|
كتابة ئصة حياتك بخمس اسطر موضوع تعبير
بسم الله الرحمن الرحيم
السلام عليكم ورحمة الله وبركاته مرحبا انا حبيت نزل هالموضوع من شان اتعرف على الاعضاءالي انا بئضي اكتر وئتي معهم وصارو جزءمن حياتي حتى كلمة اعضاء مو لايئه فيهم لازم احكيلكم اخواتي (الموضوع ) عباره على كتابة ئصة حياتك بخمس اسطر يعني موضوع تعبير زكرني بأيام المدرسه وتفضلو الي حابب يكتب |
لعلي لا اتقن تصفيف الكلمات ولا تنميقها ولكني اعرف ان كل ما ساكتبه هو من وحي خاطري ونابع من اعماق قلبي فانا يا سادتي فتاة تعرفت على الالم وكان مرافقها على الدوام بينا كنت لا اصادف السعادة الا احيانا لذلك كنت استغل كل لحظة فرح قد امر بها لاني على يقين بان الحزن سيعود الي مجددا فهو لا يقوى على فراقي ومع هذا فاني لم استسلم بل كنت اواصل طريقي رغم العثرات والضربات التي كنت اتلقاها هذه باختصار قصة حياتي يرميني الالم فيلتقطني الحزن وبين هذا وذاك التقي الفرح هي اكثر من خمسة اسطر اسفة همس تقبلي مروري وفعلا موضوع روعة كصاحبتو |
الله يبعد عنك الالم جمولتي
ويجعل حياتك خير وسعاده يارب اسعدني تواجدك قلبووووووو |
انا بنت مدللة عند اهلي الصراحة واهلي مامقصرين معي بشي بس كل هاد وبحس انو في شي خانقني بحس انو هيك ناقصني شي صحيح بضحك وبمزح يعني بحب انسى همومي الخاصة طبعا مابعرف شو بدي قول بس ماني مرتاحة دايما بحس حالي مخنوقة من الحياة ماعندي شي اكتر اقولة
هموس موضوع حلو تقبلي مروري |
السلام عليكم ورحمة الله وبركاته ............... حيآآتي ........ حيآآتي عبآره عن خيآل وآسع ... كل محآورهآ خيآل .... لآ أحد يصدق هذآ ..... آلجميع يقول غير معقول .... لآ توجد حيآه كهذه ...... ............... يسلمو آيدك همس .... والصراحه ما عرفت عبير غير هاد التعبير ..... لآن هذآ الي عم بصير .... |
السلام عليكم ورحمة الله
حياتي ...... كنت سعيدا في حياتي الى ان جاء يوم سحبني القدر الى شطآآن الهم والخيبة والحزن الى جزر معزولة عن البشرية هو يوم الفرقة حين ابتعدت عن محبوبتي هذه حياتي التي اعيشها هي الثواني والدقائق التي اعدها هي حلم وامل كبير بعودة محبوبتي الي ولكن هذا الحلم كبير بكبر البحر فانا اعتبر نفسي ميتا لا حياة لي فروحي ذهبت مع حبيبتي فلماذا اعيش ولمن اعيش هل للحياة طعم من بعدها هوا حبي الاول واتوقع ان يكووون الاخير ..... تحياتي لكي موضوع رائع تقبلي مروري ..... عـــآـــي عآشـــق آلســهــر |
حبيبتي صدى الله يبعد عنك كل لهموم والاحزان
ويجعل ايامك خير وسعاده يارب بظل والديكي اسعدني مرورك |
حمود يارب كل احلامك بتتحئئ واول حلم الرجوع لبلدك
الي هيه بلدي ويسعد كل ايامك يارب واسعدني تواجدك تقبل فائق الموده والاحترام |
اسعدني مرورك علي
بس بالنسبه لوضعك لازم تكون اقوى من هيك وهي مو نهاية العالم انك تفقد من احببت بالعكس لازم هالشي يزيدك قوه وان شاء الله بتلائي الب جديد يعوضك تقبل مني فائق الاحترام |
كتاب حياتي يا عين ...
حياتي عباره عن قارب صغير بنص البحر وبتلعب في امواج البحر يوم شمال ويوم يمين يوم بتوصلو لبر الامان وجزبره كتير حلوه ويوم بتوصلو على جزيره مليئه بالوحوش هاي قصه حياتي باختصار بس مو الك اختي للي حابب يعرف:innocent[1]: مشكورره اختي موضوع حلو كتير تقبلي مروري تحياتي [عزيزي الزائر يتوجب عليك التسجيل للمشاهدة الرابطللتسجيل اضغط هنا] |
منوره حياتي سوزان
ان شاء الله السفينه على طول توصل لبر الامان |
الفكرة حلوة كتيرر
أما عن حياتي للي حابب يعرف : الظاهر اني محظوظ ببعض الأمور قياساً مع اللي كتبوا قبلي.. أنا بكل بساطة شب عايش مرتاح وقربت خلص المرحلة الجامعية بالاختاص اللي بحبو بجو عائلي حلو كتير مانغّصو غير وفاة الأب وعايش حالة عاطفية حلوة كتيرر ببساطة مبسوط بس عندي شي واحد بيدايقني اني شب وحيد وكتيرر كنت بتمنى يكون عندي أخ من باقي الناس. لك مودتي ..... سومر |
الله يسعد كل ايامك وعقبال التخرج
الله يرحمه ابوك ويجعل مثواه الجنه كل الناس الي بتحبك اخواتك يعني لاتزعل سموره اسعدني مرورك |
انا حياتي كانت عادية متل حياة اي شخص مريت بمرحلة الطفولة وهي المرحلة من اغلى المراحل على ئلبي ودايما اتمنى ارجعلها
واحلى ايام دراستي هيه الي قضيتها بثانوية الفندقة والسياحة بحب اهلي ورفقاتي كتير وانا حالياً بشتغل سكرتيرة بشركة بيبسي للمياه الغازية انا مبسوطة بشغلي وبحياتي العائلية والمهنية والعاطفية عندي حبيب بموت فيه وبحلم كل يوم باليوم الي رح نكون فيه ببيت واحد ازا الله راد يعني مابعرف شو بدي احكي ماطلع معي غير هيك بحبك هموسة ربي يسعدك ويسلم ايديكي عالموضوع ياعسل ودي ومحبتي لك |
الله يسعد كل ايامك سوزي
وربي يجمعك مع الي بحبك وبتحبيه يا رب اسعدني تواجد |
خمس سطور يا هموس ما بتكفي ضل الك فين غربة غربة غربة
هههه الله يسامحك رح حاول تكرمي انا كبير العيلة لاخين شباب تانيات ونحنا عيلة بتحب بعضا لابعد الحدود مابتذكر اني طلبت شي وما اجاني او تمنيت شي وماكان متل مابدي عشت الدنية بطولا وعرضا وماخليت على قلبي هم وماخليت شي ماعملتو وجربتو مبسوط ومرتاح كتير بحياتي صار مراحل كتير فاصلة بحياتي لحتى وصلت لمرحلة حياة او موت فنجبرت غادر بلدي قسرا وتغربت عن كل اهلي وناسي غصب عني وزرت عدة بلدان والتوفيق من رب العالمين وكل همي وجل وقتي وجهدي كلو حاليا مصبوب انو بلدي ينال حريتو وترجع لشعبي عزتو وكرامتو المسجونة واقسمت مابتراجع عن هالشي حتى لو متت انا وكل اهلي والحمد لله بلشنا باول شهيد من كام يوم (ابن عمتي) لك لك لك لك صارو عشر سطور همس هههه يالله هيك بكفي تحياتي الك ولمواضيعك الرائعة استمري بابداعك |
اقتباس:
ربي يسعدك ويحميك ويحمي كل عيلتك واحبابك لورد وان شاء الله بترجع الحرية والله يفرجها علينا وعلى امة محمد اجمعين |
:a018[1]:
من زمان ما عبرت لي ترجعينا لايام المدرسه :115: همس لتكوني داسوس لتعرفي اخبارنا :142: 1_بصراحه راح اقول واعترف 2_انا بنت كنت دلوعه كثير :(3_ومالي لا بالثور ولا بالطحين 4_مافي شي بحياتي مهم اليوم مثل امس امس مثل اليوم:121: 5_بس راضيه ولله الحمد :212: خلصت الخمس اسطر بظن كدا كفايه |
اول شي اسعدني مرورك اخي لورد
ويارب يخليلك اخواتك واهلك ويخليك الهم ويرحم ابن عمتك ويرحم كل شهيد استشهد من اجل بلده وان شا الله بترجع لبلدك وبترجع سوريه لاهلها وناسها المشكله انه اهلها وناسها خانوها ::::::::: ما علينا ويخليلك حبيبتك ويخليك لحبيبتك ياااااااااااااااا رب تقبل كل الموده والاحترام |
عبوره لك شو جاسوسه وما جا سوسه لك لك
ئولي مافيه لك بتكون احسن من جاسوسه ئصتك ما في اسرع منها مختصر مفيد لكي حبي واحترامي |
انا بحب الكل يعني بحب شوف شخصين بيحبو بعض بفرحلون كتيررررررر وبحب اهلي كتيرررررررر قد ما بتتصورو وبحب حبيبي كتيررررررررررررررررررر بحس انو هو اغلى من روحي برتاح بوجودو معي وبحب رفقاتي كتيرررررررر وبحب المنتدى كتيرررررررررررر والحمد الله انو توفقت بدراستي وفتت ع الفرع يلي بحبو وبتمنى السعادة والخير لكل الناس |
منورة زهوره ربي يفرحكم انتي وحبيبك
ومشكوره على مرورك العطر ربي يوفقك بكل مجالات حياتك يارب تحياتي الك حبي |
السلام عليكم ورحمة الله وبركاته
اول شيء 1- بحب اهلي كتير وبالذات امي مقدر اعيش بدونها 2- اتمنى احفظ القرآن الكريم كامل ويارب تتحقق 3- اخاف الله واحب حياتي واتمنى اموت وانا مخلصه القران الكريم مع اني بادئه جديده يارب يوفقني وايضاً احب انصح اي  ء احد اشوفه غلط 4- اسامح كل من يزعلي وأخطئ بحقي بس بعد ماأبكي واكبر صدري واسامح لآنو ربي يغفر وماأنا لكي لا اغفر 5- إذا ربي أراد ان كنت عايشه فأتمنى اتزوج من شاب يكون يخاف ربه ويعرف حياة الزوجيه ويكون بارد الأعصاب وصبور و اهم انه يحبني و نعيش حياة حلوه وسعيده و يسلمو على موضوعك أختي أستمري كلك حلا |
لك تعي همس احكيلك حياتي بخمس تسطر على قولة اهل ضيعتنا
بداية انا شب وسطاني بعيلتي ماعندي اخوة شباب غير واحد اصغر مني دراسة ولاتسئلي باعلى الجامعات درست وهي حطيها بين قوسين لاني مادرست غير ابتدائي مارح احكيلك بحب اهلي لانه الكل بحب اهله عايش بساطة وهي بيرضيني ماعندي طوح وللا احلام غير ترجعلنا سوريا حرة وبموضوع الحب (.......................................) خير الكلام ماقل ودل عايش بالغربة الي الله يخلصنا منها واخير الشي بشكر الله على الاخوة الي لاقيتها هون عوضتني عن كلشي ناقصني بعنب باختصار ناقصني شي واحد ضل وماحدا فيه يقدمو الي نقي الخمس سطور الي بيعجبوكي همس سلام |
اقتباس:
بس مافهمت مين اهلها وناسها الي خانوها |
اقتباس:
بس مافهمت مين اهلها وناسها الي خانوها |
منوره حبي لا وان شاء الله ربي بنولك كل مرادك
وان شاء الله تكوني من حفظة القرأن الكريم يارب منوره الموضوع تحياتي الك |
لورد الي بصير بسوريه من عم يعملو مو اهلها
دمهم مو سوري ولا انا غلطانه ؟؟؟؟؟؟؟؟ |
غلطانة مو سوريين ولا دمهم سوري
هدول شوية ناس ايجونا من ايران |
اهلين رامز افندي منور الموضوع
وبعرف خمس سطور ما بكفي بس هيك تعلمنا نكتب موضوه في بدايه وطرح ونهايه بخمس اسطر المهم اول شي بتمنالك راحة البال وترجع لاهلك وبلدك وربي ينولك مرادك يارب تحياتي الك |
اممممممممممممم
التيلي خمس سطور ما !!! هههههههههههههههه طيب اول الشي انا بنت عايشي مع ماما الله يخليلي ياها دلولت العيله ولا مره زعلت بحياتي كل حياتي فرح وضحك رغم انو عايشي من دون ( اب ) بس اريحلي ههههههههههههههه عندي 4 شباب الله يسلمهم مامئصرين معي بشي وعندي 3 خوات يسعدل ئلبهم اي يعني كاااااااانت حياتي كلها ضحك ولا تنسو حكيت كانت يعني فعل ماضي خلص بيكفي حكي خلص صارو 5 سطور مارح كمل ميرسي حبيبتي على الموضوع الرائع تحياتي.. |
منوره شامه حبي حياتك كانت ضحك
وان شاء الله راح ضل ضحك وفرح الله يخليلك الوالده يارب وما يحرمك منها ويخليلك اخواتك الشباب والبنات تحياتي الك قلبوووووووووو |
نظمتي الحروف بقدرة واقتدار
وبجمال سطرتي اجمل الاشعار وبرقة احساسك نثرتيها ازهار وعزفتي عذب الانغام على الاوتار لتملكي علينا البابنا ..فهى اسحار وترقي لها قلوبنا .. وتقتحم كل الاسوار فلكي منا جميل الشكر على حرفك البتار مارح رد بخمس اسطر رح رد بكلمتين لانو حياتي كانت ولا شي ابل ما فوت تيرا الحب ومنتداها وتعرفت بهيك ناس دمتي غاليتي وسلمت يداكي تقبلي مروري المسعود بوجودك ووجود الطيبين تحياتي |
كنت مدلل العائلة ومحبوب من قبل كل من يعرفني انهية دراستي الثانوية وانقلبت الامور الى مالاتريد النفس تغير النفوس الناس و الاصدقاء والاقرباء وكل شي بسب ماجرى في بلدي العزيز صعبة الامور والمعيشة اصعب واصعب ومن مات ومن استشهد ومن رحل اسحولي ان اكتفي بذالك لكم شكري |
امم شو احكيلكـ قصة حياتى بخمسة اسطر
بما انى البنت الصغيرونة في ف اكيد رح تكون طلباتى اوامر خصوصا من اممى بحب جو الاسرة كتيير وبتمنى انى ما افئد حدن من اهلئ ولو كان القدر ببيدى رح افديون بعمري طفولة حلووة كتير لا تخلو من المشااغبة لدرجة كنت عم ضر نفسئ مريت بمواقف حلوة ومره واغلبها عم اذكرها بجميع تفاصيلها تخرجت من الثانوى ب امتياز فتت ع الجامعة اخترت تخصص كتير صعب وما توفئت فية فكان احسن قرار انى اغيرو وغيرتو الحمدلله عندى طموح كبيير ب الارتقاء ب نفسئ بما يرضي ربي وما وئف ع شئ معين الشئ يلي مابحبو بحياتى انى عطول ملوولة بممل من اي شئ حتى لو كنت بحبو هذا الشئ بيتعبنى و يمنعنى من تحقيق اشياء كتير بتمناها خلص هيكـ خلصو الخمسة اسطر موضوع كتير حلووو تسلمى يائممر بدنا كمان نسمع الخمسة اسطرلحياتكـ حبيبيتى |
حياتي بسيطه وسعيده عندما اكن قريبا من خالقي
ومهمومه وتعيسه عندما ابتعد عن خالقي الدنيا دار هم وغم والسعيد من يسعد بقرب الحبيب |
رد: كتابة ئصة حياتك بخمس اسطر موضوع تعبير
السلام عليكم ورحمة الله وبركاته
فتت اليوم وصرت دور على مواضيعي القديمه وشفت هالموضوع وراجعت كل الردود كل انسان عنده هم ومسؤليه والي شفته ماحدا مرتاح وخمس أسطر ما بكفو لكتابه مختصره لحياتنا بس رح يضلو خمس اسطر لان كل ما كترت الاسطر بتكتر الذكريات والي شايفته هالايام ذكرياتنا صارت اسمها الحلوه المره وهي الموضوع رجع انفتح والي حاابب يكتب خمس اسطر بنوور الموضوع تحيااتي للجميع :130: |
رد: كتابة ئصة حياتك بخمس اسطر موضوع تعبير
انا بنت ازغر وحدة بالعيلة وعندي اهلي اول اهتماماتي بحب اضحك كتير عشت طفولة ولا اروع ببلدي اكتر شغلة كانت وجعي هي انو اغتربت عنها عايشة مع اهلي والحمدلله عندي طموح كتير حابة اوصلها اولها ارجع لبلدي الغالي
موضوه بجنننن هموسة دمتي ودام ابداعك تقبلي تحياتي |
رد: كتابة ئصة حياتك بخمس اسطر موضوع تعبير
منوور ملووكه
ان شااء الله بترجعي على بلدك كلنا عندنا هالأمنيه الله يخليلك اهلك ياارب ويضلو منورين حيااتك تحيااتي الك |
رد: كتابة ئصة حياتك بخمس اسطر موضوع تعبير
قرأت شوو كتبتوو
ربنااا يسعدكم جميعا ويوفقكم بحيااتكوو ويبعد عنكوو كل ضيق... هلقيت اناا كتبتلكم خمس سطوور بس حذفتهم،، ما حبيت تعرفو يلي كتبتو خخخخ يعطيكوو العافيةةة جميعا ....هموووس دائماا مواضيعك مميزة بهنيكي وحبي الك ❤❤❤ |
| الساعة الآن 05:55 AM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
