|
حملة تيرا لدعم الثورة السورية
بسم الله الرحمن الرحيم قال تعالي : " يَوْمَ لَا يَنفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ " صدق الله العظيم قال تعالي : " وَيْلٌ لِّلْمُطَفِّفِينَ* الَّذِينَ إِذَا اكْتَالُواْ عَلَى النَّاسِ يَسْتَوْفُونَ* وَإِذَا كَالُوهُمْ أَو وَّزَنُوهُمْ يُخْسِرُونَ* أَلَا يَظُنُّ أُولَئِكَ أَنَّهُم مَّبْعُوثُونَ* لِيَوْمٍ عَظِيمٍ* يَوْمَ يَقُومُ النَّاسُ لِرَبِّ الْعَالَمِينَ* كَلَّا إِنَّ كِتَابَ الفُجَّارِ لَفِي سِجِّينٍ* وَمَا أَدْرَاكَ مَا سِجِّينٌ* كِتَابٌ مَّرْقُومٌ* وَيْلٌ يَوْمَئِذٍ لِّلْمُكَذِّبِينَ" صدق الله العظيم الحمدلله والصلاة والسلام على رسول الله وعلى آله وصحبه أجمعين " الساكت عن الحق شيطان أخرس " وطبعاً ما فينآ شيطآن وبشان هيك قررنا نساعد اهلنا في سوريآ بحلمه من جميع انواعها { ما بدنا نضل نتفرج عالظلم ونندب بحظنآ } الشغله ما رح تكون صعبه اسهل منها ما في انو لاتفكرو الشغلة ممكن تكون صعبة او مستحيلة مارح ننعدم الوسائل ورح نستفاد من خبرة لورد الشغال بهي الشغلة من اول يوم وفيو يساعدنا بكل شي منحتاجو بهالمشروه وانشآ الله لورد يجي هون ويحكيلنا كمان وبتمنى الكل يشآرك معنى بهالحمله ... للتواصل المباشر على هذا الاميل tera-syri هوتمايل تح‘ـيآتي |
انشالله انكون قدها وحنا معكو ان شالله
|
قبل ما بلش رح احكيلكن عن تجربتي الشخصية باول الثورة
من اول يوم استشهدو في ابطال درعا العظيمة عرفنا انو شرارة الثورة رح تتفجر بسوريا وتوالا القتل وراه القتل والقتل بعد 20 يوم من الثورة شفنا حالنا عاجزين تماما عن انو نعمل شي غير انترنت كان عندي شخص بيعرفو نضال (بيكرهو طبعا هه) وكان متاثر كتير وعم يبكي فقلي لازم نعمل شي للثورة يكون سند الها قلتلو ياريت بس شو نعمل برايك الي مابعرف بس خلينا نشوف مين معنا ونجلس مع بعض الناس كانت تخاف تجلس مع بعضها ويحكو لايكون في امن ويوصل خبرن فقلتلو طيب انت بطبيعة عملك بتصادف ناس كتير شوف مين موثوق وخبرني بعد فترة يمكن شي اسبوع بقلي صرنا 12 واحد واخدنا مكان ورح نجتمع ونشوف شوفينا نعمل وبالفعل حدث الموضوع وجلسنا واتفقنا على اجتماعات دورية بالجلسة كان ثلاث اطباء ورئيس مشفى ومحامي ومهندسين اثنين وشاعر سوري حمصي معروف باسم شاعر الثورة ومدرسيين وشيخ ملتحي (صديق نضال معروف من قبل صدى الروح ايضا ) وتاجر وصاحب سلسلة مطاعم وحضرتنا يعني نخبة مثقفة ومتفهمة وواعية وبعد تاني اجتماع تم اطلاق منظمة (وفاء بلاحدود السورية ) والوفاء هو الوفاء لسوريا وثورتها بكل ما نملك اولها الروح وبعد فترة تم تحويل الاسم ل (منظمة وفاء الاسلامية للاغاثة ) بعد ان تم اعتماد نهج السلف الصالح ركيزة اساسية نسير عليها دون شوائب وبدأ العمل الاغاثي وتيسرت الدروب الحمد لله وكان الشغل في متعة وشي جديد اول مرة منختبرو والمتعة اجت من انو ماكنا عالة على الثورة بل ساهمنا باحداث فرق صار طبعا ضغوط ومشاكل وتوقفت المنظمة ونضال حضر فترة التوقف حتى الاعمال الفردية تلاحقنا عشانها وصرنا مطلوبين مو بس لسوريا هههه وبعد فترة الحمد لله ترخصت من امريكا وتركيا وعدنا للعمل بعرف طولت عليكن بالحديث بس بدي قلكن انو بلشنا 12 شخص واخر اجتماع كان متوسط وليس موسع كنا 1500 شخص فاصدقائي بوعدكن انو يكون النا وجود بالدعم فاللي حابب يكون موجود يعلق وبعدين منفصلكن شو ممكن نعمل حتى الدخول والدعاء بالتوفيق هو اهم شي حتى تتيسر الامور بوركتم |
ربي ينصركم على كل ظالم وفاسد قلوبنا مع اهل درعا ومع كل ثائر للحق في كل مكان ربي يعجل بنصرهم عاجل غير اجل ويرزق شهداء المسلمين الفردوس الاعلى كان الله بعون الشعب السوري وفك أسرهم من قيود الطاغيه وزمرته |
ربي ينصركم على كل ظالم
ربي يحميكم ربي يرزق الشهداء الفردوس الاعلي مشكور اخي حمود الله يعطيك العافية تقبل مروري |
اقتباس:
شكرا لك جميلة على كلامك الطيب وكلنا في الهم سواء واول النصر هو دعاء واكف مرفوعة الى رب العالمين تحايتي لك |
اللهم يا أرحم الراحمين يارب العالمين ياذا الجلال و الإكرام
ارحم شهداءنا و تقبلهم في عليين اللهم اجعلهم عندك من الصديقين اللهم تقبل نفوسهم بأحسن ما تقبلت به نفوس الصالحين اللهم اجعل نفوسهم في حواصل طير خضر ترد أنهار الجنة و تأوي عند المساء إلى ظل عرشك يارب العالمين اللهم تقبل أرواحهم و تقبل شهادتهم و تقبل أعمالهم اللهم شافي جرحانا و فك أسرانا اللهم أنس وحدتهم اللهم أزل كربتهم و خفف أوجاعهم و أحزانهم اللهم أطلق سراحهم اللهم فك قيدهم يا أرحم الراحمين اللهم أمسح بيمين لطفك على قلوب الثكالى و اليتامى و الحزانى و المنكوبين يارب الضعفاء يارب الفقراء يارب اللاجئين يارب المشردين يا كنز الفقراء نحن الفقراء إليك اللهم إن الظالمين قد خربوا البلاد و قتلوا العباد و انتهكوا الحرمات و الأعراض فرد اللهم كيدهم في نحرهم و ارزقنا النصر عليهم اللهم إنا مظلومون فانصرنا اللهم فرجك القريب فرجك العاجل يا أرحم الراحمين يا إلهنا ياسيدنا ياعظيمنا يا أرحم الرحمين ياغارة الله ,,,, يا غارة الله ,,, يا غارة الله مبادرة اكثر من رائعة ياحمودة وشكرا الك على تعاونك معنا ومتل ماقال وسام ثورتنا نصرة لدينا مو لاسقاط ال.... وان شاء الله رح كون من المساهمين معكن عطول ومارح قصر ابدا باذن الله وانا دائما بقول وقت بدي اجي اعطي شيئ بقول لاتستحي من اعطاء القليل فاحرمان اقل ... وشكر كبير كتير لوسام وهوي بيعرف ليش |
وهي انا كمان هون يعني مو معقول ماتشاركوني معكم
حمود شكرا الك كتير على هي البادرة الي بتعطي بنفوسنا وبنفوس كل السوريين اثر كتير كبير على انو كلنا اخوات المهم لورد انا وكم شب حر على كيفك بدنا نقدم شي اكتر من دعاء طبعا ما النا غنا عن الدعاء بس حابين نقدم شي على ارض الواقع انتا ارسم الطريق وحط طلباتك وكيف التوصيل ونحنا جاهزين اكيد شو مارح نقدم قليل هي سوريا بس ربي يقدرنا ونعمل شي بسيط نخليهم يشوفونا جنبهم |
الف شكر هيثم لمرورك الطيب
ودعائك الذي نحن بحاجة اليه ياسوووو رائع كتير دعائك اللهم امين ...اللهم امين واكيد الك دور كبير لانو عندك تجربة بهالقصة وهالمرة رح نجمع جهدونا ونحث الي عندو حافز وخايف ونشجع للي مابيعرف ونشرح للي بدو يساهم ونيسر الامر بعد تيسير من رب العالمين ونجمع جهودنا حتى يكون الها وقع افضل واكبر فيكي تحكي انتي كمان للاعضاء عن تجربتك وشو عم تعملي حاليا وعشان الشكر موصول اكيد وفكرتك عظيمة كتير ورح تئلف بين القلوب اكتر ورح تخلي كتير ناس تشعر بسعادة من نوع تاني قلال الي اختبرو هيك تجارب بحياتن والله يقدرنا ندخل السعادة لقلب الجميع جد الشكر الك انتي |
بسم الله الرحمن الرحيم يا ودود يا ودود، ياذا العرش المجيد، يا مبدئ يا معيد، يا فعالاً لما يريد، نسألك بنـــور وجهك الذي مـــــــــــلأ أركان عرشك، ونسألك بقدرتك التي قدرت بها على جميع خلقك، ونسألك برحمتك التي وسعت كل شيء، لا إله إلا أنت، يا مغيث أغثنا،يا مغيث أغثنا،يا مغيث أغثنا من بشار وأعوانه ومن والاه. اللهم أحصهم عددا واقتلهم بددا ولا تغادر منهم احدا ، اللهم سلط عليهم جنودك ، اللهم دمرهم بقدرتك وجبروتك ، اللهم أذلهم لنا واجعلهم عبرة لغيرهم يــــــــارب العالمين، اللهم احفظ المجاهـــــدين في في سوريا كلها وحمص وفي بابا عمرو خصوصها من بين أيديهم ومن خلفهم وعن ايمانهم وعن شمائلهم ومن فوقهم ونعوذ بعظمتك ان يغتالوا من تحتهم ، اللهم ثبت أقدام المجاهدين .. وســدد رميهم .. وانزل سكينتك عليهم .. وقوي شوكتهم .. وأيدهم بجنود من عندك .. والحقنا بهم .. اللهم انصـرهم نصرا مؤزرا .. عاجلا غير آجل .. اللهم اطمس على أعين أعدائهم فلا يجدون لهم ســــــــــــبيلا .. اللهم اطمس على آذانهم فلا يسمعون لهم حسا .. يا رب العالمين .. اللهم فك أســــر المأسورين .. .. عاجلا غير آجل .. اللهم افرغ عليهم صبرا .. اللهم افرغ عليهم صبرا .. اللهم افرغ عليهم صبرا .. واحفظهم بحفظك .. واحــــــــرسهم بعينك التي لا تنام .. اللهم من أراد بهم كيدا فرده في نحره .. اللهم من أراد بهم ســــــوءا فاشغله بنفسه .. اللهم شل يد كل من اعتدى عليهم بالفعل .. اللهم وأخــــــرس لسان كل من تمادى عليهم بالقول .. اللهم لا تكلهم إلى أحد سواك فيخسرون .. أنت إلهنا وإلههم .. لا إله إلا أنت اللهم منزل الكتاب ومجري السحاب وهازم الاحزاب اهزم اعدائنا يارب العالمين ... .. . نحنا معكم ع المووووت واي شي لعيونكم نحنا .. مشكور اخي حمود بادرتك تدل على نخوتك وشهامتك بارك الله فيك احترامي للجميع |
اقتباس:
مافي غنك عنك حجي ابدا انت راس الحربة بهيك قصص بعدين لاتنأى بنفسك عن القصة شو خفت عرقبتك ولا شو ههه مو انت من المؤسسين :122: شحطووووو اول شي عراسي بلدك ويسلم الجبل كلو من عنا لعندكن واحلى جبليين والله وبهاليوم الي كلو تلج الحمد لله صديقي رح نحكي عن الفكرة شوي نحنا اسبوعيا منشحن اغراض لسوريا بس هالمرة انا وشخصين عم نعد شحنة 50 طن يعني حمولة سيارتين تريلات او برادات وفي جهات كتير عم تدعمنا والحمد لله اسمائنا عنوان للثقة وفي ناس عطتنا مفاتيح مستودعاتها وقالو فوتو ايمتا مابدكن وخدو الي بدكن هي نعمة بحد ذاتها انو الامانة والثقة تكون ملازمة لاسمك ــــــــــــــــــــــــــــــــــــ والحمل الي رح نودي حيكون متنوع بين :: طبي (اهم شي ) اكل ( اصناف معينة ) اغذية اطفال (نييدو وحاجيات للطفل ووو) بطانيات = حرامات البسة (جديدة حصرا ) وشغلات تانية هديك الها مسار تاني يعني جل اهتمامنا هون يكون الدعم انساني اغاثي بحت هدفو مساعدة الثورة على الاستمرار ومساعدة ضحايا النظام والو عمل رح نركز علي هو معالجة الجرحى لانو برأي من انبل الاعمال لربما ساعدنا نفس ان تحيا فمنكون كأنو احيينا الناس اجمعين فتخيل الثواب عند ربك وللي حابب يكون موجود اي شي بحب يستفسر عنو او شي فكرة غايبة يتفضل وانا حاضر طبعا للسرية في ناس وضعن حساس ومافين يكونو على العلن فيكن تراسلو ني او ياسمين الشام او حمودة باشا ورح يكون الاسم غير قابل للطرح اطلاقا وواجبنا نحافظ على الامانة والله موفق الامور اللهم يسر مسعانا لما تحب وترضا |
حمود ولورد
بجد كنا منتظرين مثل هالاعمال الفعليه ع ارض الواقع بادره خير تفتخروا فيها والله يجعلها بميزان حسناتكم الدعاء واجب لكن العمل كمان واجب والمؤمن القوي خير عند الله من المؤمن الضعيف تقديم المساعده واجب والا اصبنا ببلاء ماله اول من ثاني واحنا نتفرج بس وما نعمل شي القضيه قضيه دين وباذن ربي ما نهملها كل شخص حسب استطاعته والله يوفق الجميع لما يحبه ويرضاه |
هات لتنشوف اول خطوة
|
اخي الي حابب يكون بهالحملة
مبدأيا واهم شي هو الدوااء يحاول يدبر الشخص بطريقتو (اصدقاء معارف اقارب منو شخصيا ) انواع معينة من الدواء تعتبر الضرورية وهلاء بذكر القائمة مثلا انا مابرح كنت سهران مع شباب فقلتلن يا شباب عنا حملة جديدة تحت اسم تيرا (طبعا تيرا شو ماحدا بيعرف ههه) فبدي تطيرو وتنفضو حالكن وتجيبولي ادوية نشحنها لثوار سوريا والحمد لله قبل شوي واحد اتصل وقلي دبرتلك كام نوع منن طبعا الكمية على قدر المستطاع (لايكلف الله نفسا الا وسعها) بس وقت بتجمع رح يكون الها حيز ممتاز فيا صديقي شوف الطريقة الي بتناسبك وجمع ادوية لبين ما خبرك شلون نجمعن مع بعض وقائمة الادوية المهمة والمطلوبة هي :: ـــــــــــــــــــــــــــــ 1- قطن وشاش بجميع الأنواع . 2. خيطان جراحة بأنواعها . 3. أكياس دم .(فاضية) 4. جبس بلاستيكي . 5. سيرومات واجهزة نقل سيروم . 6. ابر ادرينالين + اتروبين . 7. مورفين + ببتيدين . 8. مورفين MORPHIN 9. ميدازولام MIDAZOLAM IV 10. اتروبين Atropen 11. ادرينالين ADRINALIN Iv 12. دوبامين DOPAMIN IV 13. افدرين EPHEDRIN IV 14. ديكساميتازون DEXAMITAZON IV 15. هيدروكورتيزون HYDROCORTIZON IV 16. Ceftriaxone 17. Augmentin 18. Mediazolam 19. اهم شي ابر الكزاز 20. انابيب تفجير ـــــــــــــــــــــــ طبعا هي القائمة وصلتنا من الاطباء في المشافي الميدانية فممكن الاسم يكون ببلد تاني مختلف فمنجيب المرادف الو وجهة التوصيل ستكون لحمص حصرا |
طبعا سنكون من المشاركين
شكرا حمودة منتواصل لورد |
في شخص من الموجودين الله يجزاه الخير
طلب عدم ذكر اسمو رح يوفرلنا شي 15 بطانية وكمية من الادوية بوركت اخي ومتواصل على طريقة التوصيل والشحن حياك الله |
اول كمية من الدوا صارت موجودة عندي الحمد لله
ويوم الجمعة رح يوصلني دفعة تانية من شخص طلب عدم ذكر اسمو ورح فيدكن بالصور ومقاطع فيديو اليوم او بكرة ان شاء الله الشغلة جد مو بس حكي يا شباب انا شغال وبعدة اتجاهات الحمد لله بس حابب يكون للي هون دور حتى يحسو انو قامو بدور معين ما ضلو صامتين او بس دعاء لانو العمل افضل من الدعاء والدعاء شغلتو ييسر العمل فيني ابعت كل شي هلاء عن طريق اسمي او المنظمة تبعي بس حابب يشعر البعض منكن بسعادة غريبة من نوعا صعب الواحد يختبرها الا عند وجع الضمير والضمير واجعنا ومكتر بصمتنا عن اهلنا الي عم يندبحو او شلون صمتنا عن اقتحام الاقصى وبهالوقت هاد لاحدى يرضى فيكن انو يضل عايش على الهامش هامش الحياة للاشخاص المحطمين والضعاف كل شخص فقوة بحد ذاتو بس لازم يعرف وين يوجه مجهودو حتى يكون راضي عن نفسو نحنا هون اسرة وحدة من كل البلدان ومصاب واحد فينا هو مصاب للجميع وحابب اني ساعدكن بدخول بسمة فرح وطمئنينة لقلبكن نفس الي صار معي يوم اول مرة شفت ناس عم تتعالج بشي انا بعتو وعد حر رح تنزل دموع البعض منكن فرح |
حابة قول شغلة انو دم الشعب السوري يلي عمينهدر برقبتكن
وبتمنى تقدمو مساعدات للشعب الفلسطيني اللي هو بحاجتا سوررررررري على رأيي السلبي بالنسبة الكن الجيش الحر في سوريا هو اسرائيل في فلسطين |
اختي سول شو هالحكي الي تحكيه الناس عم تنقتل وناس عم تتهدم البيوت فوئ راسها وتحكلي فلسطين واسرائيل شو هالحكي احكي بكل عقل اختي ونحنا مو بحاجة لمساعدات الحمد الله وتاني شي اهل حمص هم احئ بكل شي هلا والجيش الحر هو الي رح يبني لكم وطن جديد ورح تحسي بالكلام مو هلا بعد ما ينحل عنكم الحكم الفاسد اختي انتي لو بحمص وانكسرت كاسة مية حد ايدك من شخص يمكن تقيمي الدنيا وتئعديها شلون ينزل عليكي بيت او اخوكي يموت او امك او اختك فكري وراجعي حسابتك واتقي الله بكلامك اختي لانو كل مايلفظ لديه رقيب عتيد وانا مو حاب اتنقاش كتير بالحكي بس الواقع هو سيد الموقف وانتي اخت النا وياريت لو مو حابه تكوني بحملة او اي شي السكوت احسن من اي كلمة تنزل من معنويات اهل النخوه واتمنى اي عضو مو عاجبو اي موضوع بالمنتدى مايفوتو احسن احترامي للجميع |
نعم ! يعني هلئ الجيش الحر صآر آسرآئيل وبشآر صآر ملآك ؟
|
سول الجيش الحر تابع لشباب سوريا مو لاي حد شباب بيحبو الله ورسوله واذا بدك تتكلمي اتكلمي بالخير
لانه مو مضيع وطنا العربي غير هالكلام كل شي فيه خير ننسبه لاسرائيل وبنحط الخطأ ع رقبه الشعب البهدله الي حاصله بفلسطين برقبتنا كلنا وانتي معنا كمان وسوريا واليمن وغيرو وحتى دم المسلمين الي انهدر بالعراق سوريا راح تتحرر وفلسطين باذن الله وراح يتصلح وضع اليمن وغيرو ع يد رجال بيحبو الخير فلا يكون كلامك جدار بوجه الخير واذا ما فيكي تعملي شي فالافضل تدعي بالخير وتقولي يارب سهل |
لك شبك عمو سول متل الشيبة
هدي اعصابك الجيش الحر جيش الاشراف مو متل جيش الكفر تبع بشار كل واحد لسة ساكت على الي بصير وواقف مع هالنظام بكون انسان ميت اخلاقيا لذلك وجب عدم الرد على امثالك بالفعل المتل طبئ بهاد الموضوع تمااام القافلة تسير و ههههههه سبحان الله شلون الله مضيع هيبتكن ولك بقص ايدي اذا ما بتطلعي من جماعة الكباب هههههه |
اقتباس:
أنا ماجبت سيرة بشار على لساني وفهام انا شو عمبحكي |
اقتباس:
ليش حضرتك عايش بحمص ولابسوريا أنتو اهل نخوة ويعطيكن الف عافية وكتر خيركن بس عرفو شو عمتعملو وشو عمتحكو وشو عمتشوفو لأنو الشغلة اكبر بكتير من مانكن متخيلين وبكرر اعتذاري لدخولي على موضوع مابخصني |
انا بفهمش بعيد عنك ....
فهميني انتي .... |
خلينا من هالترهات هي وعنا قافلة بدها تسير
وهي اول صور للعمل على الارض الحمد لله جبتلكن الياهن على السريع ورح زودكن بمقاطع فيديو موثقة عما قريب ان شاء الله حتى الي حابب يكون معنا يحس انو فعل شي وبذل مجهود ويشوف مجهودو بعينو من اهم الشغلات الي علمتنا الياها الثورة هية ( التوثيق ) والناس عم تستشهد كرمال يوثقو لقطة او يحملو مقطع [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] |
لورد حلو والله وفرحت كثير لوجود هالشي
والله يتممه ع خير ويبارك بهالشي الي بيعملوه اهل الخير بس بالنسبه لوصولها هناك هو الاهم وهاد الي بدي اعرفه |
اقتباس:
اول الشي انا هلئ من هنا من امام شاشة الكمبيوتر وانا عم اكتب الرد بهي اللحظة بدي العن بشار ابن الصرماية ثانيا الجيش الحر اشرف من كلشي بصف بشار هلئ اسف للمقارنة بعرف انو الجيش الحر اشرف بكتير ثالثا ر وحي عين عمك شوفي مين حامي حدود اسرائيل واذا مابتشوفي روحي لعند بشارك دكتور عين الله يجعل العين تطرق هيك حكي واخر الشي اوعك شوفك هون مواضيعنا لاتفوتي عليها ماقرئتي مكتوب لشرفاء بس ؟ |
الله ينصر الثورة السورية
|
الله لا يضيع جهودكم لورد ويوفقكم وباذن ربي نشوف جميعا االنتائج قريب
|
بحبش وسام وخود راحتك بس للاسف مو رايحين لحدا غريب رايحين لأهالينا
الله يكون معن ويحمين يارب اكيد رح اوفي بوعدي بس طول بالك اشوي |
طيب طيب رح طول بالي
بس شوي ها مو كتير هه اليوم جهزنا العدة الاولية لدكتور او طبيب المشفى الميداني مع مساعدين وقليل من عدة للعمليات لبين ما نجهز الباقي ان شاء الله [عزيزي الزائر يتوجب عليك التسجيل للمشاهدة الرابطللتسجيل اضغط هنا] |
ماشاء الله كتير تبارك الله حلو وسام الله يزيدن يارب
والله يعطيك الف عافية على المجهود الرائع اللي عم تقدمو |
بسهرة خفيفة عند صديق مندس
وعلى اساس مارح نحكي شي بامور الثورة او المظاهرات فماشاء الله اولادو لهالصديق طلعو مظاهرة بحد ذاتن وابنو هالكر الصغير لسة مابيعرف ينطئ حرف عم يتظاهر شوفولي هالسهرة الخفيفة بدون مظاهرات [عزيزي الزائر يتوجب عليك التسجيل للمشاهدة الرابطللتسجيل اضغط هنا] ههههه اخر شي ال مابتعرف تغني ينعن ابوكن على هالخلفة المجعلكة |
الله حيووو ياسووو وشكرا كتير للسرعة ولهالكمية الكبيرة
هي كمية كبيرة من كياس الدم بتطلع شي 1200 كيس ومن اهم متطلبات المشافي الميدانية للثوار هية اكياس الدم وبهالكمية منكون تقريبا صرنا مجهزين مشفى ميداني كامل شكرا كتير ياسمين وجعله في ميزان حسناتك [عزيزي الزائر يتوجب عليك التسجيل للمشاهدة الرابطللتسجيل اضغط هنا] |
مآ شآء الله والله الحمد لله لهلئ مشي منيح وانشآ الله تضل الهمه هيك ....
ونتشكر كل من تبرع وانشآ الله في ميزان حسناتكم ونتشكر كل من عم يساهم بهالحمله .... ونتشكر كل من عم يساعد لآرسآل المواد ... ونتشكر يلي عم يبعت حتى لو ليره وحده لمسآعده هالشعب الحر ... وانشآ الله الخير جآي ... والحريه جايه ولسآ الخير لئدام يآ آبطآل سوريآ .... |
السلام عليكم ورحمة الله وبركاته
انا الي زمان مافتت المنتدا بس ربي بيشهد انكم ما رحتو من بالي وانا حبيت اشارك بهالدعاء منقول بس حبيت انشره بهالصفحه يا رب تستجيب لدعاء كل مظلوم يا أرحم الراحمين يا أرحم الراحمين يا أرحم الراحمين يا حي يا قيوم يا من أمره بين الكاف والنون يا من قلت وقولك الحق "أدعوني أستجب لكم" يا قريب لا بعيد يا مغيث يا مغيث يا مغيث نسألك بكل اسم هو لك سميت به نفسك أو أنزلته في كتابك أو علمته أحد من خلقك أو استأثرت به في علم الغيب عندك نسألك باسمك الأعظم الذي إذا دعيت به أجبت وإذا سئلت به أعطيت وإذا استفرجت به فرجت يا حنان يا منان يا من هو القاهر فوق عباده يا مالك الملك ياذا الجلال والإكرام يا الله يا الله يا الله سورية يا الله، نستودعك إياها ونستودعك إخواننا فيها فإنه لا تضيع عندك الودائع. يا من لم تخذلنا ولم تردنا خائبين يا مجيب الدعاء يا سميع يا بصير يا لطيف يا حفيظ يا كافي أيدهم بجنود من عندك، ثبتهم وانصرهم، احقن دماءهم، ألف بين قلوبهم، أسدل عليهم سرادقات حفظك. يارب إن لهم عندنا منزلة، أخوتنا وأحبتنا وأهلنا، فلا ترنا فيهم سوءا يارب إنهم يقتلون في ظلمة الليل والعالم عنهم غافل، ولكن سبحانك لا تأخذك سنة ولا نوم، فاحفظهم وصبرهم وقوهم. يارب من لنا سواك نسأله فيجيبنا ونستعين به فيعيننا يا كاشف الغم ومفرج الكرب ارفع عنهم البلاء وادفع عنهم الظلم يارب بحبيبك المصطفى انصرهم، انصرهم، انصرهم يارب امنن عليهم بنظرة رضا منك ترفع بها قدرهم وتجبر قلوبهم وتزيح عنهم الغمة وترزقهم فتحا مبينا. اللهم صل على سيدنا محمد صلاة عبد قلت حيلته ورسول الله وسيلته وأنت لها يا إلهي ولكل عظيمة ففرج عنا وعنهم ما نحن فيه بسر أسرار بسم الله الرحمن الرحيم. [عزيزي الزائر يتوجب عليك التسجيل للمشاهدة الرابطللتسجيل اضغط هنا] آأإللهم آأإميــــــن |
الله يجزي كل فاعلين الخير بالخير
ونحنى مو طالع بئيدنا الا الدعاء يا رب تصبر اهلنا بسوريه وفلسطين والنصر قريب بعون الله وهالشي مكتوب من رب العباد بسم الله الرحمن الرحيم وصلى الله على سيدنا محمد وعلى اله وصحبه وسلم اللهم بسطوة جبروت قهرك , وبسرعة اغاثة نصرك , وبغيرتك لانتهاك حرماتك , وبحمايتك لمن احتمى بآياتك نسالك يا الله يا الله يا الله يا سميع يا قريب يا مجيب يا سريع يا منتقم يا جبار يا قهار يا شديد البطش يا عظيم القهر يا من لا يعجزه قهر الجبابرة ولا يعظم عليه هلاك المتمردين من الملوك والاكاسرة ان تجعل كيد اليهود والكفار في نحرهم ومكرهم عائدا اليهم وحفرتهم التي حفروها واقعين فيها ومن نصب لنا شبكة الخداع اجعله يا رب مساقا اليها ومصادا فيها واسيرا لديها اللهم امين [عزيزي الزائر يتوجب عليك التسجيل للمشاهدة الرابطللتسجيل اضغط هنا] |
ي بارك الله فيكم جميعا وربي يديم الروح الانسانية والوطنية العالية الي يمتاز فيها كل شخص فيكن وان شاء الله ربي يفرجها وتزول هالغيمة السودا عن سماء سوريا الحبيبة برحيل الطاغية بشار واعوانه وترجعلنا الحبيبة ويرجع كل غايب عن اهلو ودياروا الف شكر الك اخي لورد وحمود وكل الي موجودين والله يديم الالفة والمحبة والاخوة الي جمعتنا هون والي بتدل على الاصل الطيب لكل شخص فيكن احترامي |
الله يقويكن ويعطيكن الف عافية اخي وربي لا يضيعلكن تعب وان شاء الله يجينا الفرج عن قريب ونخلص من هالطاغية ابن الطاغية وربي يرحم شهدائنا ويسكنن فسيح جناتو احترامي |
| الساعة الآن 04:00 AM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
