير بيهمني رايكن اممممم مابعرف ليش خليتني اشعر بشوية خجل من كلامك شكرا الك قيصر الاحساس |
رد: موسيقا الراب
لكل المهتم بحب قله شكرا من القلب رح احكي انو ماما سحابة طلبت مني حط شئ من اللي انا كتبته على طريقة الراب وصار حكي كتير بيناتنا انا رفضت وقلتلا اكيد مارح يعجبن كلن ضدي وبعد حكي كتير قنعتني سحابة بكلمة اذا انتي مو متجرأة تحطي كتابتك قدام الاشخاص اللي بيحبوكي وبيهمن مصلحتك معناها شو الفائدة اذا في شي براسك انتي مو مقتنعة فيه رح حط جزء من اغنية بلشت فيها ولسة ماكفيت أنا سوري ومن حقي عيش عيش وأحيا بسلام من حقي دور ع النور بعيد عن الظلام رح أبني فجر جديد وأسمع تغريد العصافير والله يئدرني أسعد قلوب وفك أسر كل مظلوم وحرر سورية من الاستبداد و أرفع راسك ياسوريا هي كتبتا قبل ماروح عالمدرسة خلال خمس دقايق واجا الباص وماكملت بدي رايكن بصراحة بفكرة الاغنية والطريقة |
رد: موسيقا الراب
قررت ارجع موآهبي بالاجرام لآسبآب عديده ...
اولهآ في كم عضو ال بخجل ال ... رح خليهم ينرعبو مش بخجلو ..... ثانيهآ ... انو في عضوة من اعضآء السحآلي شكلو بدو يرجع ايام الطغيآن والعصيآن .... ثالاً ... انا حنيت للدم والاجرام والقتل والعنف .... تعا شوفلك عمو لورد ال خجلت من كلامنا ال شو بعمل فيهآ ببلش فيهآ اجرام ؟ ~~~~ نرجع للي كتبتي شمس ... شمس حطي هاد الي كتبتي ع جنب واكتبي جنبو اشي من كتاباتك الي بنحبهم حتى لو شي ئديم .... ورح تشوفي الفرق وشو قصدي انا ... رح تشوفي الي كتبتي هاد { الرآب } اشي بسيط ما رح يفوت للئلب زي هداك .... هاد بحسسك انو اي شخص بئدر بكتبو حتى لو ما بعرف يعبر ويكتب ... اما هداك انا بصرآحه بعرفش اكتب زيو ... هآد هو الفرق هدآك اشي بتحسي اول شي من الئلب اكتر وبتحسي انو شخص كبير وفهمان الي كاتبو ولو يعرف انو بنت بعمر الورد الي كاتبتو رح ينصدم .... زي ما انصدمت انا { ارجعي لعئلك يآ بنت احسن ما بلش اجرام فيكي } |
رد: موسيقا الراب
دخيل راحة لا البال لا راب ولا وجع راس
بيت عتابا وخلصنا |
رد: موسيقا الراب
اقتباس:
ياعيني عليكي وعلى كلامك ومشاعرك الحلوة عجبني كتير اللي كتبتي وبالاخص لانو عن سوريا الغاليةsyr.. الشي الحلو فيكي شموس بتجسدي الي بداخلك بطريقة حلوة ان كان حكي عادي او شعر او حكاية او راب واغلبو عن الغربة وسوريا وهموم كل عربي وبشجعك على هالشي واستمري أي شموس وقت حكيتك معتبرك رفيقة وبنفس العمر يعني اكبر من عمرك بكتير لانو هيك تعودنا عليكي من كتاباتك لذلك مابدي كون انا الكبير وانتي صغيرة وعم وجهك لا ابدا تعي تعي لجنبي وصبيلي متة لندردش وكوني هلاء انتي الكبيرة ونحنا الصغار مثلا انا هلاء عندي اسلوب معين بالكتابة بتحبي استمر في ولا كون فقط واحد برد عالمواضيع واكتب شعر بالتعليقات والسيد قيصر الاحساس عندو موهبة كبيرة فهل بتحبي يستمر بموهبتو ولا ياخد طريق تاني ويكتفي بالرد على المواضيع ومثلا اخوكي الفصعون شاطر بالمدرسة رح تضلي تشجعي يكون شاطر ولا بتحبي يجدد ويكتشف حالو بمجال الشغل ويترك المدرسة؟ هي تلت امثلة قدامك وبدي تجاوبي علين بما انو انتي الكبيرة ونحنا الصغار هههه معلش خلينا هالمرة نحس انو صغار:212: اللي كتبتي كتير حلو وعجبني ممممم طيب فيكي تخلي نفس الكلمات شعر مثلا رح جرب معك انا لشوف مممم احم احم سوري من حقي أن أعيش أعيش وأحيى بسلام حقي ان ابحث عن نور لا اريد العيش في الظلام حقي ان أبني فجر جديد ويعود بلدي واحة للسلام أسمع تغريد العصافير ممممم تابعي انتي بعديm10: موشاطر متلك انا وخبريني شلون حسيتي بتعديل الكلمات .............. وعشان قصة البنت هاد ياستي ايام الجامعة كان في وحدة مأنزعة كتير كتر وكان ايامها اللي شايل (وكمان) المسجلة عالبطاريات وسماعات بالادن كان شي رافع خشومو كتير وهي كانت يالطيف صار انو بيوم وحكينا سوى وسئلتها شو عم تسمعي عطتني هالسماعات وكان جوة هالمسجلة اربع خمس زلم عم يتقاتلو من كتر العياط يعني اجنبي كلو بعيئ مافي شي مفهوم او نغم حلو ياريت لو راب نص مصيبة المهم عملت انو ياسلام شي حلو خلص الك عندي هدية شريط على كيفك روئت البنت وقالت اجانا شي نسمعو تاني يوم نتعت شريط لهي ام كلتوم وانا ماااابطيقها عفكرة بس جكر:dasas: هديتو لهالبنت وحطت الشريط فرحانة واول ما سمعت شكلها صار متل ضفدع دعسو باص واندهش وطلعت عيونو لبرة قالت وليييي شو هاد جلطتني قلتلها وهوة المطلوب:m2: وكمالة القصة مارح خبرك عنا m10: بس البنت لحد اليوم صديقة وكل مرة بذكرا بهي القصة وبضحك عليا يلا جاوبيني لنكفي دردشة نشف حلقي من الحكي صحي سخني المي بردت المتة:121: |
رد: موسيقا الراب
بآلله مين ضحك عليك وئلك قيصر عندو موآهب ؟؟؟
|
رد: موسيقا الراب
طرح يستحق النقاش
الي رجعة ان شاءالله |
رد: موسيقا الراب
اقتباس:
بشكرك كتير على اهتمامك وصراحة فكرت بكلامك كتير ولقيت معك حق ولو انه بحس التجربة بأي شئ مابتضر وهي انا من خلال هي التجربة تعلمت شي كتير مهم وكسبت اشخاص بيهمن مصلحتي وبيوجهوني للصح وهاد اكتر شئ بعتز فيه شكرا الك قيصر الاحساس |
رد: موسيقا الراب
اقتباس:
عمو لورد المتة بردت وينك انتي عمو لورد ههه او يي صحي انا الكبيرة هلا لازم ماقول عمو امممم يا لورد ... بدي ئلك شي m8 اول الشي كتيييييييييييييير بشكرك على كلامك والله حسيت حالي قاعدين هيك قعدة حلوة وعم نشرب المتة ونتناقش تاني شي عنجد وقت غيرت انت الكلمات عجبتني اكتر ولقيتا احلى شو رايك نصير نكتب سوى ونتنافس ههه :161: تالت شي انا بالفعل بلشت غير طريقة صياغة الكلمات مع محافظتي عالفكرة ورح نزلا بتيرا اول مايصحلي وقت الدراسة شاغلتني والاوقات عالنت محسوبة انها سحابة وما اداركم من سحابة انها الساعة التي لا تخطئ ابدا وبالنسبة لسؤالك لا طبعا بحب انك تستمر بالكتابة واكتر الشي بسوق عكاظ وكمان نفس الشي لقيصر الاحساس واما اخي فأكيد انا من اكتر المشجعين انه يبقى متفوق بمدرسته لان الدراسة هي اهم شئ وهي اللي بطور عقولنا وبتعلمنا كيف نختار صح طريقنا بالمستقبل واما الشغل والاشياء التاني هي في الواحد يتابعا بعدين واخيرا بوعدكم ان شالله استمر وابقى متل مابتعرفوني ومتل مابحب كون |
رد: موسيقا الراب
اول شي الراب هاد انا مابحبوو ابدا ولا بيستهويني اني اسمعوا
صحيح اوقات بيحكو فيها عن قضايا صايرة بس عن نفسي اساس فكرة الراب مابيعجبني هاد رأيي اما شموسة الامورة انتي كتاباتك بتجنن وبتاخد العئلات لهيك فـ خليكي بكتاباتك القديمة اللي بتجنن متلك متل ماقال حمودة فعلا كتاباتك يلي بيقرأها رح ينصدم ازا بيعرف انو بنوتة زغنونة هيي يلي كتبتو ربي يحميكي من كل مكروه ياعمري يسلموووو ع الطرح |
رد: موسيقا الراب
موضوع حلو للنقاش ..هلاء الراب ماني بحبو ولا لاء ما بحبو حلوي هي مو ههه
المهم بشكل عام هوي اوقات حلو ان اخذناه من ناحية تفريغ عن الي جواتك بدل التكسير ومبعرف شو بيستهويني احيانا اسمعو ان كان بيحكي عن بعض القضايا وغير هيك بحب اسمع من باب التغير لا اكثر ... وبنجي ع شمووسة والي كتبتية اممم حلو بس خليكي ع كتباتك القديمة |
رد: موسيقا الراب
قيصر الاحساس .... لورد ... امير الاحساس ... عبير .... كوايت ... انين كل الشكر لتواجدكم و تفاعلكم شموس ان شالله تكوني استفدتي من هي المناقشة يعطيكن العافية جميعا |
رد: موسيقا الراب
اقتباس:
أي ها دخيلو الفهمان واللي بقدر كلام الناس وبياخد النقاط الايجابية منو حسيتك كبيرة كتير من خلال هالنقاش بهالموضوع وعندك استطاعة تستوعبي الحكي والاجمل انك تتقبلي الانتقاد عشان توصلي للأفضل برابو شموس من خلال اجوبتك على اسئلتي انتي تمنيتي الخير والافضل الي ولحمودة ولاخوكي وانو نقدم مجهود كبير افضل مانقدم شي عادي وهاد شعورنا جميعا اتجاهك انو عندك استطاعة تقدمي شي حلو ومميز ومحط اهتمام الجميع فليش لتلجئي للبسيط العادي والمقلد للناس خليكي متفردة ووميزة بافكارك وآرائك يعني الناس كلها بالمدرسة عندك جانين بالراب فاذا كلن بيشبهو بعض تميزي انتي بالفصاحة والخطابة وتفردي بهالشي بتلاقي حالك ابدعتي وغلبتي الكل وحققتي شي من طموحك اللي بقلبك لاتقلدي حدى شموس خلي الناس تقلدك الك بهالموضوع مابقى شي ينقال اكتر من هيك الباقي عندك انتي تاخدي الي بتحبي من كلامنا وتنسي اللي ماعجبك وتقولي بينك وبين نفسك في ناس اكبر مني وعندن تجربة كبيرة بهالحياة ونصحوني ماكفي بطريقة الراب ولاشجعوني فاكيد هنن بيعرفو الافضل وعن تجربة وفكري اكتر ليش هيك قلنا واخر شي القرار الك انتي وعلى قولة اخوانا المصريين ربنا يوفقك ياختي وبلاش الراب والهباب ده |
رد: موسيقا الراب
صباح النور ياعسل
|
رد: موسيقا الراب
انا بحب الراب كثير لئنو الراب انو لد عشان يحكي عن قضيه وكل واحد بغني راب بكون بحكي عن قضيه بمجتمعو او بحكي عن ما في بداخلو عن طريق غنا الراب وهو صار شي اساسي عند البعض عشان بقدر يحكي براحه تامه بدون ماحد يجكيلو ليش
|
| الساعة الآن 09:49 PM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
